Aðkoman vægast sagt ekki fögur Kolbeinn Tumi Daðason skrifar 10. febrúar 2025 10:16 Alfreð Erling er talinn hafa banað hjónum á áttræðisaldri í Neskaupstað í ágúst síðastliðnum. Vísir/Vilhelm Lögreglukona sem stóð vaktina í Neskaupstað þann 22. ágúst þegar útkall barst að Strandgötu í bænum segir litinn á blóðinu baðherbergisgólfinu hafa bent til þess að blóðið var ekki nýtt. Nokkur tími hefði liðið frá því atburðirnir hefðu átt sér stað. Aðalmeðferðin í máli Alfreðs Erlings Þórðarsonar hófst í Héraðsdómi Reykjavíkur á tíunda tímanum. Alfreð Erling, 46 ára Norðfirðingur, er ákærður fyrir að verða hjónum á áttræðisaldri sem hann þekkti til að bana á heimili þeirra í Neskaupstað í ágúst í fyrrasumar. Talið er að hann hafi verið í geðrofi, notað hamar og slegið fólkið endurtekið í höfuðið með verkfærinu með fyrrnefndum afleiðingum. Alfreð kaus við upphaf aðalmeðferðar í morgun að tjá sig ekkert frekar um málið. Hann vísaði til fyrri skýrslutöku hjá lögreglu. Lögreglukona í Neskaupstað sem stóð vaktina umræddan dag lýsti því fyrir dómi í morgun þegar henni bárust SMS-skilaboð um sjúkrabílaútkall að Strandgötu. Þar hafi fyrst verið talað um veikindi og lögregla beðin um að fara á vettvang. Útkallið hafi verið nokkuð óljóst. „Það var allt mjög óljóst. Svo á leiðinni kemur í ljós að tvennt er látið innandyra og það er talað um mikið blóð. Það eru upplýsingarnar þegar ég kem á staðinn,“ sagði lögreglukonan. Á vettvangi voru tveir sjúkraflutningamenn og tilkynnandi, íbúi í bænum. „Þeir voru augljóslega í uppnámi. Sjúkraflutningamennirnir segja mér strax að þau (innsk: hjónin sem bjuggu í húsinu) séu greinilega látin og ekki sé vitað hvort fleiri séu inni,“ sagði lögreglukonan. Getgátur hafi verið uppi vegna mikils magns blóðs að skotvopn hafi verið notað. Hún hafi óskað eftir heimild til að vopnast og farið inn. Blóðslettur hafi verið áberandi strax í forstofu og svo á gólfi inni í stofu. Fólkið hafi legið látið inni á gólfi baðherbergisins. Liturinn á blóðinu hafi verið dökkur sem hafi gefið til kynna að nokkuð hafi verið liðið frá atburðum. Tilkynnandi hefði talað um það strax á vettvangi að sést hefði til Alfreðs við húsið kvöldið áður. Þá væri ljóst að bíll hjónanna væri horfinn. Því hafi strax verið ákveðið að leita að bílnum. Hún sagðist hafa skilið pælingar tilkynnanda og sjúkraflutningsmanna að um skotvopn hefði verið notað við gjörninginn. Blóðmagnið hafi verið slíkt. Undir þetta tók sérsveitarlögreglumaður sem bar vitni og lýsti aðkomu sinni nokkrum klukkustundum síðar. Blóðslettur hefðu verið uppi um alla veggi á neðri hæð hússins og aðkoman vægast sagt ekki fögur. Sérsveitarlögreglumaðurinn, sem ók frá Akureyri um leið og útkallið barst ásamt öðrum lögreglumanni og þeim þriðja sem var sóttur á Egilsstaði, sagði ekkert hafa verið að sjá á efri hæð hússins. Á neðri hæðinni hefðu verið mikil ummerki og lögreglumennirnir hefðu gætt sín á að stíga ekki á blóðpolla eða önnur sönnunargögn í málinu í húsinu. Hann skildi vel hugmyndir um að skotvopn hefði verið notað við árásina. Þegar hann kom inn á baðherbergi, þar sem hjónin lágu látin, áttaði hann sig á því að svo hefði ekki verið. Þegar sérsveitarmennirnir komu á vettvang var þegar búið að handtaka Alfreð á bíl hjónanna í Reykjavík. Hann hafði þá ekið þangað frá Neskaupstað um nóttina. Dagskráin í Héraðsdómi Reykjavíkur hefur riðlast nokkuð vegna þess að Alfreð ákvað að svara ekki spurningum í morgun. Þeim vitnisburði hafði verið gefinn nokkur tími og fyrir vikið reyna saksóknari og starfsfólk dómstólsins að fá vitni í málinu til að mæta fyrr í dómsal eða gefa vitnisburð með fjarfundarbúnaði svo aðalmeðferðin geti haldið áfram án langs hlés. Rannsókn á andláti hjóna í Neskaupstað Dómsmál Fjarðabyggð Tengdar fréttir Grunaður morðingi vildi engu bæta við fyrri framburð Alfreð Erling Þórðarson sem sakaður er um að hafa banað eldri hjónum í Neskaupstað í ágúst í fyrra óskaði eftir því að tjá sig ekkert við aðalmeðferð málsins í Héraðsdómi Reykjavíkur í morgun. Hann vísaði til fyrri skýrslugjafar sinnar hjá lögreglu. 10. febrúar 2025 09:37 Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Stefna Open AI vegna sjálfsvígs sonarins Erlent Kynna drög að nýrri stefnu í heilbrigðismálum Innlent Til skoðunar að flytja Sjálfstæðisflokkinn úr Valhöll Innlent Raðsundlaugarkúkari gengur laus í Oulu Erlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentínskri fasteignaauglýsingu Erlent Vilja halda leiðbeinandanum áfram bak við lás og slá Innlent Kallar bandarískan erindreka á teppið vegna Grænlandsmála Erlent Fleiri fréttir Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum Sjá meira
Aðalmeðferðin í máli Alfreðs Erlings Þórðarsonar hófst í Héraðsdómi Reykjavíkur á tíunda tímanum. Alfreð Erling, 46 ára Norðfirðingur, er ákærður fyrir að verða hjónum á áttræðisaldri sem hann þekkti til að bana á heimili þeirra í Neskaupstað í ágúst í fyrrasumar. Talið er að hann hafi verið í geðrofi, notað hamar og slegið fólkið endurtekið í höfuðið með verkfærinu með fyrrnefndum afleiðingum. Alfreð kaus við upphaf aðalmeðferðar í morgun að tjá sig ekkert frekar um málið. Hann vísaði til fyrri skýrslutöku hjá lögreglu. Lögreglukona í Neskaupstað sem stóð vaktina umræddan dag lýsti því fyrir dómi í morgun þegar henni bárust SMS-skilaboð um sjúkrabílaútkall að Strandgötu. Þar hafi fyrst verið talað um veikindi og lögregla beðin um að fara á vettvang. Útkallið hafi verið nokkuð óljóst. „Það var allt mjög óljóst. Svo á leiðinni kemur í ljós að tvennt er látið innandyra og það er talað um mikið blóð. Það eru upplýsingarnar þegar ég kem á staðinn,“ sagði lögreglukonan. Á vettvangi voru tveir sjúkraflutningamenn og tilkynnandi, íbúi í bænum. „Þeir voru augljóslega í uppnámi. Sjúkraflutningamennirnir segja mér strax að þau (innsk: hjónin sem bjuggu í húsinu) séu greinilega látin og ekki sé vitað hvort fleiri séu inni,“ sagði lögreglukonan. Getgátur hafi verið uppi vegna mikils magns blóðs að skotvopn hafi verið notað. Hún hafi óskað eftir heimild til að vopnast og farið inn. Blóðslettur hafi verið áberandi strax í forstofu og svo á gólfi inni í stofu. Fólkið hafi legið látið inni á gólfi baðherbergisins. Liturinn á blóðinu hafi verið dökkur sem hafi gefið til kynna að nokkuð hafi verið liðið frá atburðum. Tilkynnandi hefði talað um það strax á vettvangi að sést hefði til Alfreðs við húsið kvöldið áður. Þá væri ljóst að bíll hjónanna væri horfinn. Því hafi strax verið ákveðið að leita að bílnum. Hún sagðist hafa skilið pælingar tilkynnanda og sjúkraflutningsmanna að um skotvopn hefði verið notað við gjörninginn. Blóðmagnið hafi verið slíkt. Undir þetta tók sérsveitarlögreglumaður sem bar vitni og lýsti aðkomu sinni nokkrum klukkustundum síðar. Blóðslettur hefðu verið uppi um alla veggi á neðri hæð hússins og aðkoman vægast sagt ekki fögur. Sérsveitarlögreglumaðurinn, sem ók frá Akureyri um leið og útkallið barst ásamt öðrum lögreglumanni og þeim þriðja sem var sóttur á Egilsstaði, sagði ekkert hafa verið að sjá á efri hæð hússins. Á neðri hæðinni hefðu verið mikil ummerki og lögreglumennirnir hefðu gætt sín á að stíga ekki á blóðpolla eða önnur sönnunargögn í málinu í húsinu. Hann skildi vel hugmyndir um að skotvopn hefði verið notað við árásina. Þegar hann kom inn á baðherbergi, þar sem hjónin lágu látin, áttaði hann sig á því að svo hefði ekki verið. Þegar sérsveitarmennirnir komu á vettvang var þegar búið að handtaka Alfreð á bíl hjónanna í Reykjavík. Hann hafði þá ekið þangað frá Neskaupstað um nóttina. Dagskráin í Héraðsdómi Reykjavíkur hefur riðlast nokkuð vegna þess að Alfreð ákvað að svara ekki spurningum í morgun. Þeim vitnisburði hafði verið gefinn nokkur tími og fyrir vikið reyna saksóknari og starfsfólk dómstólsins að fá vitni í málinu til að mæta fyrr í dómsal eða gefa vitnisburð með fjarfundarbúnaði svo aðalmeðferðin geti haldið áfram án langs hlés.
Rannsókn á andláti hjóna í Neskaupstað Dómsmál Fjarðabyggð Tengdar fréttir Grunaður morðingi vildi engu bæta við fyrri framburð Alfreð Erling Þórðarson sem sakaður er um að hafa banað eldri hjónum í Neskaupstað í ágúst í fyrra óskaði eftir því að tjá sig ekkert við aðalmeðferð málsins í Héraðsdómi Reykjavíkur í morgun. Hann vísaði til fyrri skýrslugjafar sinnar hjá lögreglu. 10. febrúar 2025 09:37 Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Stefna Open AI vegna sjálfsvígs sonarins Erlent Kynna drög að nýrri stefnu í heilbrigðismálum Innlent Til skoðunar að flytja Sjálfstæðisflokkinn úr Valhöll Innlent Raðsundlaugarkúkari gengur laus í Oulu Erlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentínskri fasteignaauglýsingu Erlent Vilja halda leiðbeinandanum áfram bak við lás og slá Innlent Kallar bandarískan erindreka á teppið vegna Grænlandsmála Erlent Fleiri fréttir Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum Sjá meira
Grunaður morðingi vildi engu bæta við fyrri framburð Alfreð Erling Þórðarson sem sakaður er um að hafa banað eldri hjónum í Neskaupstað í ágúst í fyrra óskaði eftir því að tjá sig ekkert við aðalmeðferð málsins í Héraðsdómi Reykjavíkur í morgun. Hann vísaði til fyrri skýrslugjafar sinnar hjá lögreglu. 10. febrúar 2025 09:37