Fjögurra daga hraustur drengur hætti skyndilega að anda Jón Þór Stefánsson skrifar 7. ágúst 2024 08:30 Elías Andri ásamt syni sínum sem er nokkurra daga gamall á sjúkrahúsinu. Elías Elías Andri Óskarsson, íbúi á Sauðárkróki, segir margar tilviljanir hafa orðið til þess að ekki fór verr síðastliðinn sunnudag þegar fjögurra daga gamall sonur hans hætti skyndilega að anda. Um tíma var óttast að hann væri að deyja, en sem betur fer heilsast honum vel í dag. Í samtali við fréttastofu greinir Elías frá atburðarás sunnudagsins, en sjálfur var hann staddur í Litla skógi við Sauðárkrók ásamt tveggja ára dóttur sinni þegar hann fékk fyrstu fregnir af veikindum sonarins. „Þá fæ ég símtal frá tvíburasystur konunnar minnar um að ég þyrfti að drífa mig heim, strákurinn væri eitthvað skrýtinn, það liti út fyrir að hann væri hættur að anda og þyrfti að fara á spítala.“ Ljósmóðir hafði verið heima hjá móðurinni í heimavitjun þegar þetta átti sér stað. „Ég held að þau hafi verið nýbúin að vigta hann og voru að tala um að hann væri bara hraustari en önnur börn, hann lyfti haus og væri handsterkur og svona. Svo er konan mín bara að láta barnið ropa þegar ljósmóðirin tekur eftir því að hann hálflyppast niður. Hún hafði ekki séð nein veikindamerki eða neitt slíkt fyrir það,“ segir Elías. „Þeim tekst ekki að fá nein viðbrögð frá honum.“ „Bað hana um að skella á mig og vera með honum“ Kallað var eftir sjúkrabíl. Í sömu andrá og sjúkrabíllinn var að leggja af stað frá heimili þeirra komu þau feðginin heim. Í sjúkrabílnum var sonurinn, móðir hans, ljósmóðirin og læknir frá spítalanum á Sauðárkróki. Elías og tvíburasystir konunnar hans eltu bílinn sem stefndi frá Sauðárkróki til Akureyrar. Í þeirri bílferð fékk Elías annað erfitt símtal. „Svo hringir konan í mig og segir að það sé eins og hann sé að deyja. Ég bað hana um að skella á mig og vera með honum,“ segir hann. „Síðan hringir hún mjög skömmu seinna og segir að það sé að koma þyrla og að þau séu stopp uppi á Öxnadalsheiði, og það séu bara tvær til þrjár mínútur í þyrlu. Við komum þarna að sjúkrabílnum rétt áður en þyrlan lendir. Þegar við opnum hurðina á sjúkrabílnum tekur hann við sér og byrjar að gráta.“ Drengurinn greindist með Covid. Heilbrigðisstarfsfólk hefur útskýrt fyrir foreldrunum að viðbrögð hans séu þekkt hjá ungbörnum sem fái veirusýkingar.Elías Drengnum og foreldrunum var komið í þyrluna og þau flugu til Akureyrar. Að sögn Elíasar tók flugið fimm mínútur en hann telur að aksturinn hefði tekið hálftíma eða fjörutíu mínútur. Á Akureyri hafi tekið við allar þær rannsóknir sem hægt er að gera. „Hann greinist með Covid. Það er útskýrt fyrir okkur að vegna þess að hann er svona rosalega ungur þá eru þetta þekkt viðbrögð við svona veirusýkingum, að vera ekki að anda,“ segir Elías. Á svipuðum slóðum þegar fæðingin hófst Elías bendir á að þegar drengurinn var að fæðast hafi þau farið í eina fýluferð til Akureyrar þar sem að ekkert gerðist og verið að keyra aftur á Sauðárkrók þegar fæðingin hafi byrjað. Þau hafi stoppað á mjög svipuðum stað á heiðinni í það skipti. „Við byrjum bara á að fæða í bílnum. Við fáum sjúkrabíl á móti og við erum að byrja að taka á móti honum á heiðinni.“ Elíasi finnst margar magnaðar tilviljanir sem þessar vera í sögunni. Það að ljósmóðirin hafi einmitt verið í heimsókn þegar þetta eigi sér stað hafi til að mynda líklega hjálpað mikið til en Elías segir hana hafa verið gríðarlega mikilvæga til að bjarga barninu. „Hún fer með þeim í sjúkrabílinn og er að halda í honum lífinu allan aksturinn.“ „Hún er svolítið hetjan í þessari sögu,“ segir Elías um ljósmóðurina. „Ef þetta hefði skeð þegar mæðginin væru sofandi, maður hefði ekki vilja spyrja að leikslokum þar.“ Jafnframt bendir Elías á að þyrla frá Landhelgisgæslunni sé yfirleitt ekki fyrir norðan. Líklega hafi þyrlan sem kom þeim til bjargar einungis verið staðsett þar vegna verslunarmannahelgarinnar. „Hún var bara að gera sig klára til að fljúga suður þegar beiðnin kemur.“ Dapurt að þyrla sé ekki alltaf til reiðu Hann er gagnrýnin á það að það sé ekki alltaf þyrla til reiðu fyrir norðan, og líka fyrir austan. Í þessu tilfelli hafi það mögulega skipt sköpum að hún hafi verið til staðar. „Ég er sjálfur smábátasjómaður og hef verið mikið á tryllum og lent í alls konar og hef þurft að fá aðstoð,“ segir Elías. „Ég hef mikið verið að róa fyrir austan. Maður veit að ef eitthvað kemur upp á úti á sjá þá hefur þyrlan ekki eldsneyti til að standa í neinni leit þar. Manni finnst þetta hálfdapurt í landi vellystinga eins og hjá okkur að ástandið sé svona lélegt.“ Þó að Elías sé gagnrýnin á þetta er hann fullur þakklætis í garð allra viðbragðsaðilana sem komu að málinu. „Maður verður bara meyr yfir því hvað allt fólkið hérna er gott.“ Börn og uppeldi Heilbrigðismál Björgunarsveitir Skagafjörður Akureyri Mest lesið Lýsa miklum troðningi, átökum og gráti á FM95BLÖ Innlent Þrír fluttir á bráðamóttökuna af tónleikum FM95BLÖ Innlent Gengst við eftirlíkingunum: „Ég þekki ekki þessi lög og seldi þessar myndir ekki“ Innlent Stutt pása hleypti öllu í bál og brand Innlent „Glatað að heyra af því að fólk hafi meitt sig“ Innlent „Við erum engir rasistar“ Innlent Kosti tugi milljóna að hirða yfirgefin húsgögn Innlent Liggur þungt haldinn eftir stórfellda líkamsárás í Hlíðunum Innlent Sprengjuflugvélar loga víða í Rússlandi Erlent Hefja söfnun fyrir fjölskyldu Víglundar Innlent Fleiri fréttir Nikótínpúðar vinsælastir „Ozempic tennur“ meðal aukaverkana þyngdarstjórnunarlyfja „Beið eftir því að eitthvað stórslys myndi gerast“ Sirkus hundur skemmtir ferðamönnum á Höfn í sumar Sögulegur „köngulóavefur“, troðningur á tónleikum og stemning á degi sjómanna „Glatað að heyra af því að fólk hafi meitt sig“ Stærsta brautskráning í sögu skólans Einn lagður inn á sjúkrahús eftir tónleikana Gengst við eftirlíkingunum: „Ég þekki ekki þessi lög og seldi þessar myndir ekki“ „Okkur þykir það mjög miður að þessar aðstæður hafi skapast“ „Hann vildi ekki klaga, klaga hvern þá?“ Stefnir í metkjörsókn í pólsku forsetakosningunum Viðvaranir vegna snjókomu og hríðar: „Þetta eru mikil vonbrigði“ Útlendingaandúð sé vinsæl leið til að marka sér stöðu á samfélagsmiðlum Nýr verslunarkjarni opnaður á Selfossi Stutt pása hleypti öllu í bál og brand Fór ekki út úr húsi eftir afsögnina Troðningur í Laugardalshöll, óveður og sjómannadeginum fagnað Landsmálin, fiskveiðistjórnun og Ásthildur Lóa í Sprengisandi Lýsa miklum troðningi, átökum og gráti á FM95BLÖ Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Sjá meira
Í samtali við fréttastofu greinir Elías frá atburðarás sunnudagsins, en sjálfur var hann staddur í Litla skógi við Sauðárkrók ásamt tveggja ára dóttur sinni þegar hann fékk fyrstu fregnir af veikindum sonarins. „Þá fæ ég símtal frá tvíburasystur konunnar minnar um að ég þyrfti að drífa mig heim, strákurinn væri eitthvað skrýtinn, það liti út fyrir að hann væri hættur að anda og þyrfti að fara á spítala.“ Ljósmóðir hafði verið heima hjá móðurinni í heimavitjun þegar þetta átti sér stað. „Ég held að þau hafi verið nýbúin að vigta hann og voru að tala um að hann væri bara hraustari en önnur börn, hann lyfti haus og væri handsterkur og svona. Svo er konan mín bara að láta barnið ropa þegar ljósmóðirin tekur eftir því að hann hálflyppast niður. Hún hafði ekki séð nein veikindamerki eða neitt slíkt fyrir það,“ segir Elías. „Þeim tekst ekki að fá nein viðbrögð frá honum.“ „Bað hana um að skella á mig og vera með honum“ Kallað var eftir sjúkrabíl. Í sömu andrá og sjúkrabíllinn var að leggja af stað frá heimili þeirra komu þau feðginin heim. Í sjúkrabílnum var sonurinn, móðir hans, ljósmóðirin og læknir frá spítalanum á Sauðárkróki. Elías og tvíburasystir konunnar hans eltu bílinn sem stefndi frá Sauðárkróki til Akureyrar. Í þeirri bílferð fékk Elías annað erfitt símtal. „Svo hringir konan í mig og segir að það sé eins og hann sé að deyja. Ég bað hana um að skella á mig og vera með honum,“ segir hann. „Síðan hringir hún mjög skömmu seinna og segir að það sé að koma þyrla og að þau séu stopp uppi á Öxnadalsheiði, og það séu bara tvær til þrjár mínútur í þyrlu. Við komum þarna að sjúkrabílnum rétt áður en þyrlan lendir. Þegar við opnum hurðina á sjúkrabílnum tekur hann við sér og byrjar að gráta.“ Drengurinn greindist með Covid. Heilbrigðisstarfsfólk hefur útskýrt fyrir foreldrunum að viðbrögð hans séu þekkt hjá ungbörnum sem fái veirusýkingar.Elías Drengnum og foreldrunum var komið í þyrluna og þau flugu til Akureyrar. Að sögn Elíasar tók flugið fimm mínútur en hann telur að aksturinn hefði tekið hálftíma eða fjörutíu mínútur. Á Akureyri hafi tekið við allar þær rannsóknir sem hægt er að gera. „Hann greinist með Covid. Það er útskýrt fyrir okkur að vegna þess að hann er svona rosalega ungur þá eru þetta þekkt viðbrögð við svona veirusýkingum, að vera ekki að anda,“ segir Elías. Á svipuðum slóðum þegar fæðingin hófst Elías bendir á að þegar drengurinn var að fæðast hafi þau farið í eina fýluferð til Akureyrar þar sem að ekkert gerðist og verið að keyra aftur á Sauðárkrók þegar fæðingin hafi byrjað. Þau hafi stoppað á mjög svipuðum stað á heiðinni í það skipti. „Við byrjum bara á að fæða í bílnum. Við fáum sjúkrabíl á móti og við erum að byrja að taka á móti honum á heiðinni.“ Elíasi finnst margar magnaðar tilviljanir sem þessar vera í sögunni. Það að ljósmóðirin hafi einmitt verið í heimsókn þegar þetta eigi sér stað hafi til að mynda líklega hjálpað mikið til en Elías segir hana hafa verið gríðarlega mikilvæga til að bjarga barninu. „Hún fer með þeim í sjúkrabílinn og er að halda í honum lífinu allan aksturinn.“ „Hún er svolítið hetjan í þessari sögu,“ segir Elías um ljósmóðurina. „Ef þetta hefði skeð þegar mæðginin væru sofandi, maður hefði ekki vilja spyrja að leikslokum þar.“ Jafnframt bendir Elías á að þyrla frá Landhelgisgæslunni sé yfirleitt ekki fyrir norðan. Líklega hafi þyrlan sem kom þeim til bjargar einungis verið staðsett þar vegna verslunarmannahelgarinnar. „Hún var bara að gera sig klára til að fljúga suður þegar beiðnin kemur.“ Dapurt að þyrla sé ekki alltaf til reiðu Hann er gagnrýnin á það að það sé ekki alltaf þyrla til reiðu fyrir norðan, og líka fyrir austan. Í þessu tilfelli hafi það mögulega skipt sköpum að hún hafi verið til staðar. „Ég er sjálfur smábátasjómaður og hef verið mikið á tryllum og lent í alls konar og hef þurft að fá aðstoð,“ segir Elías. „Ég hef mikið verið að róa fyrir austan. Maður veit að ef eitthvað kemur upp á úti á sjá þá hefur þyrlan ekki eldsneyti til að standa í neinni leit þar. Manni finnst þetta hálfdapurt í landi vellystinga eins og hjá okkur að ástandið sé svona lélegt.“ Þó að Elías sé gagnrýnin á þetta er hann fullur þakklætis í garð allra viðbragðsaðilana sem komu að málinu. „Maður verður bara meyr yfir því hvað allt fólkið hérna er gott.“
Börn og uppeldi Heilbrigðismál Björgunarsveitir Skagafjörður Akureyri Mest lesið Lýsa miklum troðningi, átökum og gráti á FM95BLÖ Innlent Þrír fluttir á bráðamóttökuna af tónleikum FM95BLÖ Innlent Gengst við eftirlíkingunum: „Ég þekki ekki þessi lög og seldi þessar myndir ekki“ Innlent Stutt pása hleypti öllu í bál og brand Innlent „Glatað að heyra af því að fólk hafi meitt sig“ Innlent „Við erum engir rasistar“ Innlent Kosti tugi milljóna að hirða yfirgefin húsgögn Innlent Liggur þungt haldinn eftir stórfellda líkamsárás í Hlíðunum Innlent Sprengjuflugvélar loga víða í Rússlandi Erlent Hefja söfnun fyrir fjölskyldu Víglundar Innlent Fleiri fréttir Nikótínpúðar vinsælastir „Ozempic tennur“ meðal aukaverkana þyngdarstjórnunarlyfja „Beið eftir því að eitthvað stórslys myndi gerast“ Sirkus hundur skemmtir ferðamönnum á Höfn í sumar Sögulegur „köngulóavefur“, troðningur á tónleikum og stemning á degi sjómanna „Glatað að heyra af því að fólk hafi meitt sig“ Stærsta brautskráning í sögu skólans Einn lagður inn á sjúkrahús eftir tónleikana Gengst við eftirlíkingunum: „Ég þekki ekki þessi lög og seldi þessar myndir ekki“ „Okkur þykir það mjög miður að þessar aðstæður hafi skapast“ „Hann vildi ekki klaga, klaga hvern þá?“ Stefnir í metkjörsókn í pólsku forsetakosningunum Viðvaranir vegna snjókomu og hríðar: „Þetta eru mikil vonbrigði“ Útlendingaandúð sé vinsæl leið til að marka sér stöðu á samfélagsmiðlum Nýr verslunarkjarni opnaður á Selfossi Stutt pása hleypti öllu í bál og brand Fór ekki út úr húsi eftir afsögnina Troðningur í Laugardalshöll, óveður og sjómannadeginum fagnað Landsmálin, fiskveiðistjórnun og Ásthildur Lóa í Sprengisandi Lýsa miklum troðningi, átökum og gráti á FM95BLÖ Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Sjá meira