Erfitt að fylgja þræði í hugmyndum borgarfulltrúans Ólafur Björn Sverrisson skrifar 28. ágúst 2024 14:31 Davíð svarar vangaveltum Ragnhildar Öldu í viðtali á Vísi. vísir Framkvæmdastjóri Betri samgangna segir leiðinlegt að Borgarlínuframkvæmdir séu ekki komnar lengra en með nýjum samgöngusáttmála verði farið á fullt. Hann botnar lítið í hugmyndum borgarfulltrúa Sjálfstæðisflokksins sem ýmist stingur upp á fimmfalt dýrari lausn eða ódýrari. Ragnhildur Alda María Vilhjálmsdóttir borgarfulltrúi Sjálfstæðisflokksins sagði í viðtali á Bylgjunni í gær að miðað við áætlaðan kostnað við Borgarlínu hefði verið hægt að skoða neðanjarðarlest á höfuðborgarsvæðinu frekar en Borgarlínu. Vísir bar ummæli Ragnhildar Öldu undir Davíð Þorláksson framkvæmdastjóra Betri samgangna, fyrirtækis sem sett var á laggirnar til að annast samgönguframkvæmdir sáttmálans. „Þegar svæðisskipulag höfuðborgarsvæðisins var gert árið 2015 voru ýmsir möguleikar skoðaðir. Þá var tekin ákvörðun um að fara í Borgarlínu, hraðvagnakerfi á sérakreinum. Auðvitað fylgjumst við með því hvernig hlutirnir þróast, hvað tækni varðar, en á þessu stigi er engin ástæða til þess að breyta út af þessum plönum núna.“ Þumalputtaregla sé að hver kílómeter af neðanjarðarlest kosti um fimm sinnum meira en borgarlínukerfi. „Það er því alveg ljóst að það er enginn grundvöllur fyrir því að fara í neðanjarðarlestakerfi í Reykjavík. Það væri fimm sinnum dýrara að minnsta kosti, fyrir utan það að það tæki lengri tíma. Síðan eru þjónustugæðin að mörgu leyti lakari þar sem það þarf að labba lengra til að finna næstu stöð, þar sem það væru færri og dýrari stöðvar.“ Hann ítrekar að níu ár séu liðin frá því að ákveðið hafi verið að hefja Borgarlínuverkefnið. „Það er í raun bara leiðinlegt að við séum ekki komin lengra með verkefnið.“ „Nú förum við á fullt“ Uppfærður samgöngusáttmáli var kynntur fyrr í mánuðinum. Þar voru óbreytt Borgarlínuáform en áætlun framlengd til ársins 2040. Kostnaður við sáttmálann í heild er 311 milljarðar króna. „Það er því búið að endurnýja verkefnið með uppfærðum sáttmála og nú bara förum við á fullt og bjóðum út fyllingar vegna Fossvogsbrúarinnar, sem er svona fyrsta stóra Borgarlínuframkvæmdin.“ Kostnaðurinn við framkvæmdirnar sé réttlætanlegur. „Alveg klárlega. Það var gerð arðsemisgreining á þessum nýju kostnaðartölum sáttmálans sem sýnir að fyrir hverja krónu sem fjárfest er í sáttmálanum, koma þrjár og hálf króna til baka. Kostnaðartölur hafa aukist, bæði hefur verðlag hækkað mikið en svo voru framkvæmdir stutt á veg komnar en núna höfum við áreiðanlegri tölur en árið 2019.“ Umrædda arðsemisgreiningu má nálgast í kafla fjögur í uppfærðum sáttmála. Erfitt að fylgja þræði Ragnhildur Alda nefndi fleiri möguleika líkt og „létta borgarlínu“ sem væri ódýrari og til hliðar við aðra umferð, ekki í miðjunni. „Annars vegar er verið að tala um að fara í fimm sinnum dýrari lausnir og hins vegar að fara í ódýrari lausn, þannig það getur verið erfitt að fylgja þræði í þessu,“ segir Davíð og heldur áfram: „Sveitarfélögin á höfuðborgarsvæðinu óskuðu eftir umsögn um þennan kost og við fórum vel yfir þetta. Umsögn okkar útskýrir vel hvers vegna létta borgarlínan gengur ekki. Hún snýst um að gera fleiri sérakreinar fyrir Strætó í kanti, sem búið er að gera í dag og hefur skilað takmörkuðum árangri. Það breytir því ekki að víða er Strætó bara víða fastur með umferðinni. Það er lykilatriði að fá sérrými fyrir borgarlínuna, til þess að það sé kostur að nota Borgarlínuna gagnvart bílnum.“ Umsögnina sem Davíð vísar til má nálgast hér. Samgöngur Reykjavík Borgarlína Borgarstjórn Sjálfstæðisflokkurinn Mest lesið Íslenskur morðingi í Bandaríkjunum: „Gerðu það pabbi, ekki gleyma mér“ Innlent Tók málin í eigin hendur og opnar dagforeldravef Innlent Fundu mögulega eitt af 67 fórnarlömbum hálfri öld síðar Erlent Átökin ná nýjum hæðum Erlent Blasi illa við að það eigi að troða áformunum í gegnum kerfið Innlent Kínverskir verktakar fá ekki að bora skipagöng í Noregi Erlent Hópsmit á Mánagarði ein „alvarlegasta uppákoma af þessu tagi“ Innlent Samningurinn nauðsynlegur og ekkert athugavert við hann Innlent Þjófar réðust á starfsmann verslunar Innlent Sérstakur saksóknari gerði samning við PPP Innlent Fleiri fréttir Lengstu fyrstu umræðu í sögu Alþingis lokið Fundu, lögðu hald á og drápu snáka Efnahags- og viðskiptanefnd taki fyrir „tvöföldun á skatti“ Samningurinn nauðsynlegur og ekkert athugavert við hann Samningur saksóknara, þras á Alþingi og bakgarðshlaup í blíðunni Lögreglan á Suðurlandi rannsakar gagnastuldinn Tók málin í eigin hendur og opnar dagforeldravef Skjálfti upp á 3,1 við Herðubreið Sérstakur saksóknari gerði samning við PPP Íslenskur morðingi í Bandaríkjunum: „Gerðu það pabbi, ekki gleyma mér“ Þjófar réðust á starfsmann verslunar Blasi illa við að það eigi að troða áformunum í gegnum kerfið Metfjöldi sjálfsvígssímtala og hætt við þjónustuskerðingu Hópsmit á Mánagarði ein „alvarlegasta uppákoma af þessu tagi“ Ökumaðurinn hefur gefið sig fram Gagnaþjófnaður til rannsóknar á þremur stöðum Íbúasamtök vilja láta endurskoða rafrænt eftirlit Bílastæðasjóðs Víðfeðm rannsókn, baunað á skólaþorp á bílastæði og stórvirki Mál Margrétar fyrir opnum tjöldum Útilokað að þeir hafi ekki vitað af efnunum og fá þunga dóma „Enn sem er komið er staðan óbreytt og orð Sönnu ósönn“ Munu geta aðgreint fanga eftir alvarleika brota í nýju fangelsi Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Ólafur Þór segir ekki tilefni til afsagnar Túnin aftur rennandi blaut en spáð hlýindum í næstu viku Framkvæmdir á hólmanum í fullum gangi Þingmenn slá Íslandsmet Krefst svara frá MAST vegna eftirlits með blóðmerum Kristrún ræddi við Trump og Selenskíj á fundi JEF-ríkja Jákvæður tónn í Norðurþingi um samstarf við Carbfix Sjá meira
Ragnhildur Alda María Vilhjálmsdóttir borgarfulltrúi Sjálfstæðisflokksins sagði í viðtali á Bylgjunni í gær að miðað við áætlaðan kostnað við Borgarlínu hefði verið hægt að skoða neðanjarðarlest á höfuðborgarsvæðinu frekar en Borgarlínu. Vísir bar ummæli Ragnhildar Öldu undir Davíð Þorláksson framkvæmdastjóra Betri samgangna, fyrirtækis sem sett var á laggirnar til að annast samgönguframkvæmdir sáttmálans. „Þegar svæðisskipulag höfuðborgarsvæðisins var gert árið 2015 voru ýmsir möguleikar skoðaðir. Þá var tekin ákvörðun um að fara í Borgarlínu, hraðvagnakerfi á sérakreinum. Auðvitað fylgjumst við með því hvernig hlutirnir þróast, hvað tækni varðar, en á þessu stigi er engin ástæða til þess að breyta út af þessum plönum núna.“ Þumalputtaregla sé að hver kílómeter af neðanjarðarlest kosti um fimm sinnum meira en borgarlínukerfi. „Það er því alveg ljóst að það er enginn grundvöllur fyrir því að fara í neðanjarðarlestakerfi í Reykjavík. Það væri fimm sinnum dýrara að minnsta kosti, fyrir utan það að það tæki lengri tíma. Síðan eru þjónustugæðin að mörgu leyti lakari þar sem það þarf að labba lengra til að finna næstu stöð, þar sem það væru færri og dýrari stöðvar.“ Hann ítrekar að níu ár séu liðin frá því að ákveðið hafi verið að hefja Borgarlínuverkefnið. „Það er í raun bara leiðinlegt að við séum ekki komin lengra með verkefnið.“ „Nú förum við á fullt“ Uppfærður samgöngusáttmáli var kynntur fyrr í mánuðinum. Þar voru óbreytt Borgarlínuáform en áætlun framlengd til ársins 2040. Kostnaður við sáttmálann í heild er 311 milljarðar króna. „Það er því búið að endurnýja verkefnið með uppfærðum sáttmála og nú bara förum við á fullt og bjóðum út fyllingar vegna Fossvogsbrúarinnar, sem er svona fyrsta stóra Borgarlínuframkvæmdin.“ Kostnaðurinn við framkvæmdirnar sé réttlætanlegur. „Alveg klárlega. Það var gerð arðsemisgreining á þessum nýju kostnaðartölum sáttmálans sem sýnir að fyrir hverja krónu sem fjárfest er í sáttmálanum, koma þrjár og hálf króna til baka. Kostnaðartölur hafa aukist, bæði hefur verðlag hækkað mikið en svo voru framkvæmdir stutt á veg komnar en núna höfum við áreiðanlegri tölur en árið 2019.“ Umrædda arðsemisgreiningu má nálgast í kafla fjögur í uppfærðum sáttmála. Erfitt að fylgja þræði Ragnhildur Alda nefndi fleiri möguleika líkt og „létta borgarlínu“ sem væri ódýrari og til hliðar við aðra umferð, ekki í miðjunni. „Annars vegar er verið að tala um að fara í fimm sinnum dýrari lausnir og hins vegar að fara í ódýrari lausn, þannig það getur verið erfitt að fylgja þræði í þessu,“ segir Davíð og heldur áfram: „Sveitarfélögin á höfuðborgarsvæðinu óskuðu eftir umsögn um þennan kost og við fórum vel yfir þetta. Umsögn okkar útskýrir vel hvers vegna létta borgarlínan gengur ekki. Hún snýst um að gera fleiri sérakreinar fyrir Strætó í kanti, sem búið er að gera í dag og hefur skilað takmörkuðum árangri. Það breytir því ekki að víða er Strætó bara víða fastur með umferðinni. Það er lykilatriði að fá sérrými fyrir borgarlínuna, til þess að það sé kostur að nota Borgarlínuna gagnvart bílnum.“ Umsögnina sem Davíð vísar til má nálgast hér.
Samgöngur Reykjavík Borgarlína Borgarstjórn Sjálfstæðisflokkurinn Mest lesið Íslenskur morðingi í Bandaríkjunum: „Gerðu það pabbi, ekki gleyma mér“ Innlent Tók málin í eigin hendur og opnar dagforeldravef Innlent Fundu mögulega eitt af 67 fórnarlömbum hálfri öld síðar Erlent Átökin ná nýjum hæðum Erlent Blasi illa við að það eigi að troða áformunum í gegnum kerfið Innlent Kínverskir verktakar fá ekki að bora skipagöng í Noregi Erlent Hópsmit á Mánagarði ein „alvarlegasta uppákoma af þessu tagi“ Innlent Samningurinn nauðsynlegur og ekkert athugavert við hann Innlent Þjófar réðust á starfsmann verslunar Innlent Sérstakur saksóknari gerði samning við PPP Innlent Fleiri fréttir Lengstu fyrstu umræðu í sögu Alþingis lokið Fundu, lögðu hald á og drápu snáka Efnahags- og viðskiptanefnd taki fyrir „tvöföldun á skatti“ Samningurinn nauðsynlegur og ekkert athugavert við hann Samningur saksóknara, þras á Alþingi og bakgarðshlaup í blíðunni Lögreglan á Suðurlandi rannsakar gagnastuldinn Tók málin í eigin hendur og opnar dagforeldravef Skjálfti upp á 3,1 við Herðubreið Sérstakur saksóknari gerði samning við PPP Íslenskur morðingi í Bandaríkjunum: „Gerðu það pabbi, ekki gleyma mér“ Þjófar réðust á starfsmann verslunar Blasi illa við að það eigi að troða áformunum í gegnum kerfið Metfjöldi sjálfsvígssímtala og hætt við þjónustuskerðingu Hópsmit á Mánagarði ein „alvarlegasta uppákoma af þessu tagi“ Ökumaðurinn hefur gefið sig fram Gagnaþjófnaður til rannsóknar á þremur stöðum Íbúasamtök vilja láta endurskoða rafrænt eftirlit Bílastæðasjóðs Víðfeðm rannsókn, baunað á skólaþorp á bílastæði og stórvirki Mál Margrétar fyrir opnum tjöldum Útilokað að þeir hafi ekki vitað af efnunum og fá þunga dóma „Enn sem er komið er staðan óbreytt og orð Sönnu ósönn“ Munu geta aðgreint fanga eftir alvarleika brota í nýju fangelsi Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Ólafur Þór segir ekki tilefni til afsagnar Túnin aftur rennandi blaut en spáð hlýindum í næstu viku Framkvæmdir á hólmanum í fullum gangi Þingmenn slá Íslandsmet Krefst svara frá MAST vegna eftirlits með blóðmerum Kristrún ræddi við Trump og Selenskíj á fundi JEF-ríkja Jákvæður tónn í Norðurþingi um samstarf við Carbfix Sjá meira