Skvísur í svakalegu stuði á Svikasögum

Dóra Júlía Agnarsdóttir skrifar 21. september 2026 20:01

Björn Skúlason, Kristín Gunnarsdótir, Halla Tómasardóttir, Guðrún Magnúsdóttir og Ólöf Skaftadóttir voru í góðum gír á frumsýningu á verkinu Svikasögur. Owen Fiene

Stjörnur landsins komu saman í Borgarleikhúsinu um helgina í sínu fínasta pússi þegar fyrsta frumsýning leikársins fór fram á nýja íslenska verkinu Svikasögum eftir Maríu Reyndal.

Margt var um manninn og gleðin í fyrirrúmi en meðal gesta voru Komið gott stöllurnar Kristín Gunnars og Ólöf Skafta, Þorvaldur Davíð og Hraftinna, Unnsteinn Manúel og Haraldur Ari og lengi mætti áfram telja.

Með hlutverk í sýningunni fara Berglind Alda Ástþórsdóttir, Birna Pétursdóttir, Hákon Jóhannesson, Katla Margrét Þorgeirsdóttir og Vilhelm Neto, ásamt hinum þrettán ára Rebeccu Lív Biraghi og Viktoríu Dalitso.

Hér má sjá stiklu úr verkinu:

Klippa: Svikasögur - stikla

„Í Svikasögum heldur María Reyndal áfram að vinna með stórskemmtilegar en flóknar fjölskyldusögur sem eru orðnar hennar aðalsmerki eftir velgengni Er ég mamma mín og Með Guð í vasanum.

María er þekkt fyrir sviðsverk sín sem og afrek á skjánum en hún er ein af höfundum gamanþáttanna vinsælu, Stelpnanna, og skrifaði einnig og leikstýrði verðlaunaþáttunum Mannasiðum. Þá var hún einnig einn af handritshöfundum Ástríðar og einn af leikstjórum Verbúðarinnar. Svikasögur er hjartnæmt, bráðfyndið og mannlegt verk, fullt af alvöru íslenskri 80’s nostalgíu,“ segir í tilkynningu frá Borgarleikhúsinu.

Hér má sjá vel valdar myndir úr frumsýningarteitinu: