Þekkt nöfn heiðra Kurt

Stór nöfn á borð við R.E.M., David Bowie, Iggy Pop og Leadbelly eiga lög á plötu sem verður gefin út í tengslum við nýja kvikmynd um ævi rokkarans Kurt Cobain úr Nirvana.

Myndin heitir About a Son og byggir á viðtölum sem blaðamaðurinn Michael Azerrad átti við Cobain. Ben Gibbard, forsprakki Death Cab for Cutie, semur kvikmyndatónlistina ásamt framleiðandanum Steve Fisk, auk þess sem Gibbard á ný frumsamin lög á plötunni. Er hún væntanleg í búðir 11. september.