Loksins, loksins unnu skáldin kvalara sína! Vésteinn Örn Pétursson skrifar 28. apríl 2025 00:01 Svipmyndir úr sigri rithöfunda á útgefendum á Valbjarnavelli á laugardag. Rithöfundar sigruðu útgefendur 2-0 í æsispennandi leik á Valbjarnarvelli í Laugardal í gær. Leikurinn er árleg hefð í tengslum við Bókmenntahátíð í Reykjavík og höfðu útgefendur unnið síðustu þrjú ár í röð. Bókmenntahátíð í Reykjavík fagnar fjörutíu ára afmæli og var því viðeigandi að um tímamótaleik væri að ræða, aðeins annar sigur rithöfunda síðustu tuttugu ár. Rithöfundar klæddust svörtum treyjum sem voru merktar „Skáld eru aldrei rangstæð!“ og útgefendur klddust fagurbláum treyjum. Anna Lea Friðriksdóttir, útgefandi hjá Sölku, var fyrirliði útgefenda og Börkur Gunnarsson, leikstjóri og rithöfundur, var fyrirliði rithöfunda. Þá nutu rithöfundar þjálfunar Höllu Gunnarsdóttur, formanns VR og rithöfundar, sem sýndi mikla kænsku í skiptingum sínum og var óhrædd við að rótera liði skáldanna. Halla Gunnars fór með innblásna ræðu fyrir leik. Hjalti, Einar og Jón spekúlera í bakgrunni. Mark sitt í hvorum hálfleiknum Leikurinn var fimmtíu mínútna langur, tvisvar sinnum 25 mínútur, með stuttu hléi. Spilað var átta á átta en töluverður munur var á varamannafjölda liðanna. Útgefendur voru aðeins tíu talsins en rithöfundar nítján, tveir varamenn á móti ellefu. Halldór Armand spilaði sem regista fyrir útgefendur. Hér fylgist Einar Lövdahl grannt með honum. Rithöfundurinn Halldór Armand, sem nýlega stofnaði útgáfuna Flatkökuna, sá auman á fáliðuðum útgefendum og sveik lit. Fór úr svörtu í blátt. En hann átti eftir að sjá eftir því... Leikurinn var afar jafn allan fyrri hálfleikinn þar til hægri bakvörðurinn Huldar Breiðfjörð gaf fallega fyrirgjöf á Einar Lövdahl sem skallaði boltann smekklega í netið. Staðan 1-0 og hún hélst þannig óbreytt út fyrri hálfleikinn. Hjalti Halldórsson sprettir úr spori. Útgefendur voru í vígahug eftir slakan fyrri hálfleik en fengu hins vegar stóran skell snemma í þeim seinni. Hinn óþreytandi Einar Lövdahl gaf þá stungusendingu á Hjalta Hallgrímsson sem spændi sig í gegnum vörn útgefenda og skaut boltanum í fjærhornið. Staðan 2-0. Útgefendur gáfust þó ekki upp og lágu á rithöfundum. Stefán Þ. Hermannsson, markmaður rithöfunda, varði þónokkrum sinnum stórglæsilega og tryggði rithöfundum hreint blað þegar flautan gall í lokin. Skáldin fylgjast með Jóni Kalman tækla Bjarna Fritzson allkröftuglega. Bjarni í grasinu. Ekkert að þessu. Útgefendur vinni alltaf... en ekki í ár „Við erum í skýjunum. Þvílíkt hvað menn eru glaðir,“ sagði Börkur Gunnarsson þegar fréttastofa náði tali af honum á lokahófi Bókmenntahátíðarinnar á laugardagskvöld. Börkur sá um alla umgjörð fyrir rithöfundana sem skipti sköpum.Vísir/Vilhelm Sigurinn var umtalaður meðal gesta hátíðarinnar að sögn Barkar. „Það er ekki verið að tala um þessi stórkostlegu skáld og rithöfunda sem hafa verið með svo flotta fyrirlestra og góðar umræður heldur um fótboltaleikinn í dag þar sem við loksins unnum útgefendur okkar sem annars vinna eiginlega alltaf; bæði í samningum og fótboltaleikjum,“ sagði hann. Sjálfur spilaði Börkur ekki, í fyrsta skiptið í átta ár, vegna meiðsla en hann sinnti framkvæmdastjórn liðsins: smalaði skáldum saman, þreif treyjurnar, skrásetti leikinn á mynd og hvatti liðið áfram. Magnús Jochum eltir uppi boltann með Bjarna Fritz í eftirdragi. Ekkert tuð og engin ljóð „Liðsheildin. Rithöfundar eru röfl- og tuðgjarnir en það var lítið um það hjá okkur í dag. Við náðum að standa saman og enginn fór út í horn að yrkja ljóð í miðjum leik,“ sagði Börkur aðspurður hver lykillinn að sigrinum hefði verið. „Við vorum líka með fleiri á varamannabekknum. Gátum hvílst meira en þeir,“ bætti hann við. Embla Bachmann þrusar og Sölvi Halldórsson reynir að kasta sér fyrir boltann. Öfugt við leikinn í fyrra voru það ekki rithöfundarnir sem áttu erfitt með að skora. „En þetta var jafn leikur þótt hann hafi endað 2-0 fyrir okkur. Þeir spiluðu vel og voru óheppnir að klára ekki 3-4 færi sem þeir fengu. En það var á hinn veginn á síðustu bókmenntahátíð þegar þeir unnu 2-1, við áttum að klára nokkuð mörg góð færi þá, en gerðum það ekki,“ sagði Börkur. Útgefendur voru kampakátir þó blásið hefði dálítið á móti. Fyrirliði útgefenda, Anna Lea, tók í sama streng og sagði að útgefendur hefðu legið í færum. „Það var algjör skandall að við skyldum ekki hafa náð að saxa á þetta,“ sagði hún í samtali við mbl. Taldi Börkur að um tímamótasigur væri að ræða: aðeins annar sigur rithöfunda á kvölurum sínum á tuttugu árum. Liðin tvö stilltu sér upp saman eftir leik. Bókmenntahátíð Fótbolti Menning Bókmenntir Bókaútgáfa Mest lesið Sama hvað öllum finnst, nema mömmu og pabba Tónlist Fréttatía vikunnar: Play, fiskbúðingur og stjörnuskilnaður Lífið Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Þessi litla breyting breytti í raun öllu! Lífið samstarf Freðinn faðir, fáránlegir fasistar og fyrsta flokks bíó Gagnrýni Úrval Útsýn hefur svarað kalli um björgunarfargjöld Lífið samstarf „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Útbjó lágkolvetna prógram fyrir systur sína sem léttist strax og fékk meiri orku Lífið Fleiri fréttir Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Sjá meira
Bókmenntahátíð í Reykjavík fagnar fjörutíu ára afmæli og var því viðeigandi að um tímamótaleik væri að ræða, aðeins annar sigur rithöfunda síðustu tuttugu ár. Rithöfundar klæddust svörtum treyjum sem voru merktar „Skáld eru aldrei rangstæð!“ og útgefendur klddust fagurbláum treyjum. Anna Lea Friðriksdóttir, útgefandi hjá Sölku, var fyrirliði útgefenda og Börkur Gunnarsson, leikstjóri og rithöfundur, var fyrirliði rithöfunda. Þá nutu rithöfundar þjálfunar Höllu Gunnarsdóttur, formanns VR og rithöfundar, sem sýndi mikla kænsku í skiptingum sínum og var óhrædd við að rótera liði skáldanna. Halla Gunnars fór með innblásna ræðu fyrir leik. Hjalti, Einar og Jón spekúlera í bakgrunni. Mark sitt í hvorum hálfleiknum Leikurinn var fimmtíu mínútna langur, tvisvar sinnum 25 mínútur, með stuttu hléi. Spilað var átta á átta en töluverður munur var á varamannafjölda liðanna. Útgefendur voru aðeins tíu talsins en rithöfundar nítján, tveir varamenn á móti ellefu. Halldór Armand spilaði sem regista fyrir útgefendur. Hér fylgist Einar Lövdahl grannt með honum. Rithöfundurinn Halldór Armand, sem nýlega stofnaði útgáfuna Flatkökuna, sá auman á fáliðuðum útgefendum og sveik lit. Fór úr svörtu í blátt. En hann átti eftir að sjá eftir því... Leikurinn var afar jafn allan fyrri hálfleikinn þar til hægri bakvörðurinn Huldar Breiðfjörð gaf fallega fyrirgjöf á Einar Lövdahl sem skallaði boltann smekklega í netið. Staðan 1-0 og hún hélst þannig óbreytt út fyrri hálfleikinn. Hjalti Halldórsson sprettir úr spori. Útgefendur voru í vígahug eftir slakan fyrri hálfleik en fengu hins vegar stóran skell snemma í þeim seinni. Hinn óþreytandi Einar Lövdahl gaf þá stungusendingu á Hjalta Hallgrímsson sem spændi sig í gegnum vörn útgefenda og skaut boltanum í fjærhornið. Staðan 2-0. Útgefendur gáfust þó ekki upp og lágu á rithöfundum. Stefán Þ. Hermannsson, markmaður rithöfunda, varði þónokkrum sinnum stórglæsilega og tryggði rithöfundum hreint blað þegar flautan gall í lokin. Skáldin fylgjast með Jóni Kalman tækla Bjarna Fritzson allkröftuglega. Bjarni í grasinu. Ekkert að þessu. Útgefendur vinni alltaf... en ekki í ár „Við erum í skýjunum. Þvílíkt hvað menn eru glaðir,“ sagði Börkur Gunnarsson þegar fréttastofa náði tali af honum á lokahófi Bókmenntahátíðarinnar á laugardagskvöld. Börkur sá um alla umgjörð fyrir rithöfundana sem skipti sköpum.Vísir/Vilhelm Sigurinn var umtalaður meðal gesta hátíðarinnar að sögn Barkar. „Það er ekki verið að tala um þessi stórkostlegu skáld og rithöfunda sem hafa verið með svo flotta fyrirlestra og góðar umræður heldur um fótboltaleikinn í dag þar sem við loksins unnum útgefendur okkar sem annars vinna eiginlega alltaf; bæði í samningum og fótboltaleikjum,“ sagði hann. Sjálfur spilaði Börkur ekki, í fyrsta skiptið í átta ár, vegna meiðsla en hann sinnti framkvæmdastjórn liðsins: smalaði skáldum saman, þreif treyjurnar, skrásetti leikinn á mynd og hvatti liðið áfram. Magnús Jochum eltir uppi boltann með Bjarna Fritz í eftirdragi. Ekkert tuð og engin ljóð „Liðsheildin. Rithöfundar eru röfl- og tuðgjarnir en það var lítið um það hjá okkur í dag. Við náðum að standa saman og enginn fór út í horn að yrkja ljóð í miðjum leik,“ sagði Börkur aðspurður hver lykillinn að sigrinum hefði verið. „Við vorum líka með fleiri á varamannabekknum. Gátum hvílst meira en þeir,“ bætti hann við. Embla Bachmann þrusar og Sölvi Halldórsson reynir að kasta sér fyrir boltann. Öfugt við leikinn í fyrra voru það ekki rithöfundarnir sem áttu erfitt með að skora. „En þetta var jafn leikur þótt hann hafi endað 2-0 fyrir okkur. Þeir spiluðu vel og voru óheppnir að klára ekki 3-4 færi sem þeir fengu. En það var á hinn veginn á síðustu bókmenntahátíð þegar þeir unnu 2-1, við áttum að klára nokkuð mörg góð færi þá, en gerðum það ekki,“ sagði Börkur. Útgefendur voru kampakátir þó blásið hefði dálítið á móti. Fyrirliði útgefenda, Anna Lea, tók í sama streng og sagði að útgefendur hefðu legið í færum. „Það var algjör skandall að við skyldum ekki hafa náð að saxa á þetta,“ sagði hún í samtali við mbl. Taldi Börkur að um tímamótasigur væri að ræða: aðeins annar sigur rithöfunda á kvölurum sínum á tuttugu árum. Liðin tvö stilltu sér upp saman eftir leik.
Bókmenntahátíð Fótbolti Menning Bókmenntir Bókaútgáfa Mest lesið Sama hvað öllum finnst, nema mömmu og pabba Tónlist Fréttatía vikunnar: Play, fiskbúðingur og stjörnuskilnaður Lífið Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Þessi litla breyting breytti í raun öllu! Lífið samstarf Freðinn faðir, fáránlegir fasistar og fyrsta flokks bíó Gagnrýni Úrval Útsýn hefur svarað kalli um björgunarfargjöld Lífið samstarf „Ákvað að skilja hana eftir þar og athuga hversu langt ég kæmist“ Lífið „Rétturinn sem fjölskyldan þín mun elska og biðja um aftur og aftur“ Lífið Útbjó lágkolvetna prógram fyrir systur sína sem léttist strax og fékk meiri orku Lífið Fleiri fréttir Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Sjá meira