Er ekki kominn tími á, að Sjálfstæðisflokkurinn verði sjálfstæður! Ole Anton Bieltvedt skrifar 15. febrúar 2021 13:00 Þann 5. febrúar sl. var ritstjórnargrein, leiðari, í Morgunblaðinu, sem allir hugsandi menn ættu að kynna sér. Höfundur mun hafa verið fyrrverandi borgarstjóri, forsætisráðherra, seðlabankastjóri og nú annar ritstjóra blaðins. Sennilega áhrifamesti maður landsins síðustu 3-4 áratugi. Hér má líka hafa í huga, að Morgunblaðið, með sína hundrað ára sögu, hefur, lengst af, verið helzti, áhrifamesti og virtasti fjölmiðill landsins, þó að hann haldi þeim sessi ekki lengur. Í öllu falli verða lesendur að geta vænst þess, að leiðarar blaðisins séu efnislega réttir og allur málflutningur þar sæmilega vandaður og ábyrgur, sem ekki er í þessu tilviki. Um hvað snérist svo þessi leiðari? Bóluefni við COVID-19, útvegun á því svo og framgöngu ESB í málinu. Við þetta efni varð ritstjórinn svo - eins og nánast ósjálfrátt og af gömlum vana - að hnýta árásum og óhróði, mest staðlausum stöfum, á ESB og Evruna. Þá skal stuttlega skýrt frá því, sem satt er og rétt í bóluefnamálinu: Strax í byrjun júní sl. setti ESB 2 milljarða Evra, 320 milljarða króna, í það að styðja við þróun bóluefnis hjá 6 þróunarfyrirtækjum og framleiðendum, jafnframt því, sem sambandið tryggði sér, með þessari fyrirfram fjármögnun, hagstætt verð og forgangsafgreiðslu bóluefnis hjá nefndum aðilum. Tryggði sambandið sér á þennan hátt afhendingu 1,3 milljarða bóluefnisskammta, fyrir aðildarríkin 27, á lægstu mögulegu verði og með mestum mögulegum hraða. Þar sem þetta verkefni var unnið með fjármunum aðildar-ríkjanna 27, var ekki heimilt að veita öðrum löndum aðgang að þessum hagstæðu samningum, en vegna velvildar, ekki sízt nýs forseta framkvæmdastjórnar ESB, Ursulu von der Leyen, var sú leið fundin fyrir Ísland og Noreg, vegna náinna tengsla og samvinnu þeirra við ESB, að þau fengju líka aðgang að þessum bezt mögulegu lausnum í gegnum kvóta aðildarríkisins Svíþjóðar. Hér var því um hreint vinarbragð ESB gagnvart Íslandi og Noregi að ræða, þökk sé ekki sízt von der Leyen. Nú fyrir nokkru, þegar tilteknir bóluefnaframleiðendur, sem höfðu notið fjárstyrks ESB, tilkynntu, að þeir myndu ekki standa við gerða afhendingarsamninga við ESB, og þá um leið Ísland og Noreg, á sama tíma og þeir virtust ætla að afgreiða Bretland að fullu, brást ESB hart við og boðaði mögulegt útflutningsbann á bóluefni út úr ESB, sem þýddi m.a. lokun landamæra milli ESB og Bretlands, á Írlandi. Var þetta skref tekið til að þrýsta á framleiðendur með það, að þeir stæðu við sínar afhendingarskuldbindingar. Þessi landamæraþrýstingur, sem byggði á ákvæði í Brexitsamningnum, stóð aðeins hálfan dag, án þessa að valda nokkrum manni tjóni. Var í raun bara viðvörun. Ofangreint var það efni, sem leiðarahöfundur greinilega vildi fjalla um. Hvað stendur svo í leiðaranum? Tilvitnun I: „Ofan á furðulegt andvaraleysi og seinagang í miðjum heimsfaraldri bætist ótrúlegt dómgreindarleysi og bráðlæti...“. Lesendur geta, hver um sig, dæmt um það, hvort þetta sé rétt og sanngjörn lýsing á atburðarásinni. Tilvitnun II: „Bóluefnishneyksli ESB koma efasemdarmönnum um Evrópu-samrunann ekki á óvart. Þeir hafa um árabil varað við því að Evrópusambandið sé martraðarkennt möppudýraveldi, vígi verndarstefnu og pilsfaldakapítalisma, þar sem sóun og stöðnun haldast í hendur, kjötkatlaklúbbur afdankaðra 3. flokks stjórnmálamanna, án lýðræðislegrar tilsjónar almennings álfunnar sem fær að gjalda fyrir dýru verði. Það er ekki nýtt, en á síðustu vikum hafa afhjúpast sönnunargögn fyrir öllu þessu“. Ég spurði mig nú bara, þegar ég las þetta, datt leiðarahöfundur á höfuðið eða gekk hann á ljósastaur. Um hvaða „bóluefnahneyksli“ er hann að tala? ESB var akkúrat að gera sitt bezta til að tryggja hagsmuni Evrópubúa - líka okkar Íslendinga - með viðleitni sinni og framgöngu. Fyrir hvern, eða hvað, er ESB „martraðarkennt möppudýraveldi“? Sat hér götustrákur, reyndar sennilega nokkuð roskinn og grár, við leiðaraskrif!? Hverjir eru í „kjötkatlaklúbbi afdankaðra 3. flokks stjórnmála-manna, án lýðræðislegrar tilsjónar...“? Eru það kannske t.a.m. Stefan Löfven, Mette Frederiksen, Angela Merkel, Mark Rutte, Sebastian Kurz, Emmanuel Macron, Giuseppe Conte? Svona fúkyrði og dónaskapur um virta og leiðandi stjórnmála-menn álfunnar eru auðvitað fáheyrð; algjör ósvinna og hreint hneyksli! Annan ósannan, yfirkeyrðan og skammarlegan málflutning er að finna í m.a. þessari tilvitnun: Tilvitnun III: „...og eins þurfa Danir, Pólverjar, Tékkar og fleiri evrulausar þjóðir að ábyrgjast stórfenglega lántöku til að bjarga evrunni enn eina ferðina“. „Bjarga evrunni“!? Það rétta hér er þetta: Þegar Evran var innleidd, um síðustu aldamót, var verðgildi hennar gagnvart Bandaríkjadal 1,00 Evra = 1,07 Bandaríkjadalur. Á þeim tveimur áratugum, sem liðnir eru, hefur Evran nánast alltaf verið vel yfir þessum mörkum, stundum langt yfir þeim, og í dag er ein Evra 1,21 USD. Evran hefur þannig verið sterkasti og stöðugasti gjaldmiðill heims síðustu 20 árin. Tilvitnun IV: „...þar sem hin máttugu ríki ráða því sem þau vilja og núningurinn eykst, en vanhæfni og vanmáttur hinnar ólýðisræðilegu valdastéttar í Brussel er orðin að sérstökum vanda“ Þær fullyrðingar, sem hér eru settar fram, eru líka algjörlega út í hött og fáránlegar. ESB er lýræðislegasta samband þjóðríkja í sögunni. Engin ný meiriháttar lagasetning eða stefnumörkun tekur gildi fyrr en allar aðildarþjóðirnar 27, og þjóðþing þeirra, svo og Evrópuþingið, með á áttunda hundrað lýðræðislega kjörinna þingmanna, úr allri álfunni, hafa lagt blessun sína yfir málið. Á sínum tíma neitaði t.a.m. eitt af þjóðþingum Belga, þjóðþing þjóðarbrotsins Vallóna, að samþykkja fríverzlunarsamning við Kanada, sem sambandið hafði unnið hart að í 7 ár. Þá fyrst, þegar þjóðþing Vallóna hafði fengið fram sinn vilja sinn um ákveðnar breytingar, var hægt að staðfesta samninginn. Á sama hátt fékkst ný 7-ára fjárhagsáætlun ESB, ásamt regluverki um björgunarsjóð fyrir aðildarríkin vegna COVID-19, mánuðum saman ekki samþykkt, vegna þess, að Ungverjar og Pólverjar – varla „kjölfesturíki ESB“ – settu skilyrði og stöðvuðu málið. Fullyrðingin um „ólýðræðislega valdastétt í Brussel“ er því með öllu staðlausir stafir. Brussel framkvæmir aðeins það, sem aðildarþjóðirnar 27, þjóðþing þeirra og Evrópuþingið hafa samþykkt. Brussel hefur í raun ekkert eigið vald. Þessi ritstjóri virðist halda Sjálstæðisflokknum í gíslingu með skoðanir og stefnumál flokksins. Er ekki kominn tími á, að flokkurinn losi sig við þau ósannindi, þær rangfærslur og þær slitnu klisjur, sem því fylgja!? Er ekki kominn tími á, að Sjálfstæðisflokkurinn verði sjálfstæður!? Viltu birta grein á Vísi? Sendu okkur póst. Senda grein Ole Anton Bieltvedt Skoðun: Kosningar 2021 Sjálfstæðisflokkurinn Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Þjóð sem lætur kyrrt liggja? Magnús Árni Skjöld Magnússon Skoðun Talið við okkur áður en þið talið um okkur Ian McDonald Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun Losar Alþingi um leyfisveitinga-flækjuna? Katrín Helga Hallgrímsdóttir Skoðun Óður til Sigga sjéní Ingvi Þór Georgsson Skoðun Skoðun Skoðun Raunir ríka fólksins og bænir þess Jónas Yngvi Ásgrímsson skrifar Skoðun Myglaða nestisboxið og gleymda sítrónan María Rut Kristinsdóttir skrifar Skoðun Talið við okkur áður en þið talið um okkur Ian McDonald skrifar Skoðun Björgunarleiðangur fyrir Heimsmarkmiðin Antonio Guterres skrifar Skoðun Átti ekki að klára dæmið í geðheilbrigðismálum? Ingveldur Anna Sigurðardóttir skrifar Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ skrifar Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift skrifar Skoðun Óður til Sigga sjéní Ingvi Þór Georgsson skrifar Skoðun Álframleiðsla á Íslandi er ekki bara mikilvæg fyrir Ísland Guðríður Eldey Arnardóttir skrifar Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson skrifar Skoðun Örvæntingafullir endó-sjúklingar Diljá Mist Einarsdóttir skrifar Skoðun Þjóð sem lætur kyrrt liggja? Magnús Árni Skjöld Magnússon skrifar Skoðun Umbætur í innkaupum hins opinbera á upplýsingatækni Lilja Björk Guðmundsdóttir skrifar Skoðun Losar Alþingi um leyfisveitinga-flækjuna? Katrín Helga Hallgrímsdóttir skrifar Skoðun Dómsdagur nálgast! Hólmgeir Baldursson skrifar Skoðun Er slysahætta í kringum sorpílátið heima hjá þér? Anna Jóna Kjartansdóttir,Pétur Gísli Jónsson skrifar Skoðun Ég og Parkinson – leitin að greiningu og leiðin til betra lífs Guðrún Einarsdóttir skrifar Skoðun Hvers vegna borga foreldrar í Kópavogi mest? Eydís Inga Valsdóttir skrifar Skoðun Sá tapar sem fyrstur nefnir nasistana: gengisfelling orðsins „rasisti“ Birgir Finnsson skrifar Skoðun Aðgengi er lykill að sjálfstæði, þátttöku og virkni Þuríður Harpa Sigurðardóttir skrifar Skoðun Hagsmunir heildarinnar - Fjórði kafli: Joshua Fought The Battle of Jericho Hannes Örn Blandon skrifar Skoðun Þetta unga fólk getur bara haldið kjafti Jón Pétur Zimsen skrifar Skoðun Kveðjum sjálfhverfa og fyrirsjáanlega manninn Halldóra Mogensen skrifar Skoðun Hefur ekki náð sér á strik síðan Hjörtur J. Guðmundsson skrifar Skoðun Betri vegir, fleiri lögreglumenn og hægt að komast í meðferð á sumrin Þórður Snær Júlíusson skrifar Skoðun Austurland skilar verðmætum – innviðirnir þurfa að fylgja Kristinn Karl Brynjarsson skrifar Skoðun Faglegt mat eða lukka? IV. Faglegt mat og ósvaraðar spurningar Bogi Ragnarsson skrifar Skoðun Skipulögð glæpastarfsemi er ógn við samfélagið Þorbjörg Sigríður Gunnlaugsdóttir skrifar Skoðun Við erum 40 árum á eftir Einar Sverrisson skrifar Skoðun Þétting á 27. brautinni Friðjón R. Friðjónsson skrifar Sjá meira
Þann 5. febrúar sl. var ritstjórnargrein, leiðari, í Morgunblaðinu, sem allir hugsandi menn ættu að kynna sér. Höfundur mun hafa verið fyrrverandi borgarstjóri, forsætisráðherra, seðlabankastjóri og nú annar ritstjóra blaðins. Sennilega áhrifamesti maður landsins síðustu 3-4 áratugi. Hér má líka hafa í huga, að Morgunblaðið, með sína hundrað ára sögu, hefur, lengst af, verið helzti, áhrifamesti og virtasti fjölmiðill landsins, þó að hann haldi þeim sessi ekki lengur. Í öllu falli verða lesendur að geta vænst þess, að leiðarar blaðisins séu efnislega réttir og allur málflutningur þar sæmilega vandaður og ábyrgur, sem ekki er í þessu tilviki. Um hvað snérist svo þessi leiðari? Bóluefni við COVID-19, útvegun á því svo og framgöngu ESB í málinu. Við þetta efni varð ritstjórinn svo - eins og nánast ósjálfrátt og af gömlum vana - að hnýta árásum og óhróði, mest staðlausum stöfum, á ESB og Evruna. Þá skal stuttlega skýrt frá því, sem satt er og rétt í bóluefnamálinu: Strax í byrjun júní sl. setti ESB 2 milljarða Evra, 320 milljarða króna, í það að styðja við þróun bóluefnis hjá 6 þróunarfyrirtækjum og framleiðendum, jafnframt því, sem sambandið tryggði sér, með þessari fyrirfram fjármögnun, hagstætt verð og forgangsafgreiðslu bóluefnis hjá nefndum aðilum. Tryggði sambandið sér á þennan hátt afhendingu 1,3 milljarða bóluefnisskammta, fyrir aðildarríkin 27, á lægstu mögulegu verði og með mestum mögulegum hraða. Þar sem þetta verkefni var unnið með fjármunum aðildar-ríkjanna 27, var ekki heimilt að veita öðrum löndum aðgang að þessum hagstæðu samningum, en vegna velvildar, ekki sízt nýs forseta framkvæmdastjórnar ESB, Ursulu von der Leyen, var sú leið fundin fyrir Ísland og Noreg, vegna náinna tengsla og samvinnu þeirra við ESB, að þau fengju líka aðgang að þessum bezt mögulegu lausnum í gegnum kvóta aðildarríkisins Svíþjóðar. Hér var því um hreint vinarbragð ESB gagnvart Íslandi og Noregi að ræða, þökk sé ekki sízt von der Leyen. Nú fyrir nokkru, þegar tilteknir bóluefnaframleiðendur, sem höfðu notið fjárstyrks ESB, tilkynntu, að þeir myndu ekki standa við gerða afhendingarsamninga við ESB, og þá um leið Ísland og Noreg, á sama tíma og þeir virtust ætla að afgreiða Bretland að fullu, brást ESB hart við og boðaði mögulegt útflutningsbann á bóluefni út úr ESB, sem þýddi m.a. lokun landamæra milli ESB og Bretlands, á Írlandi. Var þetta skref tekið til að þrýsta á framleiðendur með það, að þeir stæðu við sínar afhendingarskuldbindingar. Þessi landamæraþrýstingur, sem byggði á ákvæði í Brexitsamningnum, stóð aðeins hálfan dag, án þessa að valda nokkrum manni tjóni. Var í raun bara viðvörun. Ofangreint var það efni, sem leiðarahöfundur greinilega vildi fjalla um. Hvað stendur svo í leiðaranum? Tilvitnun I: „Ofan á furðulegt andvaraleysi og seinagang í miðjum heimsfaraldri bætist ótrúlegt dómgreindarleysi og bráðlæti...“. Lesendur geta, hver um sig, dæmt um það, hvort þetta sé rétt og sanngjörn lýsing á atburðarásinni. Tilvitnun II: „Bóluefnishneyksli ESB koma efasemdarmönnum um Evrópu-samrunann ekki á óvart. Þeir hafa um árabil varað við því að Evrópusambandið sé martraðarkennt möppudýraveldi, vígi verndarstefnu og pilsfaldakapítalisma, þar sem sóun og stöðnun haldast í hendur, kjötkatlaklúbbur afdankaðra 3. flokks stjórnmálamanna, án lýðræðislegrar tilsjónar almennings álfunnar sem fær að gjalda fyrir dýru verði. Það er ekki nýtt, en á síðustu vikum hafa afhjúpast sönnunargögn fyrir öllu þessu“. Ég spurði mig nú bara, þegar ég las þetta, datt leiðarahöfundur á höfuðið eða gekk hann á ljósastaur. Um hvaða „bóluefnahneyksli“ er hann að tala? ESB var akkúrat að gera sitt bezta til að tryggja hagsmuni Evrópubúa - líka okkar Íslendinga - með viðleitni sinni og framgöngu. Fyrir hvern, eða hvað, er ESB „martraðarkennt möppudýraveldi“? Sat hér götustrákur, reyndar sennilega nokkuð roskinn og grár, við leiðaraskrif!? Hverjir eru í „kjötkatlaklúbbi afdankaðra 3. flokks stjórnmála-manna, án lýðræðislegrar tilsjónar...“? Eru það kannske t.a.m. Stefan Löfven, Mette Frederiksen, Angela Merkel, Mark Rutte, Sebastian Kurz, Emmanuel Macron, Giuseppe Conte? Svona fúkyrði og dónaskapur um virta og leiðandi stjórnmála-menn álfunnar eru auðvitað fáheyrð; algjör ósvinna og hreint hneyksli! Annan ósannan, yfirkeyrðan og skammarlegan málflutning er að finna í m.a. þessari tilvitnun: Tilvitnun III: „...og eins þurfa Danir, Pólverjar, Tékkar og fleiri evrulausar þjóðir að ábyrgjast stórfenglega lántöku til að bjarga evrunni enn eina ferðina“. „Bjarga evrunni“!? Það rétta hér er þetta: Þegar Evran var innleidd, um síðustu aldamót, var verðgildi hennar gagnvart Bandaríkjadal 1,00 Evra = 1,07 Bandaríkjadalur. Á þeim tveimur áratugum, sem liðnir eru, hefur Evran nánast alltaf verið vel yfir þessum mörkum, stundum langt yfir þeim, og í dag er ein Evra 1,21 USD. Evran hefur þannig verið sterkasti og stöðugasti gjaldmiðill heims síðustu 20 árin. Tilvitnun IV: „...þar sem hin máttugu ríki ráða því sem þau vilja og núningurinn eykst, en vanhæfni og vanmáttur hinnar ólýðisræðilegu valdastéttar í Brussel er orðin að sérstökum vanda“ Þær fullyrðingar, sem hér eru settar fram, eru líka algjörlega út í hött og fáránlegar. ESB er lýræðislegasta samband þjóðríkja í sögunni. Engin ný meiriháttar lagasetning eða stefnumörkun tekur gildi fyrr en allar aðildarþjóðirnar 27, og þjóðþing þeirra, svo og Evrópuþingið, með á áttunda hundrað lýðræðislega kjörinna þingmanna, úr allri álfunni, hafa lagt blessun sína yfir málið. Á sínum tíma neitaði t.a.m. eitt af þjóðþingum Belga, þjóðþing þjóðarbrotsins Vallóna, að samþykkja fríverzlunarsamning við Kanada, sem sambandið hafði unnið hart að í 7 ár. Þá fyrst, þegar þjóðþing Vallóna hafði fengið fram sinn vilja sinn um ákveðnar breytingar, var hægt að staðfesta samninginn. Á sama hátt fékkst ný 7-ára fjárhagsáætlun ESB, ásamt regluverki um björgunarsjóð fyrir aðildarríkin vegna COVID-19, mánuðum saman ekki samþykkt, vegna þess, að Ungverjar og Pólverjar – varla „kjölfesturíki ESB“ – settu skilyrði og stöðvuðu málið. Fullyrðingin um „ólýðræðislega valdastétt í Brussel“ er því með öllu staðlausir stafir. Brussel framkvæmir aðeins það, sem aðildarþjóðirnar 27, þjóðþing þeirra og Evrópuþingið hafa samþykkt. Brussel hefur í raun ekkert eigið vald. Þessi ritstjóri virðist halda Sjálstæðisflokknum í gíslingu með skoðanir og stefnumál flokksins. Er ekki kominn tími á, að flokkurinn losi sig við þau ósannindi, þær rangfærslur og þær slitnu klisjur, sem því fylgja!? Er ekki kominn tími á, að Sjálfstæðisflokkurinn verði sjálfstæður!?
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ skrifar
Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift skrifar
Skoðun Álframleiðsla á Íslandi er ekki bara mikilvæg fyrir Ísland Guðríður Eldey Arnardóttir skrifar
Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson skrifar
Skoðun Er slysahætta í kringum sorpílátið heima hjá þér? Anna Jóna Kjartansdóttir,Pétur Gísli Jónsson skrifar
Skoðun Sá tapar sem fyrstur nefnir nasistana: gengisfelling orðsins „rasisti“ Birgir Finnsson skrifar
Skoðun Hagsmunir heildarinnar - Fjórði kafli: Joshua Fought The Battle of Jericho Hannes Örn Blandon skrifar
Skoðun Betri vegir, fleiri lögreglumenn og hægt að komast í meðferð á sumrin Þórður Snær Júlíusson skrifar
Skoðun Austurland skilar verðmætum – innviðirnir þurfa að fylgja Kristinn Karl Brynjarsson skrifar
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun