Handbolti

Ómar Ingi skoraði sex í tapi

Valur Páll Eiríksson skrifar
Ómar Ingi hefur verið iðinn við markaskorun í vetur.
Ómar Ingi hefur verið iðinn við markaskorun í vetur. Uwe Anspach/Getty

Ómar Ingi Magnússon skoraði sex mörk fyrir Magdeburg sem tapaði naumlega 30-28 fyrir Erlangen á útivelli í þýsku úrvalsdeildinni í handbolta í dag. Ómar er þriðji markahæstur í deildinni.

Eftir jafnan fyrri hálfleik stungu Magdeburg af undir lok hans og leiddu með fjögurra marka mun í hálfleik, 16-12. Erlangen mættu hins vegar ákveðnir til leiks í seinni hálfleik og jöfnuðu þegar um átta mínútur voru liðnar. Fljótlega eftir það náðu þeir forystunni og héldu tveggja til þriggja marka forystu allt til loka.

Magdeburg er í fjórða sæti deildarinnar með 38 stig, átta stigum frá toppliði Flensburgar.

Ómar Ingi skoraði sex mörk í leiknum og er sá þriðji markahæsti í deildinni með 173 mörk. Marcel Schiller er markahæstur með 181 mark en Robert Weber hefur skorað 179. Fjórði er Viggó Kristjánsson með 166 mörk.

Þýski handboltinn

Mest lesið


Fleiri fréttir

Sjá meira


×

Mest lesið