Viðskiptabankarnir þrír verða að afhenda skattstjórum sundurliðaðar upplýsingar um öll viðskipti bankanna með hlutabréf og og þá sem viðskiptunum tengdust á árinu 2003.
Héraðsdómur Reykjavíkur kvað upp úrskurð þessa efnis í dag. Stjórnendur bankanna höfðuðu mál og vildu fá úrskurð dómstóls um að bankarnir mættu ekki afhenda gögnin. Ríkisskattstjóri hafði krafist þess af bönkunum árið 2001 að fá upplýsingarnar en þeir neituðu því.
