„Enginn í ríkisstjórn Obama svarar mér, hlustar á mig, talar við mig eða les neitt af því sem ég skrifa þeim," segir séra Jeremiah Wright, sóknarprestur Baracks Obama, núverandi Bandaríkjaforseta.
Hann varð þekktur sem andlegur ráðgjafi Obama í síðustu forsetakosningum og olli hneyksli þegar hann hélt fram að ríkisstjórn landsins breiddi út HIV-veiruna meðal blökkumanna.
„Ég er geislavirkur, herra minn," segir Wright í svarbréfi til góðgerðasamtaka sem vinna að hjálparstarfi í Afríku. Þau leituðu aðstoðar Wrights um að greiða fyrir samskiptum við bandarísk stjórnvöld.
