Reece James mætti aftur með látum í sigri Eng­lands

England vann 3-0 gegn Lettlandi í undankeppni HM. Reece James mætti aftur í landsliðið og skoraði beint úr aukaspyrnu í fyrri hálfleik, Harry Kane og Eberechi Eze bættu svo við í seinni hálfleik.

Reece James var mættur aftur í byrjunarliðið eftir rúmlega tveggja ára fjarveru og þakkaði traustið kærlega með sínu fyrsta landsliðsmarki, stórkostlegt skot beint úr aukaspyrnu.

Harry Kane tvöfaldaði forystuna um miðjan seinni hálfleik eftir undirbúning Declan Rice.

Eberechi Eze skoraði síðan þriðja mark Englendinga, fór illa með varnarmann og skaut í fjærhornið, alveg út við stöng.

England er í efsta sæti riðilsins með fullt hús stiga eftir tvo leiki. Albanía er í öðru sæti eftir 3-0 sigur gegn Andorra í kvöld. Lettland kemur þar á eftir, einnig með þrjú stig eftir 1-0 sigur síðasta föstudag gegn Andorra.

Serbía var upptekin í Þjóðadeildinni í þessum landsleikjaglugga, hefur ekki spilað leik og er því stigalaust. Andorra er í neðsta sæti eftir töpin tvö.