Gervigreindin heillar Ólaf Ragnar upp úr skónum

„Stundum birti ég eitthvað sem er alveg ótrúlegt! Njótið!“ skrifar Ólafur.

Myndbandið sem um ræðir er búið til með hjálp gervigreindar. Í því má sjá konur sem virðast taka þátt í hæfileikasjónvarpsþættinum vinsæla America's Got Talent. 

Þær umbreytast í hin ýmsu dýr, líkt og górillu, sebrahest, og tígrisdýr, á örskotsstundu. Á meðan taka áhorfendur og dómarar þáttarins andköf.

Þetta er annað tíst Ólafs Ragnars sem vekur athygli á skömmum tíma. Í október birti hann myndband af sér og Dorrit Moussaieff við strendur Abu Dhabi í Sameinuðu arabísku furstadæmunum. 

Þar sást Ólafur á einhvers konar sæþotu, en Dorrit á sjóbretti.