Southampton vann Brighton & Hove Albion í eina leik kvöldsins í ensku úrvalsdeildinni. Lokatölur 2-1 en Danny Ings skoraði sigurmarkið úr vítaspyrnu á 81. mínútu leiksins.
Heimamenn í Brighton komust yfir, einnig með marki úr vítaspyrnu, en James Ward-Prowse handlék þá knöttinn innan vítateigs. Pascal Gross fór á punktinn, líkt og gegn Liverpool, og skoraði af öryggi.
Þannig var staðan þangað til undir lok fyrri hálfleiks er Southampton fékk hornspyrnu. Ward-Prowse negldi boltanum fyrir markið og Daninn hávaxi Jannik Vestergaard stangaði knöttinn í netið.
James Ward-Prowse has been directly involved in 7 (4 & 3 ) goals in his last 6 Premier League games.
— Statman Dave (@StatmanDave) December 7, 2020
Pinpoint delivery for the equaliser. pic.twitter.com/67CRbRYy3G
Staðan 1-1 og þannig var hún í hálfleik. Raunar var hún þannig allt fram á 81. mínútu þegar Solly March fékk dæmda á sig vítaspyrnu fyrir að hrinda Kyle Walker-Peters innan vítateigs.
Ings fór á punktinn og skoraði af öryggi. Staðan orðin 2-1 og reyndust það lokatölur leiksins. Southampton þar með komið í 5. sæti deildarinnar með 20 stig eftir 11 leiki á meðan Brighton er með 10 stig í 16. sæti.
