„Þarf að hreinsa meira til en að láta Guðna einan bera þennan kross“ Ingvi Þór Sæmundsson skrifar 30. ágúst 2021 11:36 Sævar Pétursson er framkvæmdastjóri KA og á sæti í stjórn ÍTF. Óánægja er innan fótboltahreyfingarinnar á Íslandi með niðurstöðu maraþonfundar KSÍ um helgina. Að mati ÍTF, hagsmunasamtaka félaganna í efstu tveimur deildum karla og kvenna, þarf að gera breytingar á stjórn KSÍ. Hart hefur verið sótt að KSÍ undanfarna daga eftir að ung kona steig fram í viðtali við RÚV og greindi frá kynferðisofbeldi sem hún varð fyrir af hendi landsliðsmanns. Hann viðurkenndi brot sitt og greiddi henni miskabætur. Hún var hins vegar ósátt við að Guðni Bergsson hefði greint frá því í viðtali við Kastljós að engin kynferðisofbeldismál hefðu komið á borð sambandsins með formlegum hætti. Guðni dró seinna í land og sagði að sig hefði minnt að um ofbeldismál hefði verið að ræða. Guðni sagði af sér sem formaður KSÍ í gær en stjórn sambandsins ákvað að sitja áfram. Gísli Gíslason og Borghildur Sigurðardóttir, varaformenn KSÍ, gegna störfum formanns á meðan. Í samtali við Bítið á Bylgjunni sagði Borghildur að ekki hafi verið möguleiki á því að öll stjórnin myndi hætta. Þá yrði sambandið óstarfhæft. Stjórn ÍTF fundaði í gær og yfirlýsingar er að vænta frá samtökunum í hádeginu. Sævar Pétursson, framkvæmdastjóri KA, situr í stjórn ÍTF og segir að þar á bæ ríki óánægja með hvernig KSÍ hafi tekið á málunum. „Í stórum dráttum finnst fólki ekki nógu langt gengið og er ósátt við viðbrögðin sem komu frá KSÍ um helgina. Fólki finnst að meira þurfi að gera. Sú forysta sem er í dag er rúin trausti og það þarf að taka meira til að hægt að sé að halda áfram og unnið aftur traust hjá hreyfingunni og samfélaginu. Það þarf að hreinsa meira til en að láta Guðna einan bera þennan kross,“ sagði Sævar við Vísi í morgun. Guðni Bergsson er hættur sem formaður KSÍ eftir fjögurra ára starf.vísir/daníel Honum finnst afsögn lykta af því að Guðni hafi verið gerður að hálfgerðum blóraböggli í málinu. Fleiri þurfi að axla ábyrgð. Fleiri hafa komið að þessu máli og höndlað það illa „Það er mín persónulega skoðun að Guðni sé að axla ábyrgð sem mun fleiri þurfa að gera. Mun fleiri koma að þessu máli og hafa höndlað það illa. Það þarf að skipta út meiri forystu til að það verði sátt um okkar störf. Þarna skipta nöfn litlu máli. Við þurfum að fá aðila sem byrja með hreint borð og geta komið fram af auðmýkt fyrir hönd hreyfingarinnar og höndlað þessi mál því það hefur svo sannarlega ekki verið gert,“ sagði Sævar. Klara Bjartmarz situr enn sem framkvæmdastjóri KSÍ en hún hefur unnið lengi fyrir sambandið. En er það krafa ÍTF að Klara víki sem framkvæmdastjóri? „Án þess að fara út í smáatriði hver krafan er, því yfirlýsingar frá ÍTF er að vænta og hún talar fyrir sig, er það ekkert launungarmál að langstærstur hluti félaga ÍTF og jafnvel í neðri deildunum er ósátt við þá niðurstöðu sem kom frá KSÍ í gær,“ sagði Sævar. Klara Bjartmarz hefur fengið sinn skerf af gagnrýni undanfarna daga.vísir/egill Að hans sögn er ÍTF og fótboltahreyfingin í landinu samhljóða í áliti sínu á stöðunni. „Þú verður kannski aldrei með einróma en það hefur sjaldan verið jafn mikil samstaða. Sjaldan hefur komið upp mál þar sem jafn margir eru sammála,“ sagði Sævar. Krafa að boða til aukaþings Rætt var um að boða til aukaþings KSÍ þar sem ný stjórn yrði kosin en engin formleg tillaga var lögð fram. Stjórn KSÍ hyggst sitja fram að næsta ársþingi sem fer fram í febrúar á næsta ári. Að sögn Sævars vilja aðildarfélög KSÍ ekki bíða svo lengi og boða til aukaþings. „Ég held að það verði krafa aðildarfélaganna að það verði boðað til aukaþings. Mér heyrist að það sé almennur vilji hjá félögunum að stjórnarfólk endurnýi umboð sitt til að vinna til baka það traust sem þarf til að stýra svona fjöldahreyfingu eins og KSÍ. Þú getur ekki verið í fararbroddi fyrir hreyfinguna þegar þú ert ekki með fullt traust og umboð hennar til að taka á þessum málum,“ sagði Sævar. Þarf að rétta upp hönd og viðurkenna ítrekuð mistök Hann segir að KSÍ þurfi að byrja á núllpunkti og viðurkenna mistök sín til að hægt verði að endurheimta traust, bæði fótboltahreyfingarinnar og almennings. „KSÍ þarf að byrja upp á nýtt. Það þarf breyta þeirri menningu sem hefur verið viðloðandi þarna. Það er kannski ekki auðvelt að segja einn, tveir og þrír hvað það er nákvæmlega en fyrir það fyrsta þarf fólk að rétta upp hönd og viðurkenna mistökin sem voru ítrekað gerð og læra af þeim. Þú þarft að fara fram á við með betrumbótum en ekki feluleik og undankomu og tækla vandamálið sem er til staðar,“ sagði Sævar. „Til að hægt sé að ráðast í endurbætur þarf sú stjórn og forysta sem fær það verk að vera með traust hreyfingarinnar og almennings. Það er mitt mat að sú forysta sem er núna sé ekki með það traust. Ég hef ekkert út á einstaklingana að setja en það er bara búið að vinna hlutina það illa að þetta traust er ekki til staðar.“ KSÍ Kynferðisofbeldi Landsliðsmenn sakaðir um kynferðisofbeldi Mest lesið Snéru heim eins og rokkstjörnur og komust á súluna á Astró Fótbolti Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti Köstuðu blysum en segja hina hafa hrækt og hellt bjór á leikmenn Handbolti Manchester City nokkuð þægilega í 4-liða úrslit Enski boltinn Uppgjörið: Breiðablik - KA 3-1 | Breiðablik er meistari meistaranna Íslenski boltinn Íslendingalið í bullandi tapi og getur ekki sótt fleiri stjörnur Handbolti Skelfileg meiðsli Stefáns Árna: „Fóturinn var í mjög ljótri stöðu“ Íslenski boltinn Fékk fjóra bakka af eggjum fyrir að vera maður leiksins Fótbolti Jafngildi 20 Þjóðarhalla við Hringbraut svo ein á að geta risið í Laugardal Sport Haaland yfirgaf völlinn á hækjum og í spelku Fótbolti Fleiri fréttir Reiknar ekki með öðru en Chris Paul taki annað tímabil Tekjur Wrexham í hæstu hæðum „Ætluðum að gera þetta fyrir hana í kvöld“ „Frábært að stela heimavellinum“ „Gerðum ekki ráð fyrir einhverri rosalegri flugeldasýningu“ Uppgjörið: Keflavík - Tindastóll 92-63 | Keflvíkingar gáfu engin grið Haaland væntanlega úr leik í deildinni Brast ítrekað í grát og neitar öllum ásökunum um ofbeldi Uppgjörið: Haukar - Grindavík 86-91 | Háspenna og framlenging í upphafi úrslitakeppni Saka klár í slaginn á ný McIlroy annar til að þéna hundrað milljónir á PGA-mótaröðinni Vildu sjá Kjartan Atla og Rúnar lenda í slag eins og í NBA Íslendingalið í bullandi tapi og getur ekki sótt fleiri stjörnur Eldmóður í nýjum þjálfara: „Meira en spenntur“ Fékk fjóra bakka af eggjum fyrir að vera maður leiksins Heimsóttu Hásteinsvöll: „Það eru ekkert allir sáttir við þetta“ Valgerður ekki af baki dottin: „Ég ætla í stóru beltin“ Hvorki zombie-bit né tattú Pekka Salminen nýr landsliðsþjálfari Vel vopnaðir tökumenn: „Djöfull er þetta góður klútur“ Sjáðu nýjan þjálfara Íslands kynna sig Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Hópslagsmál í NBA og sjö hent úr húsi Lýsa miklum áhuga Arsenal á manninum sem Man. Utd þráir Köstuðu blysum en segja hina hafa hrækt og hellt bjór á leikmenn Snéru heim eins og rokkstjörnur og komust á súluna á Astró Sjá meira
Hart hefur verið sótt að KSÍ undanfarna daga eftir að ung kona steig fram í viðtali við RÚV og greindi frá kynferðisofbeldi sem hún varð fyrir af hendi landsliðsmanns. Hann viðurkenndi brot sitt og greiddi henni miskabætur. Hún var hins vegar ósátt við að Guðni Bergsson hefði greint frá því í viðtali við Kastljós að engin kynferðisofbeldismál hefðu komið á borð sambandsins með formlegum hætti. Guðni dró seinna í land og sagði að sig hefði minnt að um ofbeldismál hefði verið að ræða. Guðni sagði af sér sem formaður KSÍ í gær en stjórn sambandsins ákvað að sitja áfram. Gísli Gíslason og Borghildur Sigurðardóttir, varaformenn KSÍ, gegna störfum formanns á meðan. Í samtali við Bítið á Bylgjunni sagði Borghildur að ekki hafi verið möguleiki á því að öll stjórnin myndi hætta. Þá yrði sambandið óstarfhæft. Stjórn ÍTF fundaði í gær og yfirlýsingar er að vænta frá samtökunum í hádeginu. Sævar Pétursson, framkvæmdastjóri KA, situr í stjórn ÍTF og segir að þar á bæ ríki óánægja með hvernig KSÍ hafi tekið á málunum. „Í stórum dráttum finnst fólki ekki nógu langt gengið og er ósátt við viðbrögðin sem komu frá KSÍ um helgina. Fólki finnst að meira þurfi að gera. Sú forysta sem er í dag er rúin trausti og það þarf að taka meira til að hægt að sé að halda áfram og unnið aftur traust hjá hreyfingunni og samfélaginu. Það þarf að hreinsa meira til en að láta Guðna einan bera þennan kross,“ sagði Sævar við Vísi í morgun. Guðni Bergsson er hættur sem formaður KSÍ eftir fjögurra ára starf.vísir/daníel Honum finnst afsögn lykta af því að Guðni hafi verið gerður að hálfgerðum blóraböggli í málinu. Fleiri þurfi að axla ábyrgð. Fleiri hafa komið að þessu máli og höndlað það illa „Það er mín persónulega skoðun að Guðni sé að axla ábyrgð sem mun fleiri þurfa að gera. Mun fleiri koma að þessu máli og hafa höndlað það illa. Það þarf að skipta út meiri forystu til að það verði sátt um okkar störf. Þarna skipta nöfn litlu máli. Við þurfum að fá aðila sem byrja með hreint borð og geta komið fram af auðmýkt fyrir hönd hreyfingarinnar og höndlað þessi mál því það hefur svo sannarlega ekki verið gert,“ sagði Sævar. Klara Bjartmarz situr enn sem framkvæmdastjóri KSÍ en hún hefur unnið lengi fyrir sambandið. En er það krafa ÍTF að Klara víki sem framkvæmdastjóri? „Án þess að fara út í smáatriði hver krafan er, því yfirlýsingar frá ÍTF er að vænta og hún talar fyrir sig, er það ekkert launungarmál að langstærstur hluti félaga ÍTF og jafnvel í neðri deildunum er ósátt við þá niðurstöðu sem kom frá KSÍ í gær,“ sagði Sævar. Klara Bjartmarz hefur fengið sinn skerf af gagnrýni undanfarna daga.vísir/egill Að hans sögn er ÍTF og fótboltahreyfingin í landinu samhljóða í áliti sínu á stöðunni. „Þú verður kannski aldrei með einróma en það hefur sjaldan verið jafn mikil samstaða. Sjaldan hefur komið upp mál þar sem jafn margir eru sammála,“ sagði Sævar. Krafa að boða til aukaþings Rætt var um að boða til aukaþings KSÍ þar sem ný stjórn yrði kosin en engin formleg tillaga var lögð fram. Stjórn KSÍ hyggst sitja fram að næsta ársþingi sem fer fram í febrúar á næsta ári. Að sögn Sævars vilja aðildarfélög KSÍ ekki bíða svo lengi og boða til aukaþings. „Ég held að það verði krafa aðildarfélaganna að það verði boðað til aukaþings. Mér heyrist að það sé almennur vilji hjá félögunum að stjórnarfólk endurnýi umboð sitt til að vinna til baka það traust sem þarf til að stýra svona fjöldahreyfingu eins og KSÍ. Þú getur ekki verið í fararbroddi fyrir hreyfinguna þegar þú ert ekki með fullt traust og umboð hennar til að taka á þessum málum,“ sagði Sævar. Þarf að rétta upp hönd og viðurkenna ítrekuð mistök Hann segir að KSÍ þurfi að byrja á núllpunkti og viðurkenna mistök sín til að hægt verði að endurheimta traust, bæði fótboltahreyfingarinnar og almennings. „KSÍ þarf að byrja upp á nýtt. Það þarf breyta þeirri menningu sem hefur verið viðloðandi þarna. Það er kannski ekki auðvelt að segja einn, tveir og þrír hvað það er nákvæmlega en fyrir það fyrsta þarf fólk að rétta upp hönd og viðurkenna mistökin sem voru ítrekað gerð og læra af þeim. Þú þarft að fara fram á við með betrumbótum en ekki feluleik og undankomu og tækla vandamálið sem er til staðar,“ sagði Sævar. „Til að hægt sé að ráðast í endurbætur þarf sú stjórn og forysta sem fær það verk að vera með traust hreyfingarinnar og almennings. Það er mitt mat að sú forysta sem er núna sé ekki með það traust. Ég hef ekkert út á einstaklingana að setja en það er bara búið að vinna hlutina það illa að þetta traust er ekki til staðar.“
KSÍ Kynferðisofbeldi Landsliðsmenn sakaðir um kynferðisofbeldi Mest lesið Snéru heim eins og rokkstjörnur og komust á súluna á Astró Fótbolti Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti Köstuðu blysum en segja hina hafa hrækt og hellt bjór á leikmenn Handbolti Manchester City nokkuð þægilega í 4-liða úrslit Enski boltinn Uppgjörið: Breiðablik - KA 3-1 | Breiðablik er meistari meistaranna Íslenski boltinn Íslendingalið í bullandi tapi og getur ekki sótt fleiri stjörnur Handbolti Skelfileg meiðsli Stefáns Árna: „Fóturinn var í mjög ljótri stöðu“ Íslenski boltinn Fékk fjóra bakka af eggjum fyrir að vera maður leiksins Fótbolti Jafngildi 20 Þjóðarhalla við Hringbraut svo ein á að geta risið í Laugardal Sport Haaland yfirgaf völlinn á hækjum og í spelku Fótbolti Fleiri fréttir Reiknar ekki með öðru en Chris Paul taki annað tímabil Tekjur Wrexham í hæstu hæðum „Ætluðum að gera þetta fyrir hana í kvöld“ „Frábært að stela heimavellinum“ „Gerðum ekki ráð fyrir einhverri rosalegri flugeldasýningu“ Uppgjörið: Keflavík - Tindastóll 92-63 | Keflvíkingar gáfu engin grið Haaland væntanlega úr leik í deildinni Brast ítrekað í grát og neitar öllum ásökunum um ofbeldi Uppgjörið: Haukar - Grindavík 86-91 | Háspenna og framlenging í upphafi úrslitakeppni Saka klár í slaginn á ný McIlroy annar til að þéna hundrað milljónir á PGA-mótaröðinni Vildu sjá Kjartan Atla og Rúnar lenda í slag eins og í NBA Íslendingalið í bullandi tapi og getur ekki sótt fleiri stjörnur Eldmóður í nýjum þjálfara: „Meira en spenntur“ Fékk fjóra bakka af eggjum fyrir að vera maður leiksins Heimsóttu Hásteinsvöll: „Það eru ekkert allir sáttir við þetta“ Valgerður ekki af baki dottin: „Ég ætla í stóru beltin“ Hvorki zombie-bit né tattú Pekka Salminen nýr landsliðsþjálfari Vel vopnaðir tökumenn: „Djöfull er þetta góður klútur“ Sjáðu nýjan þjálfara Íslands kynna sig Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Hópslagsmál í NBA og sjö hent úr húsi Lýsa miklum áhuga Arsenal á manninum sem Man. Utd þráir Köstuðu blysum en segja hina hafa hrækt og hellt bjór á leikmenn Snéru heim eins og rokkstjörnur og komust á súluna á Astró Sjá meira
Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti
Uppgjörið: Valur - Iuventa Michalovce 30-20 | Valskonur í úrslit Evrópubikarsins fyrstar íslenskra liða Handbolti