Gummersbach stefnir hraðbyri á efstu deildina og þeir voru með frumkvæðið í leiknum í dag lengstum.
Fór að lokum svo að Gummersbach, sem þjálfað er af Guðjóni Val Sigurðssyni, hafði betur með fjórtán marka mun, 37-23, eftir að hafa leitt með sjö mörkum í leikhléi, 15-8.
Eyjapeyjarnir Hákon Daði Styrmisson og Elliði Snær Viðarsson gerðu fjögur mörk hvor fyrir Gummersbach.
Arnar Birkir Hálfdánsson skoraði eitt mark fyrir Aue og Sveinbjörn Pétursson stóð vaktina í markinu stóran hluta leiksins.
Gummersbach á toppi deildarinnar en Aue situr í 14.sæti af þeim 20 liðum sem leika í B-deildinni.
Í Frakklandi skoraði Ólafur Guðmundsson eitt mark þegar lið hans, Montpellier, beið lægri hlut fyrir Chambery.