„Það er ekki bara nóg að æfa. Þetta er samspil margra þátta," sagði Sigurbjörg Ágústsdóttir einkaþjálfari í upphafi samtals okkar í gær en hún hefur starfað hjá World Class síðustu 18 ár.
Sigurbjörg útskýrði fyrir okkur hvað við þurfum að gera til að fá sléttan maga.
Þá sýndi hún okkur góðar magaæfingar sem sjá má með því að smella á hnappinn Horfa á myndskeið með frétt.
„Þetta er einhver besta alhliða hreyfing sem þú gerir," sagði hún þegar við ræddum skriðsund.
„Þetta er ganga með sérhannaða stafi og við náum umtalsverðri brennslu með stafgöngunni,“ sagði Guðný Aradóttir leiðbeinandi hjá Stafganga.is þegar við ræddum við hana í Laugardalnum í gær. „Við náum 20 % meiri brennslu heldur en í venjulegri göngu. Vegna þess að þú ert að nota efri hluta líkamann mikið meir með því að beita stöfunum." Smelltu á hnappinn Horfa á myndskeið með frétt ef þú vilt sjá Guðný sýna hvernig stafirnir eru notaðir.
„Þetta er svona hörkupúl fimm sinnum í viku og fólk sér eflaust árangur eftir tvær vikur, “ sagði Íris Ann þolfimiþjálfari í Baðhúsinu þegar við spurðum hana út í Body Exrpess námskeiðin í Baðhúsinu í morgun. „Þá þarf maður að kýla kannski á það og reyna aðeins meira á sig,“ sagði hún þegar talið barst að þessum 3-5 aukakílóum sem neita að fara. Smelltu á hnappinn Horfa á myndskeið með frétt ef þú vilt sjá rassaæfingu sem Íris Ann segir að virki.
„Mataræðið skiptir 50% máli í að standa sig vel. Andlega hliðin er náttúrulega mjög mikilvæg..." sagði Annie Mist Þórisdóttir Crossfit meistari meðal annars eftir að hún tók nokkrar armbeygjur fyrir okkur.
„Það er til þess að við náum að vinna betur með líkamann. Það opnast á þetta flæði..." útskýrði Jóhanna Karlsdóttir hotjógakennari í Sporthúsinu þegar við spurðum hana um íþróttina eftir 90 mínútna hotjóga tíma í gær. Smelltu á hnappinn Horfa á myndskeið með frétt ef þú vilt sjá viðtalið við Jóhönnu og jógastöðurnar sem hún sýnir okkur. Hotyoga.is Sporthúsið.is (Hotjóga)
„Það þýðir ekkert að vera í einhverju dúlleríi," segir Anna Eiríksdóttir íþróttakennari og deildastjóri kennara og einkaþjálfara í Hreyfingu en hún stjórnar námskeiðunum Fantagott form sem allir eru að tala um. „Það geta allir verið með. Það er það góða við þetta. Það er svo gaman að fylgjast með hvað fólk er að ná frábærum árangri á skömmum tíma."
