Þórdís Kolbrún R. Gylfadóttir fjármála- og efnahags segir ríkisstjórnarfundinn sem var að ljúka hafa verið nokkuð hefðbundinn. Það hafi verið farið yfir mörg mál.
„En ég veit að þú ert að spyrja um annað mál og við því segi ég bara að Katrín á næstu klukkustundir í opinberri umræðu,“ segir Þórdís Kolbrún og að það sé Katrínar að greina frá því hvort að ákvörðun liggi fyrir eða ekki um það hvort hún ætli fram til forseta Íslands.
Hægt er að fylgjast með nýjustu vendingum í þessu máli hér að neðan.
Guðmundur Ingi Guðbrandsson, varaformaður Vinstri grænna, segir forsætisráðherra ekki enn hafa tilkynnt ákvörðun sína um mögulegt forsetaframboð.
Almannatengill segir nýja könnun vonbrigði fyrir Höllu Tómasdóttur á meðan prófessor í stjórnmálafræði segir hana góðar fréttir fyrir nöfnu hennar Höllu Hrund Logadóttur. Það hafi verið sterkur taktískur leikur hjá Baldri Þórhallssyni og stuðningsfólki hans að láta framkvæma könnun á fylgi áður en helstu keppinautar stigu fram.
