Þáttastjórnandinn Jimmy Kimmel minntist vinar síns Bob Saget í þættinum í gær. Eins og fjallað hefur verið um hér á Vísi fannst Bandaríski leikarinn og grínistinn látinn á tótelherbergi í Flórída.
Saget, sem þekktastur er fyrir leik sinn í þáttunum Full House, var 65 ára að aldri. Kimmel minntist hans í fallegu innslagi og talaði þar um falleg karaktereinkenni hans og vináttu þeirra.
Kimmel átti augljóslega erfitt með að komast í gegnum innslagið og viðurkenndi að hafa þurft að taka það upp svona fjórtán sinnum. Minningarorð hans má sjá í spilaranum hér fyrir neðan.
Ástkæri leikarinn og grínistinn Bob Saget kvaddi þennan heim skyndilega í gær og eru vinir hans og samstarfsfólk um allan heim að minnast hans með fallegum orðum og sögum.
Bandaríski leikarinn og grínistinn Bob Saget, sem þekktastur er fyrir leik sinn í þáttunum Full House, er látinn, 65 ára að aldri. Hann fannst látinn á hótelherbergi sínu á Ritz-Carlton hótelinu í Orlando í Flórída í gær.
