Chelsea vann í dag 1-0 sigur þegar liðið heimsótti nýliða Brentford. Með sigrinum tryggðu Chelsea sér toppsæti ensku úrvalsdeildarinnar fram að næstu helgi í það minnsta.
Það stefndi allt í að staðan yrði markalaus í hálfleik, en í uppbótartíma sá Ben Chilwell til þess að það voru gestirnir í Chelsea sem voru meo 1-0 forystu þegar gengið var til búningsherbergja.
Gestirnir voru svo hættulegri aðilinn framan af í seinni hálfleik, en þegar fór að nálgast lokaflautið færðu heimamenn sig framar á völlinn.
Leikmenn Brentford fengu nokkur álitleg færi til að jafna leikinn, en allt kom fyrir ekki og niðurstaðan varð því 1-0 sigur Chelsea. Liðið getur að miklu leiti þakkað markverði sínum Edouard Mendy, sem oft á tíðum varði vel.
Chelsea heldur toppsæti ensku úrvalsdeildarinnar fram yfir helgi, en liðið er nú með 19 stig eftir átta umferðir. Nýliðar Brentford sitja í sjöunda sæti með 12 stig.
