„Ég er komin með gjörsamlega nóg af þessu“ Ólafur Björn Sverrisson skrifar 18. júní 2024 10:54 Sylvía Briem Friðjónsdóttir og Emil Þór Jóhannsson. Þau eignuðust sitt fyrsta barn fyrir tíu árum og sitt þriðja í janúar. Á þeim tíma hafa aðstæður nýbakaðra foreldra ekki hafa batnað, að sögn Sylvíu. Aðsent „Ég er komin með gjörsamlega nóg af þessu,“ segir Sylvía Briem Friðjónsdóttir sem vakið hefur athygli á bágri stöðu nýbakaðra foreldra. Hún kveðst hafa fengið ábendingar um gjaldþrot foreldra sem hafi tekið sér fæðingarorlof og spyr hvort það sé orðinn lúxus að fjölga sér. Færsla Sylvíu á Instagram í vikunni hefur vakið mikla athygli. Þar beinir hún sjónum að því 6-8 mánaða-bili sem foreldrar þurfi að brúa áður en barn fær almennt pláss á leikskóla. Hún segir kerfið halda konum niðri, þar sem þær taki almennt þungann af fæðingarorlofinu. View this post on Instagram A post shared by 𝐒𝐘𝐋𝐕𝐈𝐀 𝐁𝐑𝐈𝐄𝐌 𝐅𝐑𝐈𝐃𝐉𝐎𝐍𝐒 🐊 (@sylviafridjons) „Það eru greinilega allir komnir með nóg af þessu,“ segir Sylvía Briem sem ræddi málin í Bítinu. Hún bjóst ekki við því að færsla hennar myndi vekja svona mikil viðbrögð. Í janúar síðastliðnum eignaðist hún sitt þriðja barn og hafði stefnt að því að taka sér tólf mánaða orlof. „Ég veit að leikskólinn er aldrei að taka við honum 12 mánaða. Ef ég ætla með hann til dagmömmu í janúar á næsta ári, þarf ég að byrja að greiða af plássinu núna í september,“ segir Sylvía. Það sé vegna þess að börn séu aðeins tekin inn til dagforeldra að hausti. „100 þúsund krónur á mánuði. Ég þekki fólk sem er að greiða töluvert meira, hátt í 200 þúsund. Ég er að borga rúmlega 400 þúsund í heildina til að koma barninu inn. Þetta meikar engan sense og dagmæður hafa kannski bara fimm börn á mann og þurfa að fá greitt fyrir vinnuna sína. En það er ekki hægt að mismuna foreldrum eftir því hvenær árs börn þeirra fæðast.“ Gjaldþrot vegna fæðingarorlofs „Það er heppni ef þú ert að koma átján mánaða inn. Oft er það tveggja ára, en þú ert búinn í orlofi eftir 12 mánuði,“ segir Sylvía og kallar eftir meira frelsi til þess að velja orlofsmánuði. „Við erum með þrýstihóp sem er bugaður. Ég hef átt börn í tíu ár. Þetta var mjög slæmt þegar ég átti fyrsta strákinn minn. Ég fékk 37 þúsund í fæðingarstyrk og maðurinn minn vann eins og ég veit ekki hvað ásamt því að vera í námi. Ég upplifði mikinn kvíða og það hafði mikil áhrif á tengslamyndun og annað. Ég keypti þurrmjólk í staðinn fyrir mat fyrir mig,“ segir Sylvía. Hún hafi nýlega fengið ábendingar um gjaldþrot vegna fæðingarorlofs. „Svo erum við að furða okkur á því af hverju fólk ekki að fjölga sér og fæðingartíðni komin undir tvö börn?“ „Ég er komin með gjörsamlega nóg af þessu. Bakvið tölurnar er bara fullt af fólki að bugast. Vinkona mín sagði við mig í gær:„ég er búin í orlofi og ég bara get ekki hugsað mér að fara inn í þessa umræðu aftur. Þannig ég er farin““. Sylvía minnir á undirskriftarlista á island.is þar sem þess er krafist að stjórnvöld „setji börnin okkar í forgang“. Enn í fersku minni Diljá Mist Einarsdóttir þingmaður Sjálfstæðisflokksins hrósaði Sylvíu fyrir að halda þingmönnum við efnið í aðsendri grein á Vísi í dag. Þar segir hún tímann milli fæðingarorlofs og dagvistunar enn í fersku minni. „Ég taldist lánsöm, en í tvö ár keyrði ég úr Grafarvogi vestur í bæ þar sem ég fékk ungbarnapláss fyrir þau frá eins árs aldri. Ég greiddi m.a.s. fyrir annað plássið í nokkra mánuði á meðan ég kláraði fæðingarorlofið til að halda því fráteknu. Svona af því að fjárhæðin sem ég fékk greidda í framlengdu orlofi dugðu fyrir svo miklum útgjöldum,“ skrifar Diljá Mist. „Eins og Sylvía bendir réttilega á bera konur hitann og þungann af því að brúa bilið. Þær taka lengra fæðingarorlof og missa jafnvel atvinnu sína ef engin dagvistunarúrræði eru í boði að loknu orlofi. Konur verða því fyrir enn meiri tekjumissi, dragast aftur úr framgangsröð í starfi og verða af lífeyristekjum í framtíðinni. Dagvistunarmálin eru þannig gríðarlega mikilvægt jafnréttismál.“ Hún segir því fróðlegt að fá umbeðna skýrslu frá innviðaráðherra um kostnað sem foreldrar þurfi að standa straum af eftir að fæðingarorlofi lýkur og þar til dagvistunarúrræði bjóðast. „Í því skyni er lykilatriði að afla upplýsinga um hvaða hlutfall foreldra er í þessari stöðu. Þá er mikilvægt að skoða ýmsar breytur í þessu samhengi, m.a. hjúskaparstöðu, félagslega stöðu og tekjur.“ Bítið Fæðingarorlof Börn og uppeldi Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Sjá meira
Færsla Sylvíu á Instagram í vikunni hefur vakið mikla athygli. Þar beinir hún sjónum að því 6-8 mánaða-bili sem foreldrar þurfi að brúa áður en barn fær almennt pláss á leikskóla. Hún segir kerfið halda konum niðri, þar sem þær taki almennt þungann af fæðingarorlofinu. View this post on Instagram A post shared by 𝐒𝐘𝐋𝐕𝐈𝐀 𝐁𝐑𝐈𝐄𝐌 𝐅𝐑𝐈𝐃𝐉𝐎𝐍𝐒 🐊 (@sylviafridjons) „Það eru greinilega allir komnir með nóg af þessu,“ segir Sylvía Briem sem ræddi málin í Bítinu. Hún bjóst ekki við því að færsla hennar myndi vekja svona mikil viðbrögð. Í janúar síðastliðnum eignaðist hún sitt þriðja barn og hafði stefnt að því að taka sér tólf mánaða orlof. „Ég veit að leikskólinn er aldrei að taka við honum 12 mánaða. Ef ég ætla með hann til dagmömmu í janúar á næsta ári, þarf ég að byrja að greiða af plássinu núna í september,“ segir Sylvía. Það sé vegna þess að börn séu aðeins tekin inn til dagforeldra að hausti. „100 þúsund krónur á mánuði. Ég þekki fólk sem er að greiða töluvert meira, hátt í 200 þúsund. Ég er að borga rúmlega 400 þúsund í heildina til að koma barninu inn. Þetta meikar engan sense og dagmæður hafa kannski bara fimm börn á mann og þurfa að fá greitt fyrir vinnuna sína. En það er ekki hægt að mismuna foreldrum eftir því hvenær árs börn þeirra fæðast.“ Gjaldþrot vegna fæðingarorlofs „Það er heppni ef þú ert að koma átján mánaða inn. Oft er það tveggja ára, en þú ert búinn í orlofi eftir 12 mánuði,“ segir Sylvía og kallar eftir meira frelsi til þess að velja orlofsmánuði. „Við erum með þrýstihóp sem er bugaður. Ég hef átt börn í tíu ár. Þetta var mjög slæmt þegar ég átti fyrsta strákinn minn. Ég fékk 37 þúsund í fæðingarstyrk og maðurinn minn vann eins og ég veit ekki hvað ásamt því að vera í námi. Ég upplifði mikinn kvíða og það hafði mikil áhrif á tengslamyndun og annað. Ég keypti þurrmjólk í staðinn fyrir mat fyrir mig,“ segir Sylvía. Hún hafi nýlega fengið ábendingar um gjaldþrot vegna fæðingarorlofs. „Svo erum við að furða okkur á því af hverju fólk ekki að fjölga sér og fæðingartíðni komin undir tvö börn?“ „Ég er komin með gjörsamlega nóg af þessu. Bakvið tölurnar er bara fullt af fólki að bugast. Vinkona mín sagði við mig í gær:„ég er búin í orlofi og ég bara get ekki hugsað mér að fara inn í þessa umræðu aftur. Þannig ég er farin““. Sylvía minnir á undirskriftarlista á island.is þar sem þess er krafist að stjórnvöld „setji börnin okkar í forgang“. Enn í fersku minni Diljá Mist Einarsdóttir þingmaður Sjálfstæðisflokksins hrósaði Sylvíu fyrir að halda þingmönnum við efnið í aðsendri grein á Vísi í dag. Þar segir hún tímann milli fæðingarorlofs og dagvistunar enn í fersku minni. „Ég taldist lánsöm, en í tvö ár keyrði ég úr Grafarvogi vestur í bæ þar sem ég fékk ungbarnapláss fyrir þau frá eins árs aldri. Ég greiddi m.a.s. fyrir annað plássið í nokkra mánuði á meðan ég kláraði fæðingarorlofið til að halda því fráteknu. Svona af því að fjárhæðin sem ég fékk greidda í framlengdu orlofi dugðu fyrir svo miklum útgjöldum,“ skrifar Diljá Mist. „Eins og Sylvía bendir réttilega á bera konur hitann og þungann af því að brúa bilið. Þær taka lengra fæðingarorlof og missa jafnvel atvinnu sína ef engin dagvistunarúrræði eru í boði að loknu orlofi. Konur verða því fyrir enn meiri tekjumissi, dragast aftur úr framgangsröð í starfi og verða af lífeyristekjum í framtíðinni. Dagvistunarmálin eru þannig gríðarlega mikilvægt jafnréttismál.“ Hún segir því fróðlegt að fá umbeðna skýrslu frá innviðaráðherra um kostnað sem foreldrar þurfi að standa straum af eftir að fæðingarorlofi lýkur og þar til dagvistunarúrræði bjóðast. „Í því skyni er lykilatriði að afla upplýsinga um hvaða hlutfall foreldra er í þessari stöðu. Þá er mikilvægt að skoða ýmsar breytur í þessu samhengi, m.a. hjúskaparstöðu, félagslega stöðu og tekjur.“
Bítið Fæðingarorlof Börn og uppeldi Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Sjá meira