„Virkar á mig eins og Margrét Lára“ Sindri Sverrisson skrifar 2. september 2022 11:00 Amanda Andradóttir kom við sögu í lokaleik Íslands á EM í sumar. Sérfræðingar Bestu markanna telja hana vel til þess fallna að fylla í skarðið sem Karólína Lea Vilhjálmsdóttir, sem hér er með Amöndu á mynd, skilur eftir sig vegna meiðsla. Getty/Alex Livesey Sérfræðingar Bestu markanna telja að hin 18 ára gamla Amanda Andradóttir eigi að fá sæti í byrjunarliði Íslands gegn Hvíta-Rússlandi á Laugardalsvelli í dag, í leiknum mikilvæga í undankeppni HM. Þrátt fyrir ungan aldur hefur Amanda, sem spilar undir stjórn Elísabetar Gunnarsdóttur hjá Kristianstad í Svíþjóð, nú þegar leikið sjö A-landsleiki, þar af tvo í byrjunarliði. Hún lék meðal annars tíu mínútur á EM í júlí, í lokaleiknum gegn Frökkum, og þótti standa sig vel. „Ég held að þetta sé tíminn til að sjá hversu langt Amanda er komin,“ segir Ásgerður Stefanía Baldursdóttir en þær Bára Kristbjörg Rúnarsdóttir stilltu báðar Amöndu upp í sinni hugmynd að byrjunarliði, í Bestu mörkunum á Stöð 2 Sport. „Amanda kom frábærlega inn, fannst mér, á móti Frökkum. Hún þorir og virkar á mann eins og hún sé alveg tilbúin. Hún virkar pínu á mig eins og Margrét Lára. Þá á ég við kjarkinn og fleira,“ segir Helena Ólafsdóttir þáttastjórnandi. Byrjunarliðið sem Ásgerður Stefanía, eða Adda, myndi velja. Bára: Með eiginleika sem vantar inn á miðjuna „Ég hef ekki mikið séð hana, bara aðeins í Svíþjóð og þessar fáu mínútur sem hún hefur fengið með landsliðinu, en maður sér að hún er með fótboltaheila. Hún er með miklar pælingar, ofboðslega mikla tækni, og ég held að hennar besta staða sé 10-staðan. Í mínu byrjunarliði leitar hún inn af kantinum og Gunnhildur fer í hornhlaupin,“ segir Ásgerður og Bára tekur undir: „Hún er með ótrúlega mikinn leikskilning þrátt fyrir að hún sé ung. Hún sér skýrar sendingarlínur og svæði vel, er góð að halda boltanum og fiskar fullt af aukaspyrnum. Stundum tekur hún föstu leikatriðin líka,“ segir Bára sem telur Amöndu nauðsynlega til að fylla í skarðið sem Karólína Lea Vilhjálmsdóttir skilur eftir sig. Byrjunarliðið sem Bára myndi stóla á. „Mér finnst ótrúlega margir eiginleikar í henni svipaðir og hjá Karólínu, þó að þær séu svo ekkert endilega líkir leikmenn. Þetta eru eiginleikar sem mér finnst vanta inn á miðjuna. Svo myndi ég vilja hafa „sprengjurnar“ úti á köntunum, Sveindísi og Svövu, til þess að negla í gegnum línuna og fá þessar sendingar í gegn,“ segir Bára. Telja að Hlín komi beint inn í byrjunarliðið Sérfræðingarnir telja hins vegar að Þorsteinn Halldórsson landsliðsþjálfari muni hafa Amöndu á bekknum og að hann setji Hlín Eiríksdóttur, sem var ekki valin í EM-hópinn í sumar, á hægri kantinn. Líklegt byrjunarlið Íslands í kvöld að mati Bestu markanna. „Það eina sem mér finnst vera alvöru spurningamerki er hvort Áslaug Munda sé heil og geti spilað. Ef ekki þá held ég að hann setji Elísu í vinstri bakvörðinn. Hlín er líka spurningamerki en að sama skapi ertu búin að missa Karólínu, sem var fyrsti kostur þarna inn, og Öglu Maríu sem var leikmaður númer tvö þarna inn,“ segir Bára sem telur að Hlín myndi spjara sig vel á hægri kantinum: „Þú ert að taka eldheitan kantmann beint frá Svíþjóð sem er búinn að standa sig mjög vel þar og á fullt af landsleikjum. Mér finnst ekkert því til fyrirstöðu að hún starti en svo er Svava Rós þarna líka. Í báðum tilvikum þarf hann að færa Sveindísi yfir vinstra megin.“ Klippa: Bestu mörkin - Umræða um líklegt byrjunarlið Ísland mætir Hvíta-Rússlandi á Laugardalsvelli í dag klukkan 17:30 (miðasala á tix.is) og spilar svo gegn Hollandi ytra næsta þriðjudagskvöld, í síðustu leikjum sínum í undankeppni HM 2023. HM 2023 í Ástralíu og Nýja-Sjálandi Landslið kvenna í fótbolta Bestu mörkin Fótbolti Mest lesið „Hún á að leyfa manni að koma sér almennilega inn á völlinn“ Fótbolti Skráði óvart 51 árs gamla konu í landsliðið og nýliðinn mátti ekki spila Fótbolti Alþjóða skíðasambandið tekur upp gult og rautt spjald Sport Enska landsliðið æfir í upphituðum tjöldum til að undirbúa sig fyrir HM Enski boltinn Khelif beðin afsökunar á kynjaprófstilkynningunni Sport Hinn eftirsótti Gyökeres dregur sig út úr sænska landsliðinu Fótbolti Lamine Yamal segir leikinn geta ráðið úrslitum í baráttunni um Gullknöttinn Fótbolti Völdu þann leikmann í Bestu deildinni sem er líkastur þeim sjálfum Íslenski boltinn Dagskráin: Undanúrslitaleikur í Þjóðadeild karla Sport „Rangstaða og hefði ekki staðið með VAR“ Fótbolti Fleiri fréttir Enska landsliðið æfir í upphituðum tjöldum til að undirbúa sig fyrir HM Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Lamine Yamal segir leikinn geta ráðið úrslitum í baráttunni um Gullknöttinn „Þær gerðu vel á móti vindi“ Hinn eftirsótti Gyökeres dregur sig út úr sænska landsliðinu „Rangstaða og hefði ekki staðið með VAR“ „Hún á að leyfa manni að koma sér almennilega inn á völlinn“ Sjónvarpsútsending yfir þjóðsöngnum: „Pínlegt fyrir okkur“ Einkunnir Íslands: Cecilía best en náum ekki að halda hreinu Norðmenn tryggðu sér annað sætið með sigri í Sviss Sænsku stelpurnar fóru illa með þær dönsku og eru komnar i úrslit Spánverjar héldu toppsætinu og stelpurnar hennar Betu komust í umspilið Sparta heldur Nökkva Þey en missir Kristian Nökkva Ágúst Gylfason snýr aftur í boltann og tekur við Leikni Uppgjörið: Ísland - Frakkland 0-2 | Tíundi leikurinn í röð án sigurs Dagný, Guðný og Agla María koma allar inn í byrjunarliðið „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Inzaghi hættur með Inter og stýrir nýju liði á HM Sara Björk hittir áhorfendur og sendir stelpunum okkar EM kveðju „Ætlum að stríða þeim aftur“ Pétur Rúnar á bekknum hjá Stólunum í 3. deildinni Sancho samdi ekki við Chelsea sem þarf að borga sekt Leikurinn sem gæti leitt stelpurnar að HM í fyrsta sinn Ummæli Davíðs Smára ekki á borði aganefndar Mikil spenna fyrir vígsluleiknum á Laugardalsvelli Sýndu reiði Davíðs skilning en fannst hann fara yfir strikið Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Sjá meira
Þrátt fyrir ungan aldur hefur Amanda, sem spilar undir stjórn Elísabetar Gunnarsdóttur hjá Kristianstad í Svíþjóð, nú þegar leikið sjö A-landsleiki, þar af tvo í byrjunarliði. Hún lék meðal annars tíu mínútur á EM í júlí, í lokaleiknum gegn Frökkum, og þótti standa sig vel. „Ég held að þetta sé tíminn til að sjá hversu langt Amanda er komin,“ segir Ásgerður Stefanía Baldursdóttir en þær Bára Kristbjörg Rúnarsdóttir stilltu báðar Amöndu upp í sinni hugmynd að byrjunarliði, í Bestu mörkunum á Stöð 2 Sport. „Amanda kom frábærlega inn, fannst mér, á móti Frökkum. Hún þorir og virkar á mann eins og hún sé alveg tilbúin. Hún virkar pínu á mig eins og Margrét Lára. Þá á ég við kjarkinn og fleira,“ segir Helena Ólafsdóttir þáttastjórnandi. Byrjunarliðið sem Ásgerður Stefanía, eða Adda, myndi velja. Bára: Með eiginleika sem vantar inn á miðjuna „Ég hef ekki mikið séð hana, bara aðeins í Svíþjóð og þessar fáu mínútur sem hún hefur fengið með landsliðinu, en maður sér að hún er með fótboltaheila. Hún er með miklar pælingar, ofboðslega mikla tækni, og ég held að hennar besta staða sé 10-staðan. Í mínu byrjunarliði leitar hún inn af kantinum og Gunnhildur fer í hornhlaupin,“ segir Ásgerður og Bára tekur undir: „Hún er með ótrúlega mikinn leikskilning þrátt fyrir að hún sé ung. Hún sér skýrar sendingarlínur og svæði vel, er góð að halda boltanum og fiskar fullt af aukaspyrnum. Stundum tekur hún föstu leikatriðin líka,“ segir Bára sem telur Amöndu nauðsynlega til að fylla í skarðið sem Karólína Lea Vilhjálmsdóttir skilur eftir sig. Byrjunarliðið sem Bára myndi stóla á. „Mér finnst ótrúlega margir eiginleikar í henni svipaðir og hjá Karólínu, þó að þær séu svo ekkert endilega líkir leikmenn. Þetta eru eiginleikar sem mér finnst vanta inn á miðjuna. Svo myndi ég vilja hafa „sprengjurnar“ úti á köntunum, Sveindísi og Svövu, til þess að negla í gegnum línuna og fá þessar sendingar í gegn,“ segir Bára. Telja að Hlín komi beint inn í byrjunarliðið Sérfræðingarnir telja hins vegar að Þorsteinn Halldórsson landsliðsþjálfari muni hafa Amöndu á bekknum og að hann setji Hlín Eiríksdóttur, sem var ekki valin í EM-hópinn í sumar, á hægri kantinn. Líklegt byrjunarlið Íslands í kvöld að mati Bestu markanna. „Það eina sem mér finnst vera alvöru spurningamerki er hvort Áslaug Munda sé heil og geti spilað. Ef ekki þá held ég að hann setji Elísu í vinstri bakvörðinn. Hlín er líka spurningamerki en að sama skapi ertu búin að missa Karólínu, sem var fyrsti kostur þarna inn, og Öglu Maríu sem var leikmaður númer tvö þarna inn,“ segir Bára sem telur að Hlín myndi spjara sig vel á hægri kantinum: „Þú ert að taka eldheitan kantmann beint frá Svíþjóð sem er búinn að standa sig mjög vel þar og á fullt af landsleikjum. Mér finnst ekkert því til fyrirstöðu að hún starti en svo er Svava Rós þarna líka. Í báðum tilvikum þarf hann að færa Sveindísi yfir vinstra megin.“ Klippa: Bestu mörkin - Umræða um líklegt byrjunarlið Ísland mætir Hvíta-Rússlandi á Laugardalsvelli í dag klukkan 17:30 (miðasala á tix.is) og spilar svo gegn Hollandi ytra næsta þriðjudagskvöld, í síðustu leikjum sínum í undankeppni HM 2023.
HM 2023 í Ástralíu og Nýja-Sjálandi Landslið kvenna í fótbolta Bestu mörkin Fótbolti Mest lesið „Hún á að leyfa manni að koma sér almennilega inn á völlinn“ Fótbolti Skráði óvart 51 árs gamla konu í landsliðið og nýliðinn mátti ekki spila Fótbolti Alþjóða skíðasambandið tekur upp gult og rautt spjald Sport Enska landsliðið æfir í upphituðum tjöldum til að undirbúa sig fyrir HM Enski boltinn Khelif beðin afsökunar á kynjaprófstilkynningunni Sport Hinn eftirsótti Gyökeres dregur sig út úr sænska landsliðinu Fótbolti Lamine Yamal segir leikinn geta ráðið úrslitum í baráttunni um Gullknöttinn Fótbolti Völdu þann leikmann í Bestu deildinni sem er líkastur þeim sjálfum Íslenski boltinn Dagskráin: Undanúrslitaleikur í Þjóðadeild karla Sport „Rangstaða og hefði ekki staðið með VAR“ Fótbolti Fleiri fréttir Enska landsliðið æfir í upphituðum tjöldum til að undirbúa sig fyrir HM Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Lamine Yamal segir leikinn geta ráðið úrslitum í baráttunni um Gullknöttinn „Þær gerðu vel á móti vindi“ Hinn eftirsótti Gyökeres dregur sig út úr sænska landsliðinu „Rangstaða og hefði ekki staðið með VAR“ „Hún á að leyfa manni að koma sér almennilega inn á völlinn“ Sjónvarpsútsending yfir þjóðsöngnum: „Pínlegt fyrir okkur“ Einkunnir Íslands: Cecilía best en náum ekki að halda hreinu Norðmenn tryggðu sér annað sætið með sigri í Sviss Sænsku stelpurnar fóru illa með þær dönsku og eru komnar i úrslit Spánverjar héldu toppsætinu og stelpurnar hennar Betu komust í umspilið Sparta heldur Nökkva Þey en missir Kristian Nökkva Ágúst Gylfason snýr aftur í boltann og tekur við Leikni Uppgjörið: Ísland - Frakkland 0-2 | Tíundi leikurinn í röð án sigurs Dagný, Guðný og Agla María koma allar inn í byrjunarliðið „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Inzaghi hættur með Inter og stýrir nýju liði á HM Sara Björk hittir áhorfendur og sendir stelpunum okkar EM kveðju „Ætlum að stríða þeim aftur“ Pétur Rúnar á bekknum hjá Stólunum í 3. deildinni Sancho samdi ekki við Chelsea sem þarf að borga sekt Leikurinn sem gæti leitt stelpurnar að HM í fyrsta sinn Ummæli Davíðs Smára ekki á borði aganefndar Mikil spenna fyrir vígsluleiknum á Laugardalsvelli Sýndu reiði Davíðs skilning en fannst hann fara yfir strikið Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Sjá meira