Björn Bjarnason dómsmálaráðherra sat í dag fund fjármálaráðherra aðildarríkja EFTA og Evrópusambandsins um orkumál í fjarveru Árna M. Mathiesen fjármálaráðherra. Fundurinn fór fram í Brussel og lýsti ráðherra því í ræðu sinni hvernig Íslendingar stæðu að orkunýtingu og rakti sérstaklega aukin áhrif jarðhita í orkubúskapnum.
Fram kemur í tilkynningu frá fjármálaráðuneytinu að Gordon Brown, fjármálaráðherra Bretlands, hafi hvatt EFTA-ríkin til þess að mynda sameiginlegan markað með ESB-löndum til að draga úr útblæstri á koltvísýringi. Undir þá tillögu tóku ráðherrar EFTA.
