Akstursíþróttasamband Frakklands hefur ákveðið að draga tilbaka mótshald á Magny Cours brautinni í Frakklandi á næsta ári vegna fjárhagskreppunnar sem gengur yfir heiminn.
Líklegt þykir þá að kanadíska mótið í Montreal verði þá aftur á dagskrá. Bernie Eccelstone hefur aldrei verið sérlega hrifinn af Magny Cours brautinni og vill halda mót á götum Parísar eða að byggð verði braut nálægt Disneylandi við París.
Franski kappaksturinn átti að vera í sumar, viku frá breska kappakstrinum en það fyrirkomulag hefur veirð í gangi í mörg ár. Max Mosley hefur hvatt keppnsilið til að finna leiðir til að gera Formúlu 1 ódýrari en hún er núna, annars geta illa farið fyrir íþróttinni í nánustu framtíð.
Sum keppnsilið eru að kosta til allt að 400 miljónum evra á ári. Mosley vill einfalda gerð bílanna og jafnvel nota sömu vélar og gírkassa í alla bíla. Bílaframleiðendur hafa ekki áhuga á slíku.
