Og Viðey hverfur sjónum Steinunn Jóhannesdóttir skrifar 23. ágúst 2024 14:02 Í dag, 23. ágúst, lýkur kynningu á breytingu á deiliskipulagi Klettasvæðis, sem unnt er að nálgast gegnum www.skipulagsgatt.is Klettagarðar. Kynningin er fyrir svokallaða hagaðila og aðra þá sem láta sig málið varða. Breytingin er gerð vegna fyrirhugaðrar stækkunar á landfyllingu Sundahafnar. Framkvæmdaleyfi fyrir fyrri hluta landfyllingarinnar var gefið út 9. apríl 2019 af skipulagsfulltrúa Reykjavíkur og lokið var við fyllinguna síðsumars 2020. Engin opinber umræða átti sér stað í tengslum við leyfisveitinguna og þrátt fyrir að heildarstærð landfyllingarinnar myndi verða 4 ha utan í Laugarnesi var komist hjá umhverfismati af hálfu Skipulagsstofnunar. Breytingin komst í gegn eftir krókaleiðum sem breyting á Aðalskipulagi Reykjavíkur. Nú, rúmum fimm árum síðar, á að fara að skipulagslögum, áður en hafist verður handa við að sturta grjóti í seinni helming landfyllingarinnar. Breyting á deiliskipulagi Klettasvæðis var auglýst 11. júlí 2024. Og þið, sem þetta lesið, tókuð ekki eftir auglýsingunni í miðju sumarfríi, eða föttuðuð ekki að smálenging á götu inni í Sundahöfn sem heitir Klettagarðar, snerist í raun um framtíð Laugarness og Laugarnesstanga og aldalanga tengingu svæðisins við Viðey, drottningu eyjanna á Kollafirði. Krúnudjásn Reykjavíkur. Slagurinn stendur um Viðey Slagurinn stendur sem sé um Viðey, þótt fáir geri sér grein fyrir því. Ekki um eignarhaldið, Viðey er hluti af Reykjavík, ekki um það hvort fólk geti siglt þangað með ferju stöku sinnum eður ei. Nei, slagurinn stendur um það hvort hagaðilinn almenningur geti áfram séð út til Viðeyjar frá norðurströnd Reykjavíkur að Laugarnesi meðtöldu, þ.e.a.s. til hjartastaðarins þar sem elsta steinhús á Íslandi stendur, Viðeyjarstofa. Hún var byggð 1753-55 og skömmu síðar reis kirkjan við hennar hlið. Þessar systurbyggingar mörkuðu tímamót í íslenskri byggingasögu, þær urðu fyrirmyndir annarra bygginga úr höggnum steini, Nesstofu, Bessastaðastofu, Hóladómkirkju. Viðeyjarstofa varð fyrsta stjórnsýslubygging Reykjavíkur, embættisbústaður Skúla Magnússonar landfógeta, sem síðar var kallaður faðir Reykjavíkur. Hann var maðurinn á bak við fyrstu iðnfyrirtæki sem sett voru á fót á Íslandi, Innréttingarnar, sem risu þar sem nú er Aðalstræti. Skúli og Innréttingarnar eru tákn um framfarahyggju Upplýsingarinnar og fyrstu skref Íslands inn í nútímann. Klettagarðar, eitrað peð Og nú ætlar nútíminn að gefa skít í Skúla og Viðeyjarstofu og reisa skrifstofubyggingar á fyrrgreindri 4 hektara landfyllingu, Klettagörðum 16 og 18, andspænis Viðey norður af Laugarnesi. Húsin munu verða eins og múrveggur í sjónlínunni milli lands og eyjar. Borgarskipulag Reykjavíkur hefur fengið það sorglega hlutverk að búa í haginn fyrir hervirkið og gerir það með fyrrnefndri breytingu á deiliskipulagi Klettasvæðis. Í greinargerð með tillögunni er ekki minnst einu orði á Viðey eða Laugarnestanga, sem landfyllingin liggur upp við, þótt þar verði áhrifin mest og hörmulegust! Það er eins og Berlínarmúrinn hafi á sínum tíma ekkert haft með Berlín að gera! Almenningur varð og verður því sjálfur að átta sig á að Klettagarðar 16 og 18 eru eitrað peð. Það er ekki bara verið að lengja einhverja götu inni í Sundahöfn, það er verið að vega að einum mikilvægasta stað í sögu Reykjavíkur, Laugarnesi og Laugarnestanga. Og þetta er gert þrátt fyrir að svæðið njóti hverfisverndar og um það sé í gildi verndaráætlun milli Reykjavíkurborgar og Minjastofnunar Íslands frá 25. ágúst 2016. Verndaráætlunin er mikið plagg, undirritað af þáverandi borgarstjóra, Degi B. Eggertssyni og Kristínu Huld Sigurðardóttur, þáverandi forstöðumanni Minjastofnunar. Þar eru lykilsetningar þessar: “Náttúrufarið á Laugarnestanga gerir svæðið einstakt í Reykjavík þar sem hægt er að horfa yfir nesið og út í Viðey án truflunar mannvirkja nútímans. Mikilvægt er að halda í þetta merkilega menningarlandslag, samspil náttúru og minja, sem hvergi er að finna annars staðar í Reykjavík.“ Hagaðilinn almenningur Þeir á skipulagssviði Reykjavíkurborgar þekkja þennan texta vel og er því fullkunnugt um þær alvarlegu afleiðingar sem viðbótarlandfyllingin og nýju byggingarlóðirnar við Klettagarða hafa fyrir aldalöng tengslin milli Laugarness og Viðeyjar. Í plaggi dagsettu 5. apríl 2019, sem varðar útgáfu framkvæmdaleyfis fyrir fyrri hluta landfyllingarinnar, er ítrekað vitnað til fyrrnefndrar Verndaráætlunar og mikilvægis þess að halda í útsýni út á sundin og til Viðeyjar án truflunar frá mannvirkjum nútímans. Hjá umhverfis- og skipulagssviði Reykjavíkurborgar er sem sagt unnið gegn betri vitund og ekki minnst einu orði á þær alvarlegu afleiðingar sem breyting á deiliskipulagi Klettasvæðis hefur í för með sér fyrir mennigarminjarnar og landslagið í borginni. Ef opinberar stofnanir okkar reynast ekki þeim vanda vaxnar að verja það sem þeim er falið að verja fyrir ágangi „hagaðila“ hverju sinni, þá verður „hagaðilinn almenningur“ að láta í sér heyra og til sín taka. Látum ekki blekkjast af deiliskipulagstillögu við Klettagarða. Horfum til Viðeyjar! Höfundur er rithöfundur. Viltu birta grein á Vísi? Sendu okkur póst. Senda grein Steinunn Jóhannesdóttir Reykjavík Umhverfismál Viðey Mest lesið Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Vanhæfur Sjálfstæðisflokkur Dóra Björt Guðjónsdóttir Skoðun Myllan sem mala átti gull Andrés Kristjánsson Skoðun Fé án hirðis Þorvaldur Lúðvík Sigurjónsson Skoðun Pírati pissar í skóinn sinn Helgi Áss Grétarsson Skoðun Fáum presta aftur inn í skólana Rósa Guðbjartsdóttir Skoðun Rösk og reiðubúin fyrir landsbyggðina Hópur Röskvuliða Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir Skoðun Framtíð Öskjuhlíðar Magnea Gná Jóhannsdóttir Skoðun Skoðun Skoðun Mannúð og hugrekki - gegn stríðsglæpum og þjóðarmorði Ólafur Ingólfsson skrifar Skoðun Framtíð menntunar – byggjum á trausti, ekki tortryggni Helga Kristín Kolbeins skrifar Skoðun Fé án hirðis Þorvaldur Lúðvík Sigurjónsson skrifar Skoðun Gæludýr geta dimmu í dagsljós breytt Kolbrún Áslaugar Baldursdóttir skrifar Skoðun Myllan sem mala átti gull Andrés Kristjánsson skrifar Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir skrifar Skoðun Pírati pissar í skóinn sinn Helgi Áss Grétarsson skrifar Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar Skoðun Fáum presta aftur inn í skólana Rósa Guðbjartsdóttir skrifar Skoðun Rösk og reiðubúin fyrir landsbyggðina Hópur Röskvuliða skrifar Skoðun Icelandic Learning is a Gendered Health Issue Logan Lee Sigurðsson skrifar Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa skrifar Skoðun Framtíð Öskjuhlíðar Magnea Gná Jóhannsdóttir skrifar Skoðun Vanhæfur Sjálfstæðisflokkur Dóra Björt Guðjónsdóttir skrifar Skoðun Mælt fyrir miklum kjarabótum öryrkja og aldraðra Inga Sæland skrifar Skoðun Mannréttindabrot og stríðsglæpir Rússa í Úkraínu Erlingur Erlingsson skrifar Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar Skoðun Getur Sturlunga snúið aftur? Leifur B. Dagfinnsson skrifar Skoðun Vaka stendur með Menntavísindasviði í verki Gunnar Ásgrímsson skrifar Skoðun Vorbókaleysingar Henry Alexander Henrysson skrifar Skoðun Er þetta í alvöru umdeild skoðun fámenns hóps? Snorri Másson skrifar Skoðun Liðveisla fyrir öll Atli Már Haraldsson skrifar Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar Skoðun Að standa við stóru orðin Guðmundur Ari Sigurjónsson skrifar Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar Skoðun Ég virði þig og þín mörk, virðir þú mig og mín mörk ? Rakel Linda Kristjánsdóttir skrifar Sjá meira
Í dag, 23. ágúst, lýkur kynningu á breytingu á deiliskipulagi Klettasvæðis, sem unnt er að nálgast gegnum www.skipulagsgatt.is Klettagarðar. Kynningin er fyrir svokallaða hagaðila og aðra þá sem láta sig málið varða. Breytingin er gerð vegna fyrirhugaðrar stækkunar á landfyllingu Sundahafnar. Framkvæmdaleyfi fyrir fyrri hluta landfyllingarinnar var gefið út 9. apríl 2019 af skipulagsfulltrúa Reykjavíkur og lokið var við fyllinguna síðsumars 2020. Engin opinber umræða átti sér stað í tengslum við leyfisveitinguna og þrátt fyrir að heildarstærð landfyllingarinnar myndi verða 4 ha utan í Laugarnesi var komist hjá umhverfismati af hálfu Skipulagsstofnunar. Breytingin komst í gegn eftir krókaleiðum sem breyting á Aðalskipulagi Reykjavíkur. Nú, rúmum fimm árum síðar, á að fara að skipulagslögum, áður en hafist verður handa við að sturta grjóti í seinni helming landfyllingarinnar. Breyting á deiliskipulagi Klettasvæðis var auglýst 11. júlí 2024. Og þið, sem þetta lesið, tókuð ekki eftir auglýsingunni í miðju sumarfríi, eða föttuðuð ekki að smálenging á götu inni í Sundahöfn sem heitir Klettagarðar, snerist í raun um framtíð Laugarness og Laugarnesstanga og aldalanga tengingu svæðisins við Viðey, drottningu eyjanna á Kollafirði. Krúnudjásn Reykjavíkur. Slagurinn stendur um Viðey Slagurinn stendur sem sé um Viðey, þótt fáir geri sér grein fyrir því. Ekki um eignarhaldið, Viðey er hluti af Reykjavík, ekki um það hvort fólk geti siglt þangað með ferju stöku sinnum eður ei. Nei, slagurinn stendur um það hvort hagaðilinn almenningur geti áfram séð út til Viðeyjar frá norðurströnd Reykjavíkur að Laugarnesi meðtöldu, þ.e.a.s. til hjartastaðarins þar sem elsta steinhús á Íslandi stendur, Viðeyjarstofa. Hún var byggð 1753-55 og skömmu síðar reis kirkjan við hennar hlið. Þessar systurbyggingar mörkuðu tímamót í íslenskri byggingasögu, þær urðu fyrirmyndir annarra bygginga úr höggnum steini, Nesstofu, Bessastaðastofu, Hóladómkirkju. Viðeyjarstofa varð fyrsta stjórnsýslubygging Reykjavíkur, embættisbústaður Skúla Magnússonar landfógeta, sem síðar var kallaður faðir Reykjavíkur. Hann var maðurinn á bak við fyrstu iðnfyrirtæki sem sett voru á fót á Íslandi, Innréttingarnar, sem risu þar sem nú er Aðalstræti. Skúli og Innréttingarnar eru tákn um framfarahyggju Upplýsingarinnar og fyrstu skref Íslands inn í nútímann. Klettagarðar, eitrað peð Og nú ætlar nútíminn að gefa skít í Skúla og Viðeyjarstofu og reisa skrifstofubyggingar á fyrrgreindri 4 hektara landfyllingu, Klettagörðum 16 og 18, andspænis Viðey norður af Laugarnesi. Húsin munu verða eins og múrveggur í sjónlínunni milli lands og eyjar. Borgarskipulag Reykjavíkur hefur fengið það sorglega hlutverk að búa í haginn fyrir hervirkið og gerir það með fyrrnefndri breytingu á deiliskipulagi Klettasvæðis. Í greinargerð með tillögunni er ekki minnst einu orði á Viðey eða Laugarnestanga, sem landfyllingin liggur upp við, þótt þar verði áhrifin mest og hörmulegust! Það er eins og Berlínarmúrinn hafi á sínum tíma ekkert haft með Berlín að gera! Almenningur varð og verður því sjálfur að átta sig á að Klettagarðar 16 og 18 eru eitrað peð. Það er ekki bara verið að lengja einhverja götu inni í Sundahöfn, það er verið að vega að einum mikilvægasta stað í sögu Reykjavíkur, Laugarnesi og Laugarnestanga. Og þetta er gert þrátt fyrir að svæðið njóti hverfisverndar og um það sé í gildi verndaráætlun milli Reykjavíkurborgar og Minjastofnunar Íslands frá 25. ágúst 2016. Verndaráætlunin er mikið plagg, undirritað af þáverandi borgarstjóra, Degi B. Eggertssyni og Kristínu Huld Sigurðardóttur, þáverandi forstöðumanni Minjastofnunar. Þar eru lykilsetningar þessar: “Náttúrufarið á Laugarnestanga gerir svæðið einstakt í Reykjavík þar sem hægt er að horfa yfir nesið og út í Viðey án truflunar mannvirkja nútímans. Mikilvægt er að halda í þetta merkilega menningarlandslag, samspil náttúru og minja, sem hvergi er að finna annars staðar í Reykjavík.“ Hagaðilinn almenningur Þeir á skipulagssviði Reykjavíkurborgar þekkja þennan texta vel og er því fullkunnugt um þær alvarlegu afleiðingar sem viðbótarlandfyllingin og nýju byggingarlóðirnar við Klettagarða hafa fyrir aldalöng tengslin milli Laugarness og Viðeyjar. Í plaggi dagsettu 5. apríl 2019, sem varðar útgáfu framkvæmdaleyfis fyrir fyrri hluta landfyllingarinnar, er ítrekað vitnað til fyrrnefndrar Verndaráætlunar og mikilvægis þess að halda í útsýni út á sundin og til Viðeyjar án truflunar frá mannvirkjum nútímans. Hjá umhverfis- og skipulagssviði Reykjavíkurborgar er sem sagt unnið gegn betri vitund og ekki minnst einu orði á þær alvarlegu afleiðingar sem breyting á deiliskipulagi Klettasvæðis hefur í för með sér fyrir mennigarminjarnar og landslagið í borginni. Ef opinberar stofnanir okkar reynast ekki þeim vanda vaxnar að verja það sem þeim er falið að verja fyrir ágangi „hagaðila“ hverju sinni, þá verður „hagaðilinn almenningur“ að láta í sér heyra og til sín taka. Látum ekki blekkjast af deiliskipulagstillögu við Klettagarða. Horfum til Viðeyjar! Höfundur er rithöfundur.
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar
Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar
Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar
Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar
Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar
Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar
Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar
Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun