Glugginn opinn en hvaða lið grípa í veskið? Sindri Sverrisson og Ingvi Þór Sæmundsson skrifa 29. júní 2022 10:01 Almarr Ormarsson ku vera á leið aftur til Fram og þá er framtíð Óskars Arnar Haukssonar hjá Stjörnunni í óvissu. vísir/Hulda Margrét Íslensk knattspyrnufélög geta núna stundað viðskipti að vild því félagaskiptaglugginn var opnaður í dag og verður ekki lokað fyrr en á miðnætti 26. júlí. Tíu umferðir eru búnar í Bestu deild karla og án vafa hugsa einhver félaganna tólf í deildinni sér gott til glóðarinnar að geta lappað upp á leikmannahópa sína. Vísir gerði nokkurs konar þarfagreiningu fyrir félögin og fór yfir það hvar mesta þörfin væri fyrir liðsstyrk, eins og sjá má hér að neðan. Stórveldi á borð við FH og KR horfa upp á þann möguleika að þau gætu endað á að spila í neðri hlutanum þegar deildinni verður í fyrsta sinn skipt upp í tvennt í haust. Vilji þau forðast það þurfa þau því væntanlega að opna budduna. Risið er hátt á Blikum þessa dagana enda eru þeir langbesta lið landsins.vísir/Hulda Margrét Breiðablik er í toppmálum, með ellefu stiga forskot á næstu þrjú lið sem þó eiga leik til góða, og sjálfsagt ekki rík þörf fyrir nýja leikmenn í Kópavogi nema að aðrir séu á leið í atvinnumennsku. ÍBV og Leiknir sitja í fallsætunum en stutt er upp í næstu lið og forráðamenn ÍA, Fram og Keflavíkur eru eflaust ekkert í rónni varðandi hættuna á falli. Meðal leikmanna sem gætu verið eftirsóttir næsta mánuðinn má nefna Óskar Örn Hauksson, Sigurð Egil Lárusson, Brynjar Gauta Guðjónsson, Elfar Frey Helgason og Viðar Örn Kjartansson. Breiðablik 1. sæti Hvað vantar? Blikar þurfa í raun ekkert enda hafa þeir spilað langbesta fótboltann á Íslandi í sumar og virðast nánast algjörlega óstöðvandi. Ný viðbót gæti ruggað bát sem engin ástæða er til að rugga. Stjarnan 2. sæti Hvað vantar? Stjörnumenn hafa stólað á sína ungu og efnilegu leikmenn í sumar og það hefur gefið góða raun. Garðbæingar þurfa helst sóknarmann ef Emil Atlason meiðist eða hættir að skora, og ef til vill miðvörð ef Brynjar Gauti hverfur á braut. Víkingur 3. sæti Hvað vantar? Víkingar eru vel settir en söknuðu Pablos Punyed sárt þegar hann var meiddur og gætu viljað ráða betur við það. Meistararnir þurfa líka að búa sig undir það að Kristall Máni Ingason verði fenginn út í atvinnumennsku. Valur 4. sæti Hvað vantar? Valsmenn virðast ansi vel settir hvað leikmannahóp varðar og hefðu kannski mest not fyrir nýjan íþróttasálfræðing. Hraður kantmaður gæti eflt sóknarleikinn en Valur hefur ekki enn fyllt skarðið sem Aron Bjarnason skildi eftir sig þegar hann fór eftir tímabilið 2020. Sigurður Egill Lárusson hefur fengið fá tækifæri með Val í sumar. Verður hann áfram á Hlíðarenda?vísir/Hulda Margrét KA 5. sæti Hvað vantar? Miðjumann fyrst að Sebastiaan Brebels er farinn, mögulega varnarmann ef Oleksiy Bykov fer og sterkan markaskorara ef slíkur er á lausu. Eftir frábæra byrjun á tímabilinu hafa KA-menn gefið eftir að undanförnu og þurfa að hafa sig alla við til að komast í úrslitakeppni efstu sex liðanna. KR 6. sæti Hvað vantar? Unga leikmenn með næga hæfileika til að fríska upp á aldrað og reynslumikið lið sem valdið hefur vonbrigðum í sumar. Jafnmikil þörf er á liðsstyrk um allan völl. Keflavík 7. sæti Hvað vantar? Gæðamiðjumann fyrir hinn úkraínska Ivan Kaliuzhnyi sem er á förum og sóknarmann í stað Joey Gibbs ef fæðingarorlof hans í Ástralíu dregst á langinn. Fram 8. sæti Hvað vantar? Miðvörð sem liðið getur stólað á og mögulega öflugri markvörð. Framarar hafa fengið á sig langflest mörk í sumar eða 26 í tíu leikjum en spila reyndar opinn fótbolta. Þeir þurfa að stoppa í götin aftast á vellinum ef þeir ætla að spila í Bestu deildinni á næsta tímabili. Þeir eru greinilega meðvitaðir um það og hafa gert Stjörnunni tilboð í Brynjar Gauta. Þá er Almarr Ormarsson aftur á leið til Fram samkvæmt heimildum Fótbolta.net. Fram hefur falast eftir kröftum Brynjars Gauta Guðjónssonar enda ekki vanþörf á að styrkja varnarleik liðsins.vísir/daníel FH 9. sæti Hvað vantar? Eitthvað mikið er að í Kaplakrika og spurning hvort að Eiður Smári Guðjohnsen geti bætt úr því. Hann hlýtur að skoða það að fá allavega einn hreinræktaðan miðvörð og mögulega fleiri leikmenn. Leikmannahópur FH er undarlega samsettur en það þarf meira en einn félagaskiptaglugga til að koma því í lag. ÍA 10. sæti Hvað vantar? Það var forvitnilegt úrræði að fá Garðar Gunnlaugsson aftur í slaginn og sýnir að ÍA vantar sóknarmann. Viktor Jónsson hefur ekkert spilað í sumar vegna meiðsla og þótt Eyþór Aron Wöhler hafi staðið sig vel myndi Jón Þór Hauksson eflaust ekki slá hendinni á móti framherja. Skapandi miðjumaður gæti einnig bætt liðið mikið. ÍA hefur þegar fengið danska kantmanninn Kristian Lindberg og gæti bætt meira við sig. Leiknir 11. sæti Hvað vantar? Leiknismenn hafa skorað fæst mörk allra liða, aðeins sjö, svo augljósa svarið er skæður sóknar- eða kantmaður sem gæti komið með nýtt og ferskt blóð fremst á vellinum. ÍBV 12. sæti Hvað vantar? Góðan kantmann og markvörð, og mögulega nýjan þjálfara ef hlutirnir fara ekki að smella hjá Hermanni Hreiðarssyni og ráðgjafa hans, Heimi Hallgrímssyni. Besta deild karla Mest lesið „Gaman að skora og ég held að allir viti hvað Víkingur er fyrir mér“ Sport Kane afgreiddi Brassana Fótbolti „Ég hef aldrei séð aðrar eins tölur“ Fótbolti Paul Ince ákærður fyrir ölvunarakstur Fótbolti Uppgjörið: KR - FH 3-2 | Eiður Gauti hetja KR-inga Íslenski boltinn Eina konan í tækninefnd FIFA á HM: Ég er langsigursælust af þeim öllum Fótbolti Íslandsmeistarar krýndir á Íslandsmótinu í hestaíþróttum Sport Sextán manns í fullu starfi við að þjónusta Ronaldo Fótbolti Joao Pedro til Chelsea Fótbolti Uppgjörið: Víkingur - Afturelding 2-1 | Víkingar sluppu með skrekkinn Íslenski boltinn Fleiri fréttir Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Uppgjörið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Hverju breytir Lárus Orri hjá Skagaliðinu? Þrenna á föstudagskvöldi og háskólagráða á laugardegi Fyrsti sigur Fylkismanna í fimmtíu daga Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Sjá meira
Tíu umferðir eru búnar í Bestu deild karla og án vafa hugsa einhver félaganna tólf í deildinni sér gott til glóðarinnar að geta lappað upp á leikmannahópa sína. Vísir gerði nokkurs konar þarfagreiningu fyrir félögin og fór yfir það hvar mesta þörfin væri fyrir liðsstyrk, eins og sjá má hér að neðan. Stórveldi á borð við FH og KR horfa upp á þann möguleika að þau gætu endað á að spila í neðri hlutanum þegar deildinni verður í fyrsta sinn skipt upp í tvennt í haust. Vilji þau forðast það þurfa þau því væntanlega að opna budduna. Risið er hátt á Blikum þessa dagana enda eru þeir langbesta lið landsins.vísir/Hulda Margrét Breiðablik er í toppmálum, með ellefu stiga forskot á næstu þrjú lið sem þó eiga leik til góða, og sjálfsagt ekki rík þörf fyrir nýja leikmenn í Kópavogi nema að aðrir séu á leið í atvinnumennsku. ÍBV og Leiknir sitja í fallsætunum en stutt er upp í næstu lið og forráðamenn ÍA, Fram og Keflavíkur eru eflaust ekkert í rónni varðandi hættuna á falli. Meðal leikmanna sem gætu verið eftirsóttir næsta mánuðinn má nefna Óskar Örn Hauksson, Sigurð Egil Lárusson, Brynjar Gauta Guðjónsson, Elfar Frey Helgason og Viðar Örn Kjartansson. Breiðablik 1. sæti Hvað vantar? Blikar þurfa í raun ekkert enda hafa þeir spilað langbesta fótboltann á Íslandi í sumar og virðast nánast algjörlega óstöðvandi. Ný viðbót gæti ruggað bát sem engin ástæða er til að rugga. Stjarnan 2. sæti Hvað vantar? Stjörnumenn hafa stólað á sína ungu og efnilegu leikmenn í sumar og það hefur gefið góða raun. Garðbæingar þurfa helst sóknarmann ef Emil Atlason meiðist eða hættir að skora, og ef til vill miðvörð ef Brynjar Gauti hverfur á braut. Víkingur 3. sæti Hvað vantar? Víkingar eru vel settir en söknuðu Pablos Punyed sárt þegar hann var meiddur og gætu viljað ráða betur við það. Meistararnir þurfa líka að búa sig undir það að Kristall Máni Ingason verði fenginn út í atvinnumennsku. Valur 4. sæti Hvað vantar? Valsmenn virðast ansi vel settir hvað leikmannahóp varðar og hefðu kannski mest not fyrir nýjan íþróttasálfræðing. Hraður kantmaður gæti eflt sóknarleikinn en Valur hefur ekki enn fyllt skarðið sem Aron Bjarnason skildi eftir sig þegar hann fór eftir tímabilið 2020. Sigurður Egill Lárusson hefur fengið fá tækifæri með Val í sumar. Verður hann áfram á Hlíðarenda?vísir/Hulda Margrét KA 5. sæti Hvað vantar? Miðjumann fyrst að Sebastiaan Brebels er farinn, mögulega varnarmann ef Oleksiy Bykov fer og sterkan markaskorara ef slíkur er á lausu. Eftir frábæra byrjun á tímabilinu hafa KA-menn gefið eftir að undanförnu og þurfa að hafa sig alla við til að komast í úrslitakeppni efstu sex liðanna. KR 6. sæti Hvað vantar? Unga leikmenn með næga hæfileika til að fríska upp á aldrað og reynslumikið lið sem valdið hefur vonbrigðum í sumar. Jafnmikil þörf er á liðsstyrk um allan völl. Keflavík 7. sæti Hvað vantar? Gæðamiðjumann fyrir hinn úkraínska Ivan Kaliuzhnyi sem er á förum og sóknarmann í stað Joey Gibbs ef fæðingarorlof hans í Ástralíu dregst á langinn. Fram 8. sæti Hvað vantar? Miðvörð sem liðið getur stólað á og mögulega öflugri markvörð. Framarar hafa fengið á sig langflest mörk í sumar eða 26 í tíu leikjum en spila reyndar opinn fótbolta. Þeir þurfa að stoppa í götin aftast á vellinum ef þeir ætla að spila í Bestu deildinni á næsta tímabili. Þeir eru greinilega meðvitaðir um það og hafa gert Stjörnunni tilboð í Brynjar Gauta. Þá er Almarr Ormarsson aftur á leið til Fram samkvæmt heimildum Fótbolta.net. Fram hefur falast eftir kröftum Brynjars Gauta Guðjónssonar enda ekki vanþörf á að styrkja varnarleik liðsins.vísir/daníel FH 9. sæti Hvað vantar? Eitthvað mikið er að í Kaplakrika og spurning hvort að Eiður Smári Guðjohnsen geti bætt úr því. Hann hlýtur að skoða það að fá allavega einn hreinræktaðan miðvörð og mögulega fleiri leikmenn. Leikmannahópur FH er undarlega samsettur en það þarf meira en einn félagaskiptaglugga til að koma því í lag. ÍA 10. sæti Hvað vantar? Það var forvitnilegt úrræði að fá Garðar Gunnlaugsson aftur í slaginn og sýnir að ÍA vantar sóknarmann. Viktor Jónsson hefur ekkert spilað í sumar vegna meiðsla og þótt Eyþór Aron Wöhler hafi staðið sig vel myndi Jón Þór Hauksson eflaust ekki slá hendinni á móti framherja. Skapandi miðjumaður gæti einnig bætt liðið mikið. ÍA hefur þegar fengið danska kantmanninn Kristian Lindberg og gæti bætt meira við sig. Leiknir 11. sæti Hvað vantar? Leiknismenn hafa skorað fæst mörk allra liða, aðeins sjö, svo augljósa svarið er skæður sóknar- eða kantmaður sem gæti komið með nýtt og ferskt blóð fremst á vellinum. ÍBV 12. sæti Hvað vantar? Góðan kantmann og markvörð, og mögulega nýjan þjálfara ef hlutirnir fara ekki að smella hjá Hermanni Hreiðarssyni og ráðgjafa hans, Heimi Hallgrímssyni.
Besta deild karla Mest lesið „Gaman að skora og ég held að allir viti hvað Víkingur er fyrir mér“ Sport Kane afgreiddi Brassana Fótbolti „Ég hef aldrei séð aðrar eins tölur“ Fótbolti Paul Ince ákærður fyrir ölvunarakstur Fótbolti Uppgjörið: KR - FH 3-2 | Eiður Gauti hetja KR-inga Íslenski boltinn Eina konan í tækninefnd FIFA á HM: Ég er langsigursælust af þeim öllum Fótbolti Íslandsmeistarar krýndir á Íslandsmótinu í hestaíþróttum Sport Sextán manns í fullu starfi við að þjónusta Ronaldo Fótbolti Joao Pedro til Chelsea Fótbolti Uppgjörið: Víkingur - Afturelding 2-1 | Víkingar sluppu með skrekkinn Íslenski boltinn Fleiri fréttir Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Uppgjörið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Hverju breytir Lárus Orri hjá Skagaliðinu? Þrenna á föstudagskvöldi og háskólagráða á laugardegi Fyrsti sigur Fylkismanna í fimmtíu daga Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Sjá meira