Stjarnan - Álfta­nes 108-104 | Unnu grannaslaginn naum­lega

Stjarnan vann 108-104 sigur á Álftanesi í grannaslag kvöldsins í Bónus-deild karla eftir stórskemmtilegan leik.

Leikurinn byrjaði af krafti og settu gestirnir frá Álftanesi  nánast allar körfur niður í fyrsta leikhluta. Álftanes leiddi með 12 stigum þegar fyrsta leikhluta lauk.

Stjörnumönnum gekk vel að brúa bilið í öðrum leikhluta á meðan Álftnesingar misstu boltann sífellt klaufalega og áttu erfitt með að koma boltanum í körfuna. Á lokasekúndum fyrri hálfleiks komust Stjörnumenn í fyrsta sinn yfir í leiknum þegar Orri Gunnarsson setti niður snyrtilega þriggja stiga körfu.

Stjarnan fór inn í hálfleikinn með þriggja stiga forskot og frábæran viðsnúning frá því í fyrsta leikhluta.

Stjörnumönnum tókst að auka forskot sitt enn frekar í þriðja leikhluta og fóru inn í þann fjórða með 9 stiga forskot.

Fjórði hluti byrjaði afskaplega vel hjá Stjörnumönnum sem komust fljótlega í 14 stiga forskot, en það virtist lítið ganga upp hjá gestunum bæði varnarlega og sóknarlega.

Það breyttist fljótlega aftur þegar Álftanes tókst að minnka muninn í fjögur stig á lokamínútu leiksins. Spennandi lokamínúta en Stjörnunni tókst að sigla sigrinum heim og lauk leiknum, 108-104.

Atvik leiksins

Lokasekúndar leiksins þegar Álftanes hafði tækifæri að landa sigrinum eða í það minnsta koma leiknum í framlenginu.

Stjörnur og skúrkar

Orri Gunnarsson var markahæstur hjá Stjörnunni með 21 stig, enda var hann öflugur í þriggja stiga körfunum í kvöld. Giannis kom næst með 18 stig og Ægir með 16.

Ade var markahæstur hjá Álftnesingum með 24 stig, Rati þar næstur með 21 og David með 19.

Stemning og umgjörð

Frábær stemning í ÞG-höllinni í Garðabæ. Mikil læti og heyrðist vel í stuðningsmönnum.

Dómarar

Kristinn Óskarsson, Bjarni Hlíðkvist Kristmarsson og Bjarni Rúnar Lárusson stóðu vaktina á þessu fallega föstudagskvöldi í desember og stóðu sig með prýði.