Osta­boxið frá Ea­syCheese hefur slegið í gegn

Það eru ung og atorkusöm hjón, Brynjar Guðlaugsson læknir og Katrín Ósk Sigurfinns­dótt­ir viðskipta­fræðing­ur, sem reka vefverslunina EasyCheese.is sem fór í loftið í lok árs 2022. „Við rekum bæði EasyCheese.is og Binkat.is en þessar vefverslanir bjóða upp á gott úrval ostatengdra gæðavara og búsáhalda í fremstu röð,“ segir Brynjar.

Þrátt fyrir mikið úrval gæðavara er þó flaggskipið ostaboxið EasyCheese sem, eins og fyrr segir, hefur selst í rúmlega 20.000 eintökum á skömmum tíma. „Sem er auðvitað ótrúlegur árangur,“ bætir Katrín Ósk við. „Ostaboxið er hannað og framleitt í Noregi en um er að ræða skemmtilega hannað box með hreyfanlegum botni. Fyrir vikið helst osturinn lengur ferskur, hann nýtist betur og ekki þarf að nota einnota plastpoka eins og áður sem gerir ostinn oft rakan og leiðinlegan viðkomu.“

EasyCheese ostaboxið kemur ferkantað í þremur litum, svart, hvítt og gult og fæst auk þess hvítt og hringlaga. „Ostar sem eru allt að 1 kg passa í ferkantaða boxið. Ef osturinn er þyngri er ekkert mál að skera nokkrar sneiðar af honum svo hann passi. Hringlaga ostar, eins og t.d. Havarti, passa svo vel í hringlaga boxið. Það má setja ostaboxið í uppþvottavél og mælum við með að setja það í efri grind vélarinnar.”

Afhending tekur um 1-3 virka daga með Dropp og Eimskip. Auk þess fæst ostaboxið t.d. í Byggt og búið, Líf og list og Dúka auk fleiri verslana.

Fjöldi spennandi vara fyrir jólapakkann og önnur tilefni

Inn á EasyCheese.is má síðan finna fjölda ostatengdra gæða vara í miklu úrvali á borð við ostaskera, osta- og smurhnífa, brauðristapoka og fjölda annarra vara.

Meðal vinsælustu vara EasyCheese.is utan ostaboxins eru þó ostabakarinn, pizzahnífurinn, snúnings ostarifjárnið og partý turninn.

„Ostabakarinn frá Boska hefur notið mikilla vinsælda frá því við hófum að bjóða upp á hann,“ segir Katrín Ósk. „Hann er bæði einfaldur í notkun og einstaklega huggulegur. Lögun hans er sérstaklega hentug fyrir osta á borð við Camembert og skylda osta. Ostabakarinn er mjög vinsæll í saumaklúbba, afmæli og alls kyns mannfögnuði en bakaður ostur hentar jafnt sem forréttur eða eftirréttur og slær alltaf í gegn.”

Ostabakarinn er úr keramik og með honum fylgir standur úr steypujárni, kerti og uppskriftir. „Fyrst þarf að hita pottinn í ofni en eftir það viðheldur kertið hitanum meðan notið er. Að máltíð lokinn má setja hann í uppþvottavél.“

Pizzahnífurinn náði einnig fljótt miklum vinsældum og hefur ítrekað selst upp að sögn Brynjars. „Nú höfum við fengið nýja sendingu en reyndar í takmörkuðu magni svo það er betra að bregðast skjótt við. Pizzahnífurinn er frábært áhald en helsti kostur hans er sá að þú ýtir ekki álegginu áfram eins og oft gerist með öðrum sambærilegum áhöldum. Hann er því afar þægilegur í notkun og það tekur enga stund að skera pizzuna.“

Snúnings ostarifjárnið er einstaklega þægilegt í notkun og fullkomið fyrir Parmesan ostinn sem nýtist enn betur fyrir vikið. „Eina sem þarf að gera er að koma ostbitanum fyrir í rifjárninu. Svo er handfanginu snúið og ilmandi osturinn stráist yfir matinn. Þetta gæti ekki verið einfaldara,“ segir Brynjar.

Vinsæli Partý turninn hefur ítrekað selst upp hjá versluninni. „Þetta er einstaklega fallegur þriggja hæða turn sem er 33,5 cm á hæð og er neðsta hæðin 30 cm á breidd,“ segir Katrín Ósk. „Handfangið er úr eik og þar leynist líka hólf til að geyma tannstöngla og pinna. Hæðirnar eru úr steini og því er hægt að skrifa á þá nafn veitinga með krít. Botninn á turninum er svokallaður „non-slip“ og rennur því ekki til á borðinu. Það er svo sannarlega auðvelt að slá upp skemmtilegri og fallegri veislu með þessum turni.“

Þessa dagana er boðið upp á magnafslátt af ostaboxum og ostatengdum vörum fyrir jólin. Ef keyptar eru 4-7 vörur fæst 15% afsláttur. Ef keyptar eru 8 eða fleiri vörur er boðið upp á 20% afslátt.

Kynntu þér vöruúrvalið á EasyCheese.is og binkat.is.