Bílvelta varð undir Eyjafjöllum síðdegis í gærdag. Slysið varð með þeim hætti að bifreið sem kom að austan rakst á brúarendann á brúnni yfir Holtsá, valt og hafnaði í árfarveginum.
Tveir erlendir ferðamenn voru í bifreiðinni sem var bílaleigubíll.
Hálka var og er hún talin ástæða þess að bíllinn rann til á veginum. Mennirnir sem voru í bílnum sluppu við meiriháttar meiðsl en voru þó fluttir með sjúkrabíl til Reykjavíkur.
