Verkefnið var einfalt. Keppendur þurftu að smakka matinn blindandi og giska hvað þau væru að smakka. Þeir keppendur sem tóku þátt voru þau Ninja, Kjalar, Bía, Saga Matthildur, Guðjón Smári og Símon Grétar. Þórhildur Helga var vant við látin en fékk að smakka þorramat í beinni útsendingu síðar í þættinum.
„Ég er mjög matvönd, ég er að fara að gubba sko,“ sagði Bía áður en þau byrjuðu.
„Þið eruð að fara að gefa okkur eitthvað ógeðslegt er það ekki?“
Þorrasmakkið má sjá í spilaranum hér fyrir neðan. Eins og sjá má átti Bía mjög erfitt með þessa áskorun.
Þær Ninja og Þórhildur Helga kvöddu Idol keppnina í lok þáttar en hin fimm stíga á Idol sviðið annað kvöld.
