Innlent

Vélar­vana bátur strandaði við Við­ey

Rafn Ágúst Ragnarsson skrifar
Bátinn rak að Viðey og strandaði. Myndin er úr safni.
Bátinn rak að Viðey og strandaði. Myndin er úr safni. Vísir/Vilhelm

Bátur varð vélarvana með sex manns um borð og rak hægt og rólega í áttina að Viðey þangað til að hann strandaði við eyjuna.

Vakthafandi hjá Landsbjörg staðfestir þetta í samtali við fréttastofu. Björgunarsveitarliðar í Reykjavík voru sendir á vettvang en útkallið barst þeim skömmu fyrir klukkan tvö í dag.

Fólkinu var bjargað og komið um borð í björgunarskip og verið er að ferja fólkið aftur á þurrt land. Þá verður bátnum komið í tóg og hann dreginn að landi.

Vakthafandi segir engin hætta steðja að fólkinu og að allt gangi smurt fyrir sig.

Björgunarsveitir Reykjavík Viðey

Mest lesið


Fleiri fréttir

Sjá meira


×

Mest lesið