Gulli hafi loksins unnið formannsslag Kolbeinn Tumi Daðason skrifar 3. mars 2025 12:19 Guðlaugur Þór á landsfundinum ásamt eiginkonu sinni Ágústu Johnson og Áslaugu Friðriksdóttur, fyrrverandi aðstoðarmanni Bjarna Benediktssonar. vísir/Vilhelm Össur Skarphéðinsson, fyrrverandi utanríkisráðherra Samfylkingarinnar, segir eindregin stuðning Guðlaugs Þórs Þórðarsonar og hans hóps við framboð Guðrúnar Hafsteinsdóttur hafa tryggt henni sigur á nýliðnum landsfundi Sjálfstæðisflokksins. Tap Áslaugar Örnu Sigurbjörnsdóttur, sem hafi mislesið salinn í Laugardalshöll, sé um leið tap flokkseigendafélagsins og „hrútakofans“ á Mogganum. Þetta kemur fram í greiningu Össurar á Facebook undir yfirskriftinni „Gulli á bak við tjöldin“ sem vísar til Guðlaugs Þórs. Guðrún hafði betur gegn Áslaugu með aðeins nítján atkvæða mun auk þess sem tveimur atkvæðum munaði á því að endurtaka þyrfti kosninguna. „Flokkseigendafélagið og „hrútakofinn“ á Mogganum töpuðu formannskosningunni í Sjálfstæðisflokknum. Á bak við tjöldin réði eindreginn stuðningur Guðlaugs Þórs við Guðrúnu Hafsteinsdóttur úrslitum,“ segir í færslu Össurar. Stuðningsfólks Guðlaugs Þórs árum saman lagði hönd á plóg og gott betur í kosningabaráttunni. Vísir rýndi í stuðningsmenn frambjóðandanna fyrir helgi. Össur segir Guðlaug hafa fært Guðrúnu meirihluta atkvæða úr Reykjavík, og ekki skirrst við að beita hvaða brögðum sem var til að tryggja að fulltrúar úr hans armi yrðu kosnir á landsfundinn í hverju hverfafélaginu á fætur öðru, „Nóg er að minna á slagsmálin á fundi Heimdallar þar sem erfðaprins Guðlaugs í borginni – maðurinn með sögufræga nafnið, Albert Guðmundsson – keyrði í gegn kosningu á mettíma þar sem samþykktur var listi yfir landsfundarfulltrúa. Yfirgnæfandi meirihluti þeirra var úr stuðningsliði Guðlaugs Þórs og dagskipanin var vitaskuld að kjósa Guðrúnu. Sigur hennar var mjög naumur, aðeins 19 atkvæði, og því deginum ljósara að þau hundruð atkvæða sem Guðlaugur Þór og hans lið færði í kjörkassana réði algerum úrslitum,“ segir Össur. Hann segir flokkinn þó hafa hitt á besta kandídatin í stöðunni. „Guðrún Hafsteinsdóttir virðist miklum kostum búin. Hún er glæsileg og frambærilegur stjórnmálamaður, virkar traustvekjandi og flutti á landsfundinum fyrir sinn hatt (sem vissulega er alltof langt til hægri) ansi góða og persónulega framboðsræðu. Hún þarf þó að vara sig, yfir hverju spori hennar verður vakað, og í óeiginlegri merkingu glitrar víða á rýtinga í ermum.“ Ómenguð og skýrt útfærð hægri stefna Guðrúnar sé líkleg til að laða til flokksins talsverðan hluta þeirra flökkukinda sem runnið hafi yfir á beitarhús Miðflokksins. „Af sömu ástæðum er hins vegar ólíklegt að hún geri stór strandhögg í fylgi Viðreisnar eða flokkum lengra til vinstri. Til þess er hugmyndafræði hennar einfaldlega of langt til hægri.“ Össur vill meina að Áslaug Arna, sem hafði undirbúið framboð sitt leynt og ljóst í lengri tíma, hafi misst niður vísan sigur á lokametrunum. „Hún mislas salinn og hélt að hún væri stödd á fundi í Heimdalli, þar sem klappað er fyrir aulabröndurum, og nóg er að ráðast á andstæðingana. En það hefur holan hljóm að berja á ríkisstjórn, sem ekki er búin að sitja nema örfáar vikur. Það var veikleikamerki að hún virtist með Kristrúnu Frostadóttur á heilanum og nánast skilgreina stefnu sína – það litla sem af henni birtist - út frá henni.“ Össur hefur ekki farið leynt með aðdáun sína á Kristrúnu, forsætisráðherra og formanni Samfylkingarinnar. Þá segir hann Guðlaug Þór líklega aldrei hafa haft eins sterka stöðu í flokknum. Hann er þrálátlega orðaður við framboð í borgarstjórnarkosningum eftir rúmt ár. Össur Skarphéðinsson skrifar reglulega um pólitík á Facebook og hefur ekki síst áhuga á stöðu mála hjá Sjálfstæðisflokknum. „Á sínum tíma urðu fræg ummæli Jónasar frá Hriflu þegar Gunnar Thoroddsen, tengdasonur Ásgeirs forseta beið lægri hlut fyrir Kristjáni Eldjárn í forsetakosningunum 1968. Jónas sagði þá með sínum sérstaka talsmáta: „Hö, hö, það fór þó aldrei svo að Ásgeir tapaði ekki kosningu!“ Þessum orðum má vel snúa yfir á Guðlaug Þór: Það fór þó aldrei svo að hann ynni ekki formannskosningu á landsfundi....“ Guðlaugur Þór bauð fram krafta sína til formanns árið 2022 og þá gegn Bjarna Benediktssyni, sitjandi formanni. Hann fékk tæplega fjörutíu prósent atkvæða og beið lægri hlut. Sjálfstæðisflokkurinn Landsfundur Sjálfstæðisflokksins 2025 Mest lesið Málafjöldi tvöfaldast milli ára: „Hálfur milljarður farinn nú þegar“ Innlent Ekki séð neitt þessu líkt á sínum fjörutíu ára ferli Innlent Minntust þess ekki að hafa brennt tösku fyrir Stefán Blackburn Innlent Málverk stolið af nasistum fannst í argentískri fasteignaauglýsingu Erlent Sakar eftirlitsaðila um að framfylgja ekki leigubílalögum Innlent Segir dóminn áfellisdóm yfir seinagangi lögreglu í kynferðisbrotamálum Innlent Gríðarstór sandstormur olli usla í Arizona Erlent 50 prósenta tollar á indverskar vörur taka gildi í Bandaríkjunum Erlent Játaði Hamraborgarmálið, grunaður í hraðbankamálinu og vitni í Gufunesmálinu Innlent Er við góða líkamlega heilsu en heilinn að „bregðast honum“ Erlent Fleiri fréttir Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Sjá meira
Þetta kemur fram í greiningu Össurar á Facebook undir yfirskriftinni „Gulli á bak við tjöldin“ sem vísar til Guðlaugs Þórs. Guðrún hafði betur gegn Áslaugu með aðeins nítján atkvæða mun auk þess sem tveimur atkvæðum munaði á því að endurtaka þyrfti kosninguna. „Flokkseigendafélagið og „hrútakofinn“ á Mogganum töpuðu formannskosningunni í Sjálfstæðisflokknum. Á bak við tjöldin réði eindreginn stuðningur Guðlaugs Þórs við Guðrúnu Hafsteinsdóttur úrslitum,“ segir í færslu Össurar. Stuðningsfólks Guðlaugs Þórs árum saman lagði hönd á plóg og gott betur í kosningabaráttunni. Vísir rýndi í stuðningsmenn frambjóðandanna fyrir helgi. Össur segir Guðlaug hafa fært Guðrúnu meirihluta atkvæða úr Reykjavík, og ekki skirrst við að beita hvaða brögðum sem var til að tryggja að fulltrúar úr hans armi yrðu kosnir á landsfundinn í hverju hverfafélaginu á fætur öðru, „Nóg er að minna á slagsmálin á fundi Heimdallar þar sem erfðaprins Guðlaugs í borginni – maðurinn með sögufræga nafnið, Albert Guðmundsson – keyrði í gegn kosningu á mettíma þar sem samþykktur var listi yfir landsfundarfulltrúa. Yfirgnæfandi meirihluti þeirra var úr stuðningsliði Guðlaugs Þórs og dagskipanin var vitaskuld að kjósa Guðrúnu. Sigur hennar var mjög naumur, aðeins 19 atkvæði, og því deginum ljósara að þau hundruð atkvæða sem Guðlaugur Þór og hans lið færði í kjörkassana réði algerum úrslitum,“ segir Össur. Hann segir flokkinn þó hafa hitt á besta kandídatin í stöðunni. „Guðrún Hafsteinsdóttir virðist miklum kostum búin. Hún er glæsileg og frambærilegur stjórnmálamaður, virkar traustvekjandi og flutti á landsfundinum fyrir sinn hatt (sem vissulega er alltof langt til hægri) ansi góða og persónulega framboðsræðu. Hún þarf þó að vara sig, yfir hverju spori hennar verður vakað, og í óeiginlegri merkingu glitrar víða á rýtinga í ermum.“ Ómenguð og skýrt útfærð hægri stefna Guðrúnar sé líkleg til að laða til flokksins talsverðan hluta þeirra flökkukinda sem runnið hafi yfir á beitarhús Miðflokksins. „Af sömu ástæðum er hins vegar ólíklegt að hún geri stór strandhögg í fylgi Viðreisnar eða flokkum lengra til vinstri. Til þess er hugmyndafræði hennar einfaldlega of langt til hægri.“ Össur vill meina að Áslaug Arna, sem hafði undirbúið framboð sitt leynt og ljóst í lengri tíma, hafi misst niður vísan sigur á lokametrunum. „Hún mislas salinn og hélt að hún væri stödd á fundi í Heimdalli, þar sem klappað er fyrir aulabröndurum, og nóg er að ráðast á andstæðingana. En það hefur holan hljóm að berja á ríkisstjórn, sem ekki er búin að sitja nema örfáar vikur. Það var veikleikamerki að hún virtist með Kristrúnu Frostadóttur á heilanum og nánast skilgreina stefnu sína – það litla sem af henni birtist - út frá henni.“ Össur hefur ekki farið leynt með aðdáun sína á Kristrúnu, forsætisráðherra og formanni Samfylkingarinnar. Þá segir hann Guðlaug Þór líklega aldrei hafa haft eins sterka stöðu í flokknum. Hann er þrálátlega orðaður við framboð í borgarstjórnarkosningum eftir rúmt ár. Össur Skarphéðinsson skrifar reglulega um pólitík á Facebook og hefur ekki síst áhuga á stöðu mála hjá Sjálfstæðisflokknum. „Á sínum tíma urðu fræg ummæli Jónasar frá Hriflu þegar Gunnar Thoroddsen, tengdasonur Ásgeirs forseta beið lægri hlut fyrir Kristjáni Eldjárn í forsetakosningunum 1968. Jónas sagði þá með sínum sérstaka talsmáta: „Hö, hö, það fór þó aldrei svo að Ásgeir tapaði ekki kosningu!“ Þessum orðum má vel snúa yfir á Guðlaug Þór: Það fór þó aldrei svo að hann ynni ekki formannskosningu á landsfundi....“ Guðlaugur Þór bauð fram krafta sína til formanns árið 2022 og þá gegn Bjarna Benediktssyni, sitjandi formanni. Hann fékk tæplega fjörutíu prósent atkvæða og beið lægri hlut.
Sjálfstæðisflokkurinn Landsfundur Sjálfstæðisflokksins 2025 Mest lesið Málafjöldi tvöfaldast milli ára: „Hálfur milljarður farinn nú þegar“ Innlent Ekki séð neitt þessu líkt á sínum fjörutíu ára ferli Innlent Minntust þess ekki að hafa brennt tösku fyrir Stefán Blackburn Innlent Málverk stolið af nasistum fannst í argentískri fasteignaauglýsingu Erlent Sakar eftirlitsaðila um að framfylgja ekki leigubílalögum Innlent Segir dóminn áfellisdóm yfir seinagangi lögreglu í kynferðisbrotamálum Innlent Gríðarstór sandstormur olli usla í Arizona Erlent 50 prósenta tollar á indverskar vörur taka gildi í Bandaríkjunum Erlent Játaði Hamraborgarmálið, grunaður í hraðbankamálinu og vitni í Gufunesmálinu Innlent Er við góða líkamlega heilsu en heilinn að „bregðast honum“ Erlent Fleiri fréttir Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Sjá meira