Kári Jónasson
Fátæk ríki og skuldir þeirra
Iðnveldin átta undirbúa nú að gefa eftir skuldir margra fátækustu ríkja heims.
Læknadóp
Landlæknir hefur átalið nokkra lækna vegna ávísunar á morfín.
Hvað er að?
Hafrannsóknastofnun leggur til að þorskkvótinn verði innan við 200 þúsund lestir.
Krónan veikir landsbyggðina
Ein meginástæða hins háa gengis eru að mati hagspekinga stórframkvæmdirnar á Austurlandi og húsbyggingasprengjan á höfuðborgarsvæðinu.
Þær eru vanmetnar
<strong><em></em></strong> Þó að laun kvenna hækki töluvert með námi á Bifröst, fá þær samt mun lægri laun á vinnumarkaði en karlar sem útskrifast þaðan.
Sviptingar í R-listanum
Segja má að Steinunn Valdís Óskarsdóttir borgarstjóri sé nú í svipaðri stöðu og þegar Árni Sigfússon tók skyndilega við leiðtogahlutverki sjálfstæðismanna nokkrum mánuðum fyrir borgarstjórnarkosningar á sínum tíma og tapaði kosningunum.
Schröder tapar í Þýskalandi
Ein helsta ástæða þess hvers vegna hallað hefur undan fæti hjá jafnaðarmönnum í Þýskalandi er hið mikla atvinnuleysi þar í landi. Það mælist nú um 12 af hundraði sem þýðir að um fimm milljónir manna eru atvinnulausar, þar af um ein milljón í hinu þéttbýla landi Nordhrein-Westfalen.
Gott útspil Kristjáns Þórs
Staðreyndin er líka sú að Þingeyingar, og þá ekki síst Húsvíkingar, hafa unnið meira og markvissar að því að álver verði reist í þeirra heimabyggð en margir aðrir. Þeir hafa bent á verksmiðjulóð fyrir norðan bæinn og að hafnarskilyrði séu góð á Húsavík. Þá eru ónýttar orkulindir á næsta leiti og því stutt að flytja orkuna til álversins.
Árangur af Kínaheimsókn forsetans
Við erum friðsöm þjóð og eigum aðild að mörgum mikilvægum alþjóðastofnunum sem Kínverjar eiga mikið undir að séu þeim vinsamlegar, en þar höfum við ekki haldið uppi mikilli gagnrýni á kínverskt samfélag líkt og sumir aðrir.
Óeirðirnar í Úsbekistan
Á þessu stigi er erfitt að segja til um hvort óeirðirnar eigi eftir að teygja sig til höfuðborgarinnar Taskent. Þær eru annars eðlis en í nágrannaríkjunum og þarna er enginn þekktur andspyrnumaður enn sem komið er, sem leiðir hreyfingu gegn stjórnvöldum í landinu.
Mannlegur harmleikur
Mörgum hefur verið hugsað til Þýskalands nazismans hér og annars staðar að undanförnu, og þá ekki sist vegna myndarinnar um síðustu daga Hitlers sem sýnd hefur verið hér fyrir fullu húsi dag eftir dag. En það er fleira sem hefur verið rifjað upp og sem stendur okkur Íslendingum nær.
Kópavogur 50 ára
Kópavogur, næst stærsta bæjarfélag landsins, er 50 ára í dag. Þennan dag fyrir 50 árum fékk bærinn kaupstaðarréttindi, og þá voru íbúarnir upp undir fjögur þúsund talsins. Þeir eru nú um 26 þúsund.
Of margir ungir öryrkjar
Umsóknum um örorkumat fjölgaði um sjötíu af hundraði á tveimur árum. Það er ekki aðeins að það sé slæmt fyrir ungt fólk að fara á örorkubætur, heldur aukast útgjöld samfélagsins til þessa málaflokks mjög ef fólk er á örorkubótum lungann úr starfsævinni.
Frakklandsforseti í kröppum sjó
Ákaflega mikilvægt er fyrir Frakklandsforseta að sannfæra landsmenn sína um ágæti hinnar nýju stjórnarskrár Evrópusambandsins, því að öðrum kosti eiga Frakkar á hættu að verða ekki eins áberandi og áhrifamiklir í Evrópu og fram að þessu.
Saman við stjórn í tíu ár
Eitt er það mál sem mun gnæfa yfir öll önnur á tímabili þessarar ríkisstjórnar, ef frá er talið efnahagslífið, og það er virkjunin við Kárahnjúka. Sagan ein mun dæma um það hvort hún verður veglegur minnisvarði um framsýni og dug manna hér á landi um aldamótin eða hvort hér hefur orðið umhverfisslys.
Háskólasamfélag við hlíðarfót
Á háskólakömpum þarf að vera margt fleira en kennslustofur og skrifstofur kennara. Ungt fólk sem þar stundar nám þarf að geta leitað sér þar lífsfyllingar utan skólaveggjanna. Það verður örstutt í Miðbæinn frá Hlíðarfæti og væntanlega er gert ráð fyrir góðum göngu- og hjólreiðaleiðum frá Öskjuhlíð.
Átak gegn hungri og fátækt
"Þetta samsvarar öllu því mannfalli sem varð vegna flóðanna í Asíu um áramótin, munurinn er bara sá að þetta gerist í hverri viku, allt árið um kring, 52 flóðbylgjur á ári. Hvers vegna vekur þetta ekki meiri viðbrögð hjá okkur en raun ber vitni?" spyr hún og segir þennan vanda lykilatriði í mannréttindabaráttu heimsbyggðarinnar.
Rússar minnast stríðslokanna
Rússnesk stjórnvöld undirbúa nú mikil hátíðarhöld í tilefni af því að í næsta mánuði eru liðin 60 ár frá því að síðari heimsstyrjöldinni lauk. Þessi hátíðarhöld teygja anga sína til Íslands.
Almenningur fái að kaupa í Símanum
Mikill áhugi er á stofnun fjöldahreyfingar til að að bjóða í Símann. Viðbrögð forsætisráðherra vekja vonir um að greitt verði fyrir kaupa almennings, innan þeirra reglna sem settar hafa verið um söluna.
Vigdís
Staðreyndin er sú að þó að Vigdís hafi látið af embætti forseta Íslands fyrir nokkrum árum heldur hún áfram að bera hróður Íslands víða um heim. Það sýna hinir erlendu fyrirlesarar glöggt sem hingað eru komnir.
Innflytjendur eiga að læra málið
Samkvæmt könnunum sem gerðar hafa verið hér á landi virðist gæta vaxandi andúðar hjá ungmennum hér í garð útlendinga, og má í mörgum tilfellum því miður líkja afstöðunni við fordóma eða rasisma. Þetta er svipuð þróun og hefur átt sér víða annars staðar og af því eigum við að læra.
Erlendir verkamenn lúti lögum
Það vekur athygli að ágreiningsmál um vinnuréttindi útlendinga hafa í marga mánuði verið til meðferðar hjá sýslumanninum á Seyðisfirði, en þegar svipað mál kom upp á Suðurlandi var þetta afgreitt með hraði hjá embættinu á Selfossi. Þessi mál voru að vísu ekki alveg eins, en engu að síður vekur þessi mismunandi afgreiðsluhraði embættanna athygli.
Barátta innan Samfylkingarinnar
Þau Össur og Ingibjörg Sólrún eru bæði frambærileg í leiðtogahlutverkið og það verður líklega álit flokksmanna á þeim sem persónum sem ræður hvort þeirra verður formaður Samfylkingarinnar á fundinum í maí, málefnaágreiningur mun varla ríða þar baggamuninn.
Ógeðfelldar umferðarauglýsingar
Oft hefur verið rætt um að varasamt kunni að vera að nota börn í auglýsingum, nema vandað sé til verka, en þegar börn eru látin gretta sig og skæla i þessum auglýsingum og segja setningar eins og " drullaðu þér áfram kallpungur" og "færðu þig kelling" eða " ertu heilalaus hálfvitinn þinn", er skotið yfir markið.
Fjórtán ára á Vog
Allt að tíu af hundraði sjúklinga sem koma á Vog eru þar vegna lyfja sem ávísað hefur verið af læknum. Sjúklingum í þessum flokki hefur fjölgað verulega á undanförnum árum. Þeir fá ávísun á róandi og örvandi ávanalyf og sterk verkjalyf.
Burt með reykinn
Veitingamenn hafa gert tillögu um bann við reykingum á stöðum sínum eftir tvö ár, en óþarft er að bíða svo lengi.
Tony Blair telur að nú sé lag
Enda þótt skoðanakannanir nú bendi yfirleitt til þess að Verkamannaflokkurinn fari með sigur af hólmi í kosningunum, þá sýna sömu kannanir að meirihluti vill fá Gordon Brown fjármálaráðherra í stól leiðtoga Verkamannaflokksins.
Allt bendir til álvers á Húsavík
Fram til þessa hafa verið uppi mjög mismunandi skoðanir um það, hvar á Norðurlandi álver ætti að rísa, en nú virðast vera komnar hreinni línur í það mál og bendir allt á fyrirhugaðan stað skammt sunnan Húsavíkur. </font /></b />
Að Jóhannesi Páli páfa II gengnum
Kjör hans markaði þáttaskil varðandi uppgjör við kommúnismann og hann átti mikinn þátt í því beint og óbeint að frelsa austantjaldsþjóðirnar undan oki hans.
Göngum betur um náttúru og auðlindir
Þeir telja að aldrei fyrr hafi menn valdið jafn miklum skaða á náttúrunni og á síðustu árum. Aukin efnahagsumsvif og aukin matvælaframleiðsla hafa verið á kostnað umhverfisins, sem komi fram í því að vatn og andrúmsloft hafi spillst.
