Deildarkeppni NFL-deildarinnar lauk í nótt og því er ljóst hvaða lið komust í úrslitakeppnina að þessu sinni.
Í Ameríkudeildinni unnu New England Patriots, Pittsburgh Steelers, Indianapolis Colts og Kansas City Chiefs sína riðla. NY Jets og Baltimore Ravens tóku hin svokölluðu "Wild Card" sæti og verða því með í úrslitakeppninni.
Patriots var með besta árangurinn í Ameríkudeildinni og mun því spila alla sína leiki á heimavelli.
Mikil óvissa var um hvort Peyton Manning kæmi Colts í úrslitakeppnina níunda árið í röð en Colts vann flottan sigur í nótt og komst áfram. Liðið hefur verið afar laskað í vetur og þykir það vera mikið afrek hjá Manning að koma þessu liði inn í úrslitakeppnina. Þar sem liðið er komið þangað vill enginn mæta því.
Í Þjóðardeildinni unnu Philadelphia Eagles, Chicago Bears, Atlanta Falcons og Seattle Seahawks sína riðla. Green Bay Packers og New Orleans Saints tóku "Wild Card" sætin. Atlanta var með bestan árangur í Þjóðardeildinni og verður því alltaf á heimavelli.
Stórlið eins og NY Giants, Dallas Cowboys og Minnesota sátu eftir með sárt ennið að þessu sinni.
Búið er að raða upp leikjunum í fyrstu umferðum úrslitakeppninnar og lítur dagskráin svona út.
Wild Card-helgin (8. og 9. janúar):
Seattle Seahawks-New Orleans
Indianapolis Colts-NY Jets
Kansas City Chiefs-Baltimore Ravens
Philadelphia Eagles-Green Bay Packers
2. umferð (15. og 16. janúar):
Pittsburgh Steelers - Indianapolis/Kansas/Baltimore
Atlanta Falcons - Seattle/New Orleans/Green Bay
Chicago Bears - Philadelphia/Seattle/New Orleans
New England Patriots - Kansas/Baltimore/NY Jets
