Kvöldið fyrir kjördag - Hvað er mikilvægt? Björn Leví Gunnarsson skrifar 24. september 2021 20:00 Kosningar eru alltaf mikilvægar en það eru ýmis rök fyrir því að kosningarnar á morgun séu mikilvægari en oft áður. Svo árum og jafnvel áratugum skiptir hafa stór mál setið á hakanum án þess að gömlu stjórnmálin hafi haft áhuga eða getu til þess að taka þau upp og klára þau með sóma. Þess í stað er þeim einungis flaggað í aðdraganda kosninga; einungis þá er heilbrigðiskerfið dýrmætt, einungis þá heyrast raddirnar um uppstokkun í sjávarútvegsmálum, einungis þá er lofað tækifærum fyrir alla og ömmur þeirra. Svo rennur upp sunnudagurinn eftir kosningar og þessar raddir þagna allar sem ein. Þá þarf að huga að málamiðlunum og samstöðu um stöðugleika kyrrsetunnar. Stóru málin eru aftur hengd upp og sett inn í skáp í nafni málamiðlana. Þessu þurfum við að breyta og eina leiðin til þess að það geti gerst er öflugur þingflokkur Pírata á sunnudaginn kemur. Við vitum hvað þarf að gera í stjórnarskrármálunum. Við vitum hvað þarf að gera í sjávarútvegsmálunum. Við vitum hvað þarf að gera í heilbrigðismálum, efnahagsmálum, umhverfismálum, vinnumarkaðsmálum, lífeyrismálum, húsnæðismálum og framtíðarmálum. Tækifæri morgundagsins Píratar leggja fram skýra sýn um nýja stjórnarskrá, aðgerðir í loftslagsmálum, baráttu gegn spillingu, róttækar breytingar í sjávarútvegi og stillum upp hagkerfi 21. aldarinnar með velsæld og nýsköpun að leiðarljósi. Kosningastefna Pírata er metnaðarfull og ítarleg og til þess að ná henni í framkvæmd þá þarf virkt lýðræði, ekki bara á kjördag. Tækifærið til þess að ganga loksins í stóru málin er á morgun, með atkvæði til Pírata. Við þurfum öflugt heilbrigðiskerfi sem skilar þjóðinni góðri heilsu. Þar þurfum við að ná þjóðarsátt um kaup og kjör heilbrigðisstarfsfólks, sem og annara starfsmanna sem vinna við grunnstoðir samfélagsins. Þetta er hægt með því að hætta að senda hjúkrunarfræðinga og ljósmæður í gerðardóm. Þetta er hægt með því að viðurkenna menntun og ábyrgð þess starfsfólks sem heldur grunnstoðum samfélagsins gangandi. Það skapar viðmið fyrir allan vinnumarkaðinn. Við þurfum að skilgreina lágmarksframfærslu til þess að enginn sem vinnur fullt starf eða þarf á lífeyri að halda upplifi skort á nauðsynjum. Við þurfum að eyða húsnæðisskorti til þess að ungt fólk hafi séns á því að safna og fjárfesta í íbúð án þess að þurfa að vera heppið með foreldra. Tækifærin í loftslagsmálunum Við þurfum að huga að loftslagsmálunum í dag til þess að koma í veg fyrir vandamál í framtíðinni. Þær aðgerðir sem við þurfum að grípa til eru bara jákvæðar fyrir sjálfbærni og lífsgæði. Við þurfum að hætta að nota jarðefnaeldsneyti fyrr en 2030, það myndi spara okkur 100 milljarða á ári í gjaldeyri. Við þurfum að stöðva losun og verða kolefnisneikvæð sem fyrst og borga þannig kolefnisskuld okkar áður en kemur að skuldadögum. Í því felast gríðarleg tækifæri og verðmæti fyrir okkur til þess að vera leiðandi í heiminum í nýsköpun loftslagsmála. Við þurfum heilbrigðan húsnæðismarkað og við komumst þangað með því að byggja sem fyrst þær 4000 íbúðir sem þarf umfram árlega þörf. Einungis þá losnum við úr þeirri hringavitleysu sem ójafnvægi í framboði og eftirspurn er að hafa á húsnæðisverð, verðbólgu og efnahaginn almennt. Húsnæðismál eru einnig lífeyrismál, velferðarmál og menntamál því það vantar íbúðir fyrir eldra fólk, félagslegar íbúðir og húsnæði fyrir námsmenn. Það er grundvöllur þess að geta lifað góðu lífi á Íslandi að hafa öruggt þak yfir höfði. Tækifærin í tækninni Píratar horfa til framtíðarinnar. Við sjáum hvað aukin sjálfvirknivæðing mun gera við vinnumarkaðinn þegar lífsnauðsynjar verða framleiddar án aðkomu verkafólks. Við sjáum einnig tækifærin í því fyrir okkur öll, í formi styttri vinnutíma og betri lífsgæða - ef við sjáum til þess að sjálfvirknivæðingin verði fyrir okkur öll en ekki fyrir fjármagnseigendur. Sjálfvirknivæðingin þarf að gerast í opnu aðgengi en ekki vera lokuð bak við einkaleyfi og hugverkarétt. Einokun á því sviði getur leitt til mestu misskiptingar sem nokkurn tíma hefur sést á þessari jörð. Framtíðin er samfélag velsældar þar sem stjórnvöld bera ábyrgð á því að uppfylla mannréttindi okkar allra, stöðugleika fyrir okkur öll en ekki bara suma. Það er ábyrgð stjórnvalda að sýna hvernig stefna þeirra gerir samfélagið betra - ekki bara með því að benda á hagvöxt heldur með því að sýna hvernig sá hagvöxtur skilar sér í betra heilbrigðiskerfi, betra menntakerfi, öruggara húsnæði og betri lífsgæðum almennt. Það er nefnilega hægt að ná þeim markmiðum án þess að það sé hagvöxtur meira að segja. Sem dæmi, ef ég myndi búa til ljósaperu sem virkar endalaust og kostar jafn mikið í framleiðslu og núverandi ljósaperur þá myndi hagvöxtur minnka en lífsgæði aukast. Tækifærið er núna Kosningarnar á morgun snúast einmitt um að skipta út gömlu ljósaperunum fyrir nýjar sem endast betur. Þannig spörum við til framtíðar því að við vitum að gömlu ljósaperurnar springa alltaf á versta tíma með tilheyrandi kostnaði og veseni. Mætum því á kjörstað á morgun og veljum nýja ljósaperu! Veljum Pírata. Höfundur er oddviti Pírata í Reykjavíkurkjördæmi suður. Viltu birta grein á Vísi? Sendu okkur póst. Senda grein Skoðun: Kosningar 2021 Píratar Björn Leví Gunnarsson Reykjavíkurkjördæmi suður Mest lesið Þeir vökulu og tungumálið sem stjórntæki Jóhanna Jakobsdóttir Skoðun Við erum 40 árum á eftir Einar Sverrisson Skoðun Þá verður gott að búa á Íslandi Bjarni Karlsson,Jóna Hrönn Bolladóttir Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Þingmaður til sölu – bátur fylgir með Sigríður Svanborgardóttir Skoðun Þétting á 27. brautinni Friðjón R. Friðjónsson Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun Faglegt mat eða lukka? III: Tækifæri fyrir löggjafann Bogi Ragnarsson Skoðun Mamma er gulur góð einkunn? Díana Dögg Víglundsdóttir Skoðun Evrópumet! Háskólamenntun minnst metin á Íslandi Vilhjálmur Hilmarsson Skoðun Skoðun Skoðun Við erum 40 árum á eftir Einar Sverrisson skrifar Skoðun Þétting á 27. brautinni Friðjón R. Friðjónsson skrifar Skoðun Þá verður gott að búa á Íslandi Bjarni Karlsson,Jóna Hrönn Bolladóttir skrifar Skoðun Faglegt mat eða lukka? III: Tækifæri fyrir löggjafann Bogi Ragnarsson skrifar Skoðun Þingmaður til sölu – bátur fylgir með Sigríður Svanborgardóttir skrifar Skoðun Þeir vökulu og tungumálið sem stjórntæki Jóhanna Jakobsdóttir skrifar Skoðun Umburðarlyndi og kærleikur Snorri Ásmundsson skrifar Skoðun Kolbrún og Kafka Pétur Orri Pétursson skrifar Skoðun Brottvísanir sem öllum var sama um Finnur Thorlacius Eiríksson skrifar Skoðun Mamma er gulur góð einkunn? Díana Dögg Víglundsdóttir skrifar Skoðun Gervigreind í vinnunni: Frá hamri til heilabús Björgmundur Guðmundsson skrifar Skoðun Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson skrifar Skoðun Engu slaufað Eydís Ásbjörnsdóttir skrifar Skoðun Faglegt mat eða lukka? II. Viðurkenning og höfnun Bogi Ragnarsson skrifar Skoðun Krabbameinsfélagið í stafni í aðdraganda storms Halla Þorvaldsdóttir skrifar Skoðun Lénsherratímabilið er hafið Einar G Harðarson skrifar Skoðun Þéttur eða þríklofinn Sjálfstæðisflokkur Sara Björg Sigurðardóttir skrifar Skoðun Bras og brall við gerð Brákarborgar Helgi Áss Grétarsson skrifar Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar Skoðun Auðlindarentan heim í hérað Arna Lára Jónsdóttir skrifar Skoðun Héraðsvötn og Kjalölduveitu í nýtingarflokk Jens Garðar Helgason,Ólafur Adolfsson skrifar Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar Skoðun Hvað kosta mannréttindi? Anna Lára Steindal skrifar Skoðun Faglegt mat eða lukka? I: Frá kennslustofu til stafbókar Bogi Ragnarsson skrifar Skoðun Hvers vegna ekki bókun 35? Hjörtur J. Guðmundsson skrifar Skoðun 1 stk. ísl. ríkisborgararéttur - kr. 1,600 Róbert Björnsson skrifar Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar Skoðun Setjum kraft í íslenskukennslu fullorðinna Anna Linda Sigurðardóttir skrifar Sjá meira
Kosningar eru alltaf mikilvægar en það eru ýmis rök fyrir því að kosningarnar á morgun séu mikilvægari en oft áður. Svo árum og jafnvel áratugum skiptir hafa stór mál setið á hakanum án þess að gömlu stjórnmálin hafi haft áhuga eða getu til þess að taka þau upp og klára þau með sóma. Þess í stað er þeim einungis flaggað í aðdraganda kosninga; einungis þá er heilbrigðiskerfið dýrmætt, einungis þá heyrast raddirnar um uppstokkun í sjávarútvegsmálum, einungis þá er lofað tækifærum fyrir alla og ömmur þeirra. Svo rennur upp sunnudagurinn eftir kosningar og þessar raddir þagna allar sem ein. Þá þarf að huga að málamiðlunum og samstöðu um stöðugleika kyrrsetunnar. Stóru málin eru aftur hengd upp og sett inn í skáp í nafni málamiðlana. Þessu þurfum við að breyta og eina leiðin til þess að það geti gerst er öflugur þingflokkur Pírata á sunnudaginn kemur. Við vitum hvað þarf að gera í stjórnarskrármálunum. Við vitum hvað þarf að gera í sjávarútvegsmálunum. Við vitum hvað þarf að gera í heilbrigðismálum, efnahagsmálum, umhverfismálum, vinnumarkaðsmálum, lífeyrismálum, húsnæðismálum og framtíðarmálum. Tækifæri morgundagsins Píratar leggja fram skýra sýn um nýja stjórnarskrá, aðgerðir í loftslagsmálum, baráttu gegn spillingu, róttækar breytingar í sjávarútvegi og stillum upp hagkerfi 21. aldarinnar með velsæld og nýsköpun að leiðarljósi. Kosningastefna Pírata er metnaðarfull og ítarleg og til þess að ná henni í framkvæmd þá þarf virkt lýðræði, ekki bara á kjördag. Tækifærið til þess að ganga loksins í stóru málin er á morgun, með atkvæði til Pírata. Við þurfum öflugt heilbrigðiskerfi sem skilar þjóðinni góðri heilsu. Þar þurfum við að ná þjóðarsátt um kaup og kjör heilbrigðisstarfsfólks, sem og annara starfsmanna sem vinna við grunnstoðir samfélagsins. Þetta er hægt með því að hætta að senda hjúkrunarfræðinga og ljósmæður í gerðardóm. Þetta er hægt með því að viðurkenna menntun og ábyrgð þess starfsfólks sem heldur grunnstoðum samfélagsins gangandi. Það skapar viðmið fyrir allan vinnumarkaðinn. Við þurfum að skilgreina lágmarksframfærslu til þess að enginn sem vinnur fullt starf eða þarf á lífeyri að halda upplifi skort á nauðsynjum. Við þurfum að eyða húsnæðisskorti til þess að ungt fólk hafi séns á því að safna og fjárfesta í íbúð án þess að þurfa að vera heppið með foreldra. Tækifærin í loftslagsmálunum Við þurfum að huga að loftslagsmálunum í dag til þess að koma í veg fyrir vandamál í framtíðinni. Þær aðgerðir sem við þurfum að grípa til eru bara jákvæðar fyrir sjálfbærni og lífsgæði. Við þurfum að hætta að nota jarðefnaeldsneyti fyrr en 2030, það myndi spara okkur 100 milljarða á ári í gjaldeyri. Við þurfum að stöðva losun og verða kolefnisneikvæð sem fyrst og borga þannig kolefnisskuld okkar áður en kemur að skuldadögum. Í því felast gríðarleg tækifæri og verðmæti fyrir okkur til þess að vera leiðandi í heiminum í nýsköpun loftslagsmála. Við þurfum heilbrigðan húsnæðismarkað og við komumst þangað með því að byggja sem fyrst þær 4000 íbúðir sem þarf umfram árlega þörf. Einungis þá losnum við úr þeirri hringavitleysu sem ójafnvægi í framboði og eftirspurn er að hafa á húsnæðisverð, verðbólgu og efnahaginn almennt. Húsnæðismál eru einnig lífeyrismál, velferðarmál og menntamál því það vantar íbúðir fyrir eldra fólk, félagslegar íbúðir og húsnæði fyrir námsmenn. Það er grundvöllur þess að geta lifað góðu lífi á Íslandi að hafa öruggt þak yfir höfði. Tækifærin í tækninni Píratar horfa til framtíðarinnar. Við sjáum hvað aukin sjálfvirknivæðing mun gera við vinnumarkaðinn þegar lífsnauðsynjar verða framleiddar án aðkomu verkafólks. Við sjáum einnig tækifærin í því fyrir okkur öll, í formi styttri vinnutíma og betri lífsgæða - ef við sjáum til þess að sjálfvirknivæðingin verði fyrir okkur öll en ekki fyrir fjármagnseigendur. Sjálfvirknivæðingin þarf að gerast í opnu aðgengi en ekki vera lokuð bak við einkaleyfi og hugverkarétt. Einokun á því sviði getur leitt til mestu misskiptingar sem nokkurn tíma hefur sést á þessari jörð. Framtíðin er samfélag velsældar þar sem stjórnvöld bera ábyrgð á því að uppfylla mannréttindi okkar allra, stöðugleika fyrir okkur öll en ekki bara suma. Það er ábyrgð stjórnvalda að sýna hvernig stefna þeirra gerir samfélagið betra - ekki bara með því að benda á hagvöxt heldur með því að sýna hvernig sá hagvöxtur skilar sér í betra heilbrigðiskerfi, betra menntakerfi, öruggara húsnæði og betri lífsgæðum almennt. Það er nefnilega hægt að ná þeim markmiðum án þess að það sé hagvöxtur meira að segja. Sem dæmi, ef ég myndi búa til ljósaperu sem virkar endalaust og kostar jafn mikið í framleiðslu og núverandi ljósaperur þá myndi hagvöxtur minnka en lífsgæði aukast. Tækifærið er núna Kosningarnar á morgun snúast einmitt um að skipta út gömlu ljósaperunum fyrir nýjar sem endast betur. Þannig spörum við til framtíðar því að við vitum að gömlu ljósaperurnar springa alltaf á versta tíma með tilheyrandi kostnaði og veseni. Mætum því á kjörstað á morgun og veljum nýja ljósaperu! Veljum Pírata. Höfundur er oddviti Pírata í Reykjavíkurkjördæmi suður.
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun
Skoðun Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson skrifar
Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar
Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar
Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar
Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar
Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun