Tryggvi fluttur til kæró í Eyjum og lýsir boltanum Jakob Bjarnar skrifar 9. maí 2023 15:25 Tryggvi Guðmundsson í Herjólfi. Kominn til Eyja og byrjaður að skrifa um fótboltaleiki fyrir fotbolti.net. Hann segir enga hættu á því að skrifin verði bullandi hlutdræg. Tryggvi Guðmundsson, markahæsti knattspyrnumaður á Íslandi frá upphafi, er óhræddur við að taka takast á við ný verkefni. Hann hefur nú tekið að sér að fjalla um leiki ÍBV í sumar fyrir knattspyrnuvefinn fotbolti.net. „Þannig er mál með vexti að ég flutti til Vestmannaeyja aftur og hef náttúrlega starfað fyrir fótbolta.net áður en ekki kannski akkúrat við þetta. Ég þekki Hafliða Breiðfjörð ritstjóra mjög vel og heyri í honum reglulega. Ég sló á þráðinn til hans, fyrst ég væri kominn til Eyja, hvort ég ætti ekki bara að fjalla um leikina hér fyrir fótbolti.net sem ég gerði í fyrsta skipti í gær,“ segir Tryggvi í samtali við Vísi. Djúpa laugin sem er ekkert svo djúp Markahrókurinn og nú íþróttafréttamaðurinn segir að fotbolti.net hafi oft átt erfitt með að manna skrifin frá Eyjum og þurft að senda menn alla leið úr borginni til að skrifa um þetta. „Ég þykist vita eitthvað um þessa íþrótt, hélt að þetta væri fín hugmynd og Hafliði var því sammála. Ég mun sem sagt hér eftir, nema ég geri allt of margar skyssur, fjalla um alla heimaleiki ÍBV það sem eftir lifir tímabils. Ég held að frumraun mín hafi verið í lagi.“ Leikurinn í gær, ÍBV gegn toppliði Víkings, var grjótharður og þjálfarinn Hermann Hreiðarsson alveg hoppandi illur og hafði að þessu sinni fulla ástæðu til. Víkingar skoruðu sigurmarkið á lokasekúndu uppbótartíma. Hádramatískt augnablik eins og sjá má að neðan. „Já, þetta var heimaleikur númer tvö. Þeir sendu einn úr bænum til að skrifa um leik númer eitt sem var gegn Breiðablik. Þá var ég fluga á vegg að fylgjast með því hvernig hann bar sig að, og skrifaði niður punkta. Nú var það bara að hoppa út í djúpu laugina, sem var kannski ekkert svakalega djúp en ég held að mér hafi tekist ágætlega til og mér finnst þetta skemmtilegt.“ Ekki alveg blautur á bak við eyrun Tryggvi er ekki ókunnugur fjölmiðlarekstri. Hann hefur starfað á þeim nokkrum en þá á auglýsingadeildinni. Og þá hafa verið hæg heimatökin fyrir íþróttadeildina að kalla hann inn sem álitsgjafa; á Skjá einum, RÚV og Stöð 2 Sport. Þannig að hann kemur ekki alveg blautur á bak við eyrun að þessu. „En ég hef ekki lýst leikjum. Það er allt öðru vísi. Nú er ég að skrifa um leiki og taka viðtöl. Það hef ég ekki gert áður og er alveg nýtt fyrir mig.“ En þú ert harla ánægður með þig, ert að finna þig vel í þessu nýja hlutverki? „Jájá. Ég hef alltaf verið ágætur í kjaftinum en nú er spurning hvernig ég er sem penni.“ Tryggvi hefur eitthvað fengist við þjálfun undanfarin árin og hitt og þetta í Reykjavík. „Var í hinu og þessu í Reykjavík. En það var ýmislegt sem togaði í mig og eftir að ég flutti aftur til Eyja hef ég verði að fást við þjálfun hjá ÍBV. Og ýmislegt að gerast. Kærastan er að spila með kvennaliði ÍBV og svo er ég enn að leita mér að vinnu því þetta er nú bara eitthvað til hliðar, þjálfun og þetta nýja hjá fotbolti.net.“ Kærasta Tryggva er Kristín Erna Sigurlásdóttir, Eyjamær sem skorar mörk fyrir ÍBV. Fimmtíu mörk í 156 leikjum í efstu deild. Markadrottning eins og kærastinn. Engin hætta á hlutdrægni Þú kannski hyggur á frekari frama í blaðamennskunni? „Nei, eða, það er nú bara einn leikur búinn. Ég er ekki farinn að hugsa svo langt. Ef ég tek eitthvað að mér og ég hef á tilfinningunni að það sé ekki alveg að ganga upp hjá mér, kem ég mér undan því á einhvern hátt. En þetta er mjög gaman og þetta er mitt aðal áhugamál. Kannski að þetta viðtal komi einhverju í gang,“ segir Tryggvi á léttum nótum, spurður hvort hann sé farinn að leita hófana hjá stærri fréttastofum. En er engin hætta á því að þú verðir bullandi hlutdrægur í sínum skrifum um leiki ÍBV? „Nei, alls ekki. Það er bannað í þessu. Ég er bara þarna sem blaðamaður og skrifa það hvernig ég upplifi leikinn. Ég þarf að velja besta leikmanninn, þann næstbesta og svo einhvern sem átti mjög vondan dag. Ég bara skrifa um það sem ég sé. Svo á ég son í deildinni, sem spilar fyrir Val. Ég er strax farinn að hlakka til að skrifa um ÍBV-Valur. Og svo er ekki langt í ÍBV-FH, ég hef líka taugar til Fimleikafélagsins. En það er ekki hægt að hugsa svona, Ég þykist hafa eitthvað vit á þessu og skrifa bara um leikina eins og þeir koma mér fyrir sjónir.“ Besta deild karla Vestmannaeyjar Fjölmiðlar Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti „Fyrst og fremst bara ekki nógu sáttur með mína menn“ Handbolti Rautt spjald snemma leiks dýrt spaug fyrir Börsunga Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira
„Þannig er mál með vexti að ég flutti til Vestmannaeyja aftur og hef náttúrlega starfað fyrir fótbolta.net áður en ekki kannski akkúrat við þetta. Ég þekki Hafliða Breiðfjörð ritstjóra mjög vel og heyri í honum reglulega. Ég sló á þráðinn til hans, fyrst ég væri kominn til Eyja, hvort ég ætti ekki bara að fjalla um leikina hér fyrir fótbolti.net sem ég gerði í fyrsta skipti í gær,“ segir Tryggvi í samtali við Vísi. Djúpa laugin sem er ekkert svo djúp Markahrókurinn og nú íþróttafréttamaðurinn segir að fotbolti.net hafi oft átt erfitt með að manna skrifin frá Eyjum og þurft að senda menn alla leið úr borginni til að skrifa um þetta. „Ég þykist vita eitthvað um þessa íþrótt, hélt að þetta væri fín hugmynd og Hafliði var því sammála. Ég mun sem sagt hér eftir, nema ég geri allt of margar skyssur, fjalla um alla heimaleiki ÍBV það sem eftir lifir tímabils. Ég held að frumraun mín hafi verið í lagi.“ Leikurinn í gær, ÍBV gegn toppliði Víkings, var grjótharður og þjálfarinn Hermann Hreiðarsson alveg hoppandi illur og hafði að þessu sinni fulla ástæðu til. Víkingar skoruðu sigurmarkið á lokasekúndu uppbótartíma. Hádramatískt augnablik eins og sjá má að neðan. „Já, þetta var heimaleikur númer tvö. Þeir sendu einn úr bænum til að skrifa um leik númer eitt sem var gegn Breiðablik. Þá var ég fluga á vegg að fylgjast með því hvernig hann bar sig að, og skrifaði niður punkta. Nú var það bara að hoppa út í djúpu laugina, sem var kannski ekkert svakalega djúp en ég held að mér hafi tekist ágætlega til og mér finnst þetta skemmtilegt.“ Ekki alveg blautur á bak við eyrun Tryggvi er ekki ókunnugur fjölmiðlarekstri. Hann hefur starfað á þeim nokkrum en þá á auglýsingadeildinni. Og þá hafa verið hæg heimatökin fyrir íþróttadeildina að kalla hann inn sem álitsgjafa; á Skjá einum, RÚV og Stöð 2 Sport. Þannig að hann kemur ekki alveg blautur á bak við eyrun að þessu. „En ég hef ekki lýst leikjum. Það er allt öðru vísi. Nú er ég að skrifa um leiki og taka viðtöl. Það hef ég ekki gert áður og er alveg nýtt fyrir mig.“ En þú ert harla ánægður með þig, ert að finna þig vel í þessu nýja hlutverki? „Jájá. Ég hef alltaf verið ágætur í kjaftinum en nú er spurning hvernig ég er sem penni.“ Tryggvi hefur eitthvað fengist við þjálfun undanfarin árin og hitt og þetta í Reykjavík. „Var í hinu og þessu í Reykjavík. En það var ýmislegt sem togaði í mig og eftir að ég flutti aftur til Eyja hef ég verði að fást við þjálfun hjá ÍBV. Og ýmislegt að gerast. Kærastan er að spila með kvennaliði ÍBV og svo er ég enn að leita mér að vinnu því þetta er nú bara eitthvað til hliðar, þjálfun og þetta nýja hjá fotbolti.net.“ Kærasta Tryggva er Kristín Erna Sigurlásdóttir, Eyjamær sem skorar mörk fyrir ÍBV. Fimmtíu mörk í 156 leikjum í efstu deild. Markadrottning eins og kærastinn. Engin hætta á hlutdrægni Þú kannski hyggur á frekari frama í blaðamennskunni? „Nei, eða, það er nú bara einn leikur búinn. Ég er ekki farinn að hugsa svo langt. Ef ég tek eitthvað að mér og ég hef á tilfinningunni að það sé ekki alveg að ganga upp hjá mér, kem ég mér undan því á einhvern hátt. En þetta er mjög gaman og þetta er mitt aðal áhugamál. Kannski að þetta viðtal komi einhverju í gang,“ segir Tryggvi á léttum nótum, spurður hvort hann sé farinn að leita hófana hjá stærri fréttastofum. En er engin hætta á því að þú verðir bullandi hlutdrægur í sínum skrifum um leiki ÍBV? „Nei, alls ekki. Það er bannað í þessu. Ég er bara þarna sem blaðamaður og skrifa það hvernig ég upplifi leikinn. Ég þarf að velja besta leikmanninn, þann næstbesta og svo einhvern sem átti mjög vondan dag. Ég bara skrifa um það sem ég sé. Svo á ég son í deildinni, sem spilar fyrir Val. Ég er strax farinn að hlakka til að skrifa um ÍBV-Valur. Og svo er ekki langt í ÍBV-FH, ég hef líka taugar til Fimleikafélagsins. En það er ekki hægt að hugsa svona, Ég þykist hafa eitthvað vit á þessu og skrifa bara um leikina eins og þeir koma mér fyrir sjónir.“
Besta deild karla Vestmannaeyjar Fjölmiðlar Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti „Fyrst og fremst bara ekki nógu sáttur með mína menn“ Handbolti Rautt spjald snemma leiks dýrt spaug fyrir Börsunga Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Rómverjar búnir að finna eftirmann De Rossi Sjá meira