Jürgen Klopp, knattspyrnustjóri Liverpool, sagði frá því að blaðamannafundi fyrir Meistaradeildarleik Liverpool á móti Porto, að hann hafi gert breytingar á fyrirliðahóp liðsins.
Það voru þrír leikmenn eftir í fyrirliðahóp liðsins eftir að Gini Wijnaldum fór til Paris Saint Germain. Aðalfyrirliðinn Jordan Henderson og varafyrirliðarnir James Milner og Virgil van Dijk.
"We had three captains in Hendo, Milly, Virg and the players voted for another three" #lfc https://t.co/PTeRsom4l2
— Liverpool FC News (@LivEchoLFC) September 27, 2021
Nú hefur Klopp tvöfaldað þennan fyrirliðahóp og það kom til eftir kosningu innan liðsins.
Trent Alexander-Arnold, Andy Robertson og Alisson Becker unnu þessa kosningu og bætast því í hóp fyrirliða liðsins.
„Við vorum með þrjá fyrirliða í þeim Hendo, Milly og Virg en leikmennirnir kusu um það að fjölga í hópnum. Trent, Robbo og Alisson Becker unnu hana,“ sagði Jürgen Klopp.
„Ástæðuna fyrir þessari breytingu má rekja til síðasta árs þegar við vorum með svona mikil meiðsli í liðinu og um tíma vantaði alla úr fyrirliðaráðinu. Ég ákvað því að fjölga upp í sex í hópnum,“ sagði Klopp.
Liverpool mætir Porto á útivelli í Meistaradeildinni í kvöld.
