Landsliðsþjálfarinn Craig Pedersen hefur valið sextán leikmenn til æfinga fyrir þetta verkefni.
Einn nýliði er í hópnum að þessu sinni en það er Tómas Valur Þrastarson frá Þór Þorlákshöfn sem hefur spilað frábærlega með Þórsliðinu í Subway deildinni í vetur. Eldri bróðir hans, Styrmir Snær, er einnig í hópnum.
Það er mikið gleðiefni að Martin Hermannsson er kominn af stað eftir erfið meiðsli og hann verður með liðinu í þessum leikjum. Þetta verða fyrstu landsleikir hans síðan í febrúar árið 2022 eða í tvö ár.
Martin hefur skipt um lið og spilar nú með þýska liðinu Alba Berlin en hann lék áður með Valencia á Spani.
Landsliðsglugginn stendur yfir dagana 19. til 26. febrúar og leikur Ísland sinn fyrri leik í Laugardalshöllinni gegn Ungverjalandi fimmtudaginn 22. febrúar klukkan 19.30 og þann síðari í Istanbúl gegn Tyrklandi sunnudaginn 25. febrúar klukkan 13.00 að íslenskum tíma.
Ísland er í B-riðli með Tyrklandi, Ítalíu og Ungverjalandi og fara þrjú efstu liðin áfram á lokamót EM haustið 2025 sem haldið verður í fjórum löndum, í Finnlandi, Lettlandi, Póllandi og á Kýpur. Úrslitin fara svo fram í Póllandi.
- Landsliðshópurinn í febrúar:
- Elvar Már Friðriksson · PAOK, Grikklandi · 68 landsleikir
- Hilmar Smári Henningsson · Eisbären Bremerhaven, Þýskalandi · 14
- Hjálmar Stefánsson · Valur · 21
- Jón Axel Guðmundsson · CB Lucentum Alicante · 30
- Kristinn Pálsson · Valur · 31
- Kristófer Acox · Valur · 51
- Martin Hermannsson · Alba Berlin, Þýskaland · 73
- Orri Gunnarsson · OCS Swans Gmunden, Austurríki · 5
- Ragnar Ágúst Nathanaelsson · Hamar · 65
- Sigurður Pétursson · Keflavík · 2
- Sigtryggur Arnar Björnsson · Tindastóll · 33
- Styrmir Snær Þrastarson · Belfius Mons-Hainaut, Belgíu · 14
- Tómas Valur Þrastarson · Þór Þorlákshöfn · Nýliði
- Tryggvi Snær Hlinason · Bilbao Basket, Spánn · 63
- Þórir Guðmundur Þorbjarnarson · Tindastóll · 27
- Ægir Þór Steinarsson · Stjarnan · 85
- - Þjálfari: Craig Pedersen
-
Aðstoðarþjálfarar: Baldur Þór Ragnarsson og Pavel Ermolinskij.
- - Einn leikmaður gat ekki gefið kost á sér að þessu sinni en það er Kári Jónsson frá Val sem að jafna sig eftir aðgerð v/ meiðsla og þá hefur Haukur Helgi Briem Pálsson þurft að draga sig úr boðuðum lansliðshóp, en varð fyrir meiðslum í umferðarslysi nýverið sem hann er að ná sér af.
