Hlynur Geir og Valdís Þóra unnu Eimskipsmótaröðina

Selfyssingurinn Hlynur Geir Hjartarson og Skagamærin Valdís Þóra Jónsdóttir unnu sigur á Eimskipsmótaröðinni í ár.

Hlynur Geir náði fjórða sæti á lokamóti mótaraðarinnar í dag og það dugði honum til sigurs í stigakeppninni.

Sigmundur Einar Másson sótti að honum og stóð sig vel í dag en það dugði ekki til því Hlynur var einnig að spila gott golf.

Valdís Þóra lék ekki í mótinu en það kom ekki að sök því hún hafði safnað nóg af stigum í hinum mótum sumarsins.