Evrópusambandið heldur fast við áætlun sína um að lífrænt eldsneyti skuli vera 10 prósent af eldsneyti á bíla árið 2020.
Sambandi gerir þetta þrátt fyrir vaxandi gagnrýni á að lífrænt eldsneyti ýti upp verði á matvælum og dragi úr framleiðslu þeirra.
Umhverfisverndarsinnar segja að ræktun lífræns eldsneytis sé þegar farið að taka land frá ræktun matvæla fyrir bæði menn og dýr.
Það eigi einnig þátt í stórhækkuðu matvælaverði, sem hefur valdið óeirðum í fátækum löndum undanfarnar vikur.
Einn af umhverfissérfræðingum Sameinuðu þjóðanna hefur gengið svo langt að segja að ræktun lífræns eldsneytis sé glæpur gegn mannkyninu.