Liverpool niðurlægði Birmingham

Liverpool valtaði yfir arfaslakt lið Birmingham á útivelli í enska bikarnum í kvöld 7-0 og er komið í undanúrslit keppninnar. Lærisveinar Steve Bruce vilja eflaust gleyma þessum leik sem fyrst, en geta nú einbeitt sér að fallbaráttunni í úrvalsdeildinni eftir að hafa verið niðurlægðir á leið sinni út úr bikarnum.

Peter Crouch skoraði tvö mörk í leiknum og þeir Fernando Morientes, John Arne Riise, Djibril Cisse og Sami Hyypia eitt hver, en eitt markið var sjálfsmark hjá Birmingham.