Aðeins eitt mark var skorað í fyrri leik Borussia Dortmund og Paris Saint-Germain í undanúrslitum Meistaradeildar Evrópu í gær.
Markið gerði Niclas Füllkrug á 36. mínútu með föstu skoti eftir sendingu frá varnarmanninum Nico Schlotterbeck. Þetta var fimmtánda mark þýska landsliðsframherjans á tímabilinu.
Bæði lið fengu tækifæri til að skora fleiri mörk og PSG átti til að mynda tvö stangarskot í sömu sókninni.
En mark Füllkrugs skildi liðin að og Dortmund fer því með eins marks forskot í seinni leikinn á Parc des Princes á þriðjudaginn.
Markið sem Füllkrug skoraði má sjá í spilaranum hér fyrir ofan.
Viðtal Jamie Carragher við Jadon Sancho, leikmann Dortmund, hefur vakið athygli en Carragher viðurkenndi að hafa drukkið átta bjóra með stuðningsmönnum Dortmund áður en hann fór í beina útsendingu.
Eftir sigur Dortmund gegn PSG í gærkvöld er endanlega ljóst að það verða Ítalía og Þýskaland sem fá eitt aukasæti hvort í nýrri útgáfu Meistaradeildar Evrópu í fótbolta á næstu leiktíð, en ekki England.
