Balingen-Weilstetten vann öruggan 11 marka sigur á Nordhorn-Lingen í dag, lokatölur 35-24. Oddur átti góðan leik í liði heimamanna og skoraði fjögur mörk. Sigurinn var mjög mikilvægur í fallbaráttunni en fyrir leik var aðeins stig á milli liðanna.
Balingen er sem stendur í 16. sæti með 15 stig eftir 23 leiki.
Rhein-Neckar Löwen vann eins marks útisigur á Melsungen, lokatölur 26-25 gestunum í vil. Hvorki Arnar Freyr né Ýmir Örn komust á blað í leiknum.
Ýmir Örn og félagar jafna þar með toppliðin Flensburg og Magdeburg að stigum. Öll þrjú liðin eru með 34 stig en Magdeburg á leik til góða á Löwen. Flensburg á svo þrjá leiki til góða á Magdebug og fjóra til góða á Löwen.