Bandaríski leikstjórnandinn Tom Brady fór hreinlega á kostum í NFL-deildinni í gærkvöld þegar lið hans New England Patriots sigraði Miami Dolphins 38-24.
Brady gaf margar magnaðar sendingar á samherja sína sem skiluðu leikmönnum New England Patriots áfram um 517 jarda sem er persónulegt met hjá Brady.
Brady gaf 32 sendingar sem skiluðu sér til samherja og fjórar gáfu bein snertimörk. Brady átti eina stórkostlega sendingu á samherja í gær en hún skilaði 99 jördum en aðeins hefur slík sending heppnast 12 sinnum í sögu NFL-deildarinnar.
Hægt er að sjá myndskeið af atvikinu hér að ofan.
Sport
