„Við báðum um lítinn púða en fengum Teslu“ Oddur Ævar Gunnarsson skrifar 13. nóvember 2023 06:45 Gísli og Lovísa hafa staðið í stappi vegna púðans síðan í sumar. Karlmanni með heilabilunarsjúkdóminn Lewy body hefur þrisvar sinnum verið synjað af Sjúkratryggingum Íslands um að fá niðurgreiddan sérstakan stuðningspúða. Púðinn kostar rúmar 180 þúsund krónur. Á endanum fékk maðurinn styrk fyrir sérstökum hjólastól í staðinn. Sá kostar rúmar 790 þúsund krónur. „Við báðum um lítinn púða en fengum Teslu,“ segir Lovísa Gunnarsdóttir, eiginkona Gísla Þorsteinssonar í gríni í samtali við Vísi. Hún furðar sig á flækjustiginu og afstöðu Sjúkratrygginga en Lovísa hefur staðið í stappi við að verða manninum sínum úti um púðann síðan í sumar. Gísli er með Lewybody sjúkdóminn og býr nú á Skjóli, hjúkrunarheimili. Einstaklingar með Lewy body verða fyrir skerðingu á skynjun, hugsun og breyttri hegðun. Lovísa segir að maðurinn sinn hafi verið farinn að síga út á hlið í þeim hjólastól sem hann notaði áður og hafi verið farinn að hengja haus með tilheyrandi óþægindum. „Þannig að við báðum um púða, til að setja í hjólastólinn hans til að stabílsera hann betur í stólnum. En af því að Sjúkratryggingar eru ekki með samning við hjúkrunarheimilið og þetta Iso númer er ekki til á hjúkrunarheimili þá gátum við ekki fengið þennan kodda. En við máttum fá hækju, hjólastól, lesbretti og öndunarvél.“ Hafnað þrisvar sinnum Lovísa og Gísli fengu þrisvar sinnum höfnun frá Sjúkratryggingum vegna málsins. Hún kærði úrskurðinn. Í úrskurði Sjúkratrygginga kemur fram að samkvæmt 5. gr. reglugerðar um styrki vegna hjálpartækja greiði Sjúkratryggingar ekki styrki vegna hjálpartækja til þeirra sem dveljast á hjúkrunarheimilum nema í afmörkuðum tilfellum. Umræddur púði falli ekki undir þá heimild. Segir stofnunin að Sjúkratryggingar greiði styrki til þeirra sem dveljist á öldrunarstofnunum vegna hjálpartækja til öndunarmeðferða, utan nokkurra týpa auk hjálpartækja við blóðrásarmeðferð, stoðtæki, stómahjápartæki, göngugrindur, hjólastóla og tölvur til sérhæfðra tjáskipta. Bréfið sem Gísla var sent þar sem honum var hafnað um styrk vegna púðans í fyrsta sinn. „Ég kærði fyrsta úrskurðinn og fékk með mér í lið sjúkraþjálfara sem sagði að það væri ekki boðlegt að hafa hann í stólnum svona, af því að hann seig alltaf út á hlið og hengdi haus í stólnum,“ útskýrir Lovísa. „Ég er búin að vera í þessu ferli í allt sumar. Við sóttum um púðann í júní, svo kom höfnun, svo kærðum við og svo kom höfnun, þá komu yfirsjúkraþjálfarar frá Eir og Skjóli og skoðuðu hann og þeim fannst ástæða til að sækja um púðann aftur. Þá kemur höfnun í þriðja sinn og þá sóttu þeir um svokallaða setráðgjöf frá Sjúkratryggingum.“ Það hafi verið niðurstaðan úr þeirri ráðgjöf að panta nýjan hjólastól handa Gísla. Sá er með bakstuðningi og betri púðum. Hann er þó umtalsvert dýrari en púðinn, hann er 660 þúsund krónum dýrari. Beri að fylgja reglum Í svörum Sjúkratrygginga Íslands til fréttastofu vegna málsins kemur fram að stofnuninni sé ekki heimilt að vísa í einstök mál. Í svarinu eru þær reglur útskýrðar sem Sjúkratryggingum ber að fara eftir í sínum úrskurðum. Fram kemur í svarinu að í 4. gr. reglugerðar nr. 760/2021 komi fram að styrkir séu eingöngu veittir til kaupa á þeim hjálpartækjum sem skilgreind eru í fylgiskjali með reglugerðinni, að uppfylltum öðrum skilyrðum reglugerðarinnar. Þá séu frekari skýringar í fylgiskjali reglugerðar um hvaða hjálpartæki falla undir hvern flokk. Um sé að ræða alþjóðlegt flokkunarkerfi og ekki sé heimilt að breyta ISO númeri eða setja tæki á ISO númer sem ekki eru tilgreind í þeim flokki. Allir púðar frá þessum tiltekna framleiðanda sem vísað sé til séu með ákveðið ISO númer. „Af ofangreindu leiðir, að ef umsóknir berast til Sjúkratrygginga um hjálpartæki sem ekki falla undir reglugerð nr. 760/2021 að meðtöldum síðari tíma breytingum og eru ekki með skráð ISO nr. skv. fyrrgreindum staðli, er stofnuninni ekki heimilt að samþykkja umsókn.“ Lítil þekking á Lewy Body sjúkdómnum „Við vorum ekkert að biðja um þennan hjólastól, en allt í lagi, það er auðvitað bara mjög gott að hann sé kominn í góðan hjólastól, það er ekkert að því,“ segir Lovísa og tekur fram að það henti Gísla vel, þó þau sakni þess að geta notað púðann umræddan uppi í rúmi. „Af því að þetta snýst náttúrulega um hagsmuni sjúklinganna, að auka þeirra vellíðan á meðan þeir eru að ganga í gegnum þetta ferli,“ segir Lovísa sem vill á sama tíma auka vitund almennings um Lewy Body sjúkdóminn sem oft er ruglað saman við Parkinson og Alzheimer, þar sem einkennin eru lík. Hún segist stundum upplifa að jafnvel starfsfólk hjúkrunarheimilisins viti lítið um sjúkdóminn. „Oft eru þessir sjúklingar greindir með Parkinson en eru svo ekki með Parkinson, af því að þetta er svolítið ýkt. Þeir eru ekki með titrandi hendur, heldur stirðnar frekar líkaminn. Þetta fer í líkamann en þetta er heldur ekki Alzheimer og við erum þrátt fyrir það oft send á fundi með Alzheimer fólki, en við höfum bara ekkert þar að gera, af því að þetta er ekki Alzheimer.“ Sjúkratryggingar Hjúkrunarheimili Heilbrigðismál Eldri borgarar Mest lesið Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent „Þetta er orðið pínu þreytt, tveir bílar á sex dögum“ Innlent Gamall ráðherra vildi nýtt hús, en nýr ráðherra gæti fengið gamalt hús Innlent Náðist á upptöku þegar skipulagðir þjófar tóku sjóðsvél Innlent Bað fyrir friðsamlegum kosningum meðan hann hékk á krossinum Erlent „Rosalega erfitt“ að keppa við innflutt grænmeti Innlent Við Íslendingar fórum bara á vertíð og drifum þetta af Innlent Bresk systkini létust í kláfferjuslysinu Erlent Diddy ekki veittur aukafrestur Erlent Fleiri fréttir Við Íslendingar fórum bara á vertíð og drifum þetta af Náðist á upptöku þegar skipulagðir þjófar tóku sjóðsvél „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum Sjá meira
„Við báðum um lítinn púða en fengum Teslu,“ segir Lovísa Gunnarsdóttir, eiginkona Gísla Þorsteinssonar í gríni í samtali við Vísi. Hún furðar sig á flækjustiginu og afstöðu Sjúkratrygginga en Lovísa hefur staðið í stappi við að verða manninum sínum úti um púðann síðan í sumar. Gísli er með Lewybody sjúkdóminn og býr nú á Skjóli, hjúkrunarheimili. Einstaklingar með Lewy body verða fyrir skerðingu á skynjun, hugsun og breyttri hegðun. Lovísa segir að maðurinn sinn hafi verið farinn að síga út á hlið í þeim hjólastól sem hann notaði áður og hafi verið farinn að hengja haus með tilheyrandi óþægindum. „Þannig að við báðum um púða, til að setja í hjólastólinn hans til að stabílsera hann betur í stólnum. En af því að Sjúkratryggingar eru ekki með samning við hjúkrunarheimilið og þetta Iso númer er ekki til á hjúkrunarheimili þá gátum við ekki fengið þennan kodda. En við máttum fá hækju, hjólastól, lesbretti og öndunarvél.“ Hafnað þrisvar sinnum Lovísa og Gísli fengu þrisvar sinnum höfnun frá Sjúkratryggingum vegna málsins. Hún kærði úrskurðinn. Í úrskurði Sjúkratrygginga kemur fram að samkvæmt 5. gr. reglugerðar um styrki vegna hjálpartækja greiði Sjúkratryggingar ekki styrki vegna hjálpartækja til þeirra sem dveljast á hjúkrunarheimilum nema í afmörkuðum tilfellum. Umræddur púði falli ekki undir þá heimild. Segir stofnunin að Sjúkratryggingar greiði styrki til þeirra sem dveljist á öldrunarstofnunum vegna hjálpartækja til öndunarmeðferða, utan nokkurra týpa auk hjálpartækja við blóðrásarmeðferð, stoðtæki, stómahjápartæki, göngugrindur, hjólastóla og tölvur til sérhæfðra tjáskipta. Bréfið sem Gísla var sent þar sem honum var hafnað um styrk vegna púðans í fyrsta sinn. „Ég kærði fyrsta úrskurðinn og fékk með mér í lið sjúkraþjálfara sem sagði að það væri ekki boðlegt að hafa hann í stólnum svona, af því að hann seig alltaf út á hlið og hengdi haus í stólnum,“ útskýrir Lovísa. „Ég er búin að vera í þessu ferli í allt sumar. Við sóttum um púðann í júní, svo kom höfnun, svo kærðum við og svo kom höfnun, þá komu yfirsjúkraþjálfarar frá Eir og Skjóli og skoðuðu hann og þeim fannst ástæða til að sækja um púðann aftur. Þá kemur höfnun í þriðja sinn og þá sóttu þeir um svokallaða setráðgjöf frá Sjúkratryggingum.“ Það hafi verið niðurstaðan úr þeirri ráðgjöf að panta nýjan hjólastól handa Gísla. Sá er með bakstuðningi og betri púðum. Hann er þó umtalsvert dýrari en púðinn, hann er 660 þúsund krónum dýrari. Beri að fylgja reglum Í svörum Sjúkratrygginga Íslands til fréttastofu vegna málsins kemur fram að stofnuninni sé ekki heimilt að vísa í einstök mál. Í svarinu eru þær reglur útskýrðar sem Sjúkratryggingum ber að fara eftir í sínum úrskurðum. Fram kemur í svarinu að í 4. gr. reglugerðar nr. 760/2021 komi fram að styrkir séu eingöngu veittir til kaupa á þeim hjálpartækjum sem skilgreind eru í fylgiskjali með reglugerðinni, að uppfylltum öðrum skilyrðum reglugerðarinnar. Þá séu frekari skýringar í fylgiskjali reglugerðar um hvaða hjálpartæki falla undir hvern flokk. Um sé að ræða alþjóðlegt flokkunarkerfi og ekki sé heimilt að breyta ISO númeri eða setja tæki á ISO númer sem ekki eru tilgreind í þeim flokki. Allir púðar frá þessum tiltekna framleiðanda sem vísað sé til séu með ákveðið ISO númer. „Af ofangreindu leiðir, að ef umsóknir berast til Sjúkratrygginga um hjálpartæki sem ekki falla undir reglugerð nr. 760/2021 að meðtöldum síðari tíma breytingum og eru ekki með skráð ISO nr. skv. fyrrgreindum staðli, er stofnuninni ekki heimilt að samþykkja umsókn.“ Lítil þekking á Lewy Body sjúkdómnum „Við vorum ekkert að biðja um þennan hjólastól, en allt í lagi, það er auðvitað bara mjög gott að hann sé kominn í góðan hjólastól, það er ekkert að því,“ segir Lovísa og tekur fram að það henti Gísla vel, þó þau sakni þess að geta notað púðann umræddan uppi í rúmi. „Af því að þetta snýst náttúrulega um hagsmuni sjúklinganna, að auka þeirra vellíðan á meðan þeir eru að ganga í gegnum þetta ferli,“ segir Lovísa sem vill á sama tíma auka vitund almennings um Lewy Body sjúkdóminn sem oft er ruglað saman við Parkinson og Alzheimer, þar sem einkennin eru lík. Hún segist stundum upplifa að jafnvel starfsfólk hjúkrunarheimilisins viti lítið um sjúkdóminn. „Oft eru þessir sjúklingar greindir með Parkinson en eru svo ekki með Parkinson, af því að þetta er svolítið ýkt. Þeir eru ekki með titrandi hendur, heldur stirðnar frekar líkaminn. Þetta fer í líkamann en þetta er heldur ekki Alzheimer og við erum þrátt fyrir það oft send á fundi með Alzheimer fólki, en við höfum bara ekkert þar að gera, af því að þetta er ekki Alzheimer.“
Sjúkratryggingar Hjúkrunarheimili Heilbrigðismál Eldri borgarar Mest lesið Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent „Þetta er orðið pínu þreytt, tveir bílar á sex dögum“ Innlent Gamall ráðherra vildi nýtt hús, en nýr ráðherra gæti fengið gamalt hús Innlent Náðist á upptöku þegar skipulagðir þjófar tóku sjóðsvél Innlent Bað fyrir friðsamlegum kosningum meðan hann hékk á krossinum Erlent „Rosalega erfitt“ að keppa við innflutt grænmeti Innlent Við Íslendingar fórum bara á vertíð og drifum þetta af Innlent Bresk systkini létust í kláfferjuslysinu Erlent Diddy ekki veittur aukafrestur Erlent Fleiri fréttir Við Íslendingar fórum bara á vertíð og drifum þetta af Náðist á upptöku þegar skipulagðir þjófar tóku sjóðsvél „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum Sjá meira