Lewandowski hefur verið sterklega orðaður við Barcelona að undanförnu en pólski markahrókurinn rennur út af samningi eftir næsta tímabil og hefur hann nú þegar gefið út að hann muni ekki framlengja samning sinn við þýska liðið. Hann hefur þar með hótað liðinu að selja hann í sumar ef Bayern á ekki að missa hann frá sér frítt sumarið 2022.
„Miðað við það sem Lewandowski vill þéna og það sem Bayern vill fá, þá fæ ég það á tilfinninguna að hann geti ekki orðið leikmaður Bacelona í sumar,“ sagði Tebas við spænska fjölmiðilinn Marca.
„Barcelona verður að selja einhverja leikmenn og þéna meira svo þeir hafi efni á félagaskiptum,“ bætti forseti LaLiga við.
Joan Laporta, forseti Barcelona, var alls ekki ánægður með ummæli Tebas og brást illa við.
„Ég vil minna Tebas á að það er hans skylda að hugsa um hagsmuni allra liða í deildinni. Ég bið hann um að vera ekki að gefa fjölmiðlum ummæli á hugsanleg félagaskipti hjá Barcelona. Miðað við yfirlýsingar Tebas þá er hann að skaða hagsmuni Barca,“ sagði Laporta þegar leitast var eftir viðbrögðum hans við ummælum Javier Tebas.
Joan Laporta responde a las declaraciones de Tebas:
— Relevo (@relevo) May 31, 2022
🗨 "Le recuerdo al presidente de LaLiga que su función es velar por los intereses de la competición y de sus clubes".
🗨 "Le pido que se abstenga de hacer declaraciones sobre posibles fichajes del Barça".
🎥 @FCBarcelona_es pic.twitter.com/xN8KAqSkUW