Þrátt fyrir mikla yfirburði mátti Fiorentina þola 0-1 tap gegn Juventus á Artemio Franchi leikvanginum í 11. umferð ítölsku úrvalsdeildarinnar. Tvítugur leikmaður uppalinn hjá Juventus skoraði fyrsta mark sitt fyrir félagið og tryggði sigurinn.
Fabio Miretti skoraði eina mark leiksins á 10. mínútu eftir fyrirgjöf frá Filip Kostic á vinstri vængnum. Þetta var fyrsta mark hans fyrir aðallið félagsins, miðjumaðurinn er aðeins tvítugur að aldri, hann er uppalinn hjá Juventus frá 8 ára aldri og hefur leikið og skorað fyrir öll ungmennalið félagsins.
Fabio Miretti scored his FIRST goal for Juventus’ senior team 👏
— Italian Football TV (@IFTVofficial) November 5, 2023
He joined the club in 2011 and scored at every level ⚪️⚫️
✅ U17
✅ U19
✅ U23
✅ First team
Been scoring goals for Juve since he was 8 😏 pic.twitter.com/kAy3ST3Ein
Fiorentina voru þó mun sterkari aðilinn allan leikinn, héldu boltanum rúmlega 70% af tímanum og áttu heilar 25 tilraunir að marki Juventus, aðeins fjórar þeirra rötuðu þó á markið.
Dusan Vlahovic fékk að heyra mikið baul og rasísk orð í sinn garð frá stuðningsmönnum Fiorentina sem kölluðu hann sígauna þegar hann mætti til leiks. Hann sat á bekknum, kom svo inn á 68. mínútu fyrir Moise Kean en tókst ekki að komast á blað.
Rispetto per le vittime, rispetto per le famiglie, però fare i cori razzisti a #Vlahovic va bene. #FiorentinaJuve pic.twitter.com/E0Z6wkweQp
— Daniele De Felice (@DanieleBibo) November 5, 2023
Fiorentina gáfu allt sem þeir áttu í leit að jöfnunarmarkinu en varð ekki ánægjan úr erfiðinu í þetta sinn. Juventus styrkir stöðu sína í 2. sæti deildarinnar með þessum sigri og minnkar muninn að Inter í efsta sætinu niður í tvö stig.