Öll flóra raftónlistar undir jökli 28. júní 2012 08:00 Pan Thorarensen og Andri Már Arnlaugsson skipuleggjendur Extreme Chill Festival - Undir Jökli sem verður haldin um helgina á Hellissandi með íslenska landsliðinu í raftónlist.FRÉTTABLAÐIÐ/ERNIR „Hinn breski Mixmaster Morris spilar en hann er stórt nafn í þessum geira,“ segir Pan Thorarensen, einn skipuleggjenda raftónlistarhátíðarinnar Extreme Chill Festival – Undir Jökli, sem hefst á morgun og stendur fram á sunnudag á Hellissandi við Snæfellsjökul. Hátíðin er haldin í þriðja sinn í ár í félagsheimilinu Röst og utandyra með lifandi flutningi og plötusnúðum. „Við héldum fyrstu hátíðina árið 2010 en fengum hugmyndina árið 2008 þegar við feðgarnir í hljómsveitinni Stereo Hypnosis vorum við upptökur á plötunni Hypnogogia hér á Hellissandi,“ segir Pan sem spilar bæði með hljómsveit sinni og sem Beatmakin Troopa um helgina. Raftónlist er í aðalhlutverki á hátíðinni og er flakkað á milli ólíkra tegunda slíkrar tónlistar. „Þetta er öll flóran. Uppbyggingin verður róleg með listgjörningum og myndbandsverkum en um miðja nótt fer þetta út í hraðari tónlist og teknó,“ segir Pan og nefnir að á hátíðinni megi finna eitthvað fyrir alla. „Íslenska landsliðið í raftónlist verður hérna.“ Hann nefnir máli sínu til stuðnings tónlistarmenn á borð við Futuregrapher, Reptilicus, Bix, Captain Fufanu, Inferno 5, Samaris og Ruxpin. Tveir erlendir raftónlistarmenn heiðra hátíðina með nærveru sinni. Það er hinn fyrrnefndi og merki Mixmaster Morris ásamt hinum eistneska Kaido Kirikmae sem verður með eins konar tónlistargjörning. Hátíðin hefst á morgun með tónleikum í félagsheimilinu Röst kl. 19.30 þar sem fjölskrúðugir tónar verða fluttir yfir helgina. Miðasala fer fram á Midi.is og fer hver að verða síðastur að tryggja sér miða. - hþt Tónlist Mest lesið Ekki mikið að gera í bransanum eftir líkamsárásina Lífið Ekki smart að amman skipti sér af getnaðinum Lífið Brunar um á tugmilljón króna glæsibifreið Lífið „Ég fæ það bara um leið og ég set hann inn“ Lífið Að Illuminati stjórni öllu milli himins og jarðar Lífið Þessi lönd komust áfram í úrslit Lífið Tekur nú eftir því hversu margir hafa farið í hárígræðslu Lífið Hera Björk mun kynna stigin Lífið Frumsýning: Ólafur Darri og Hera Hilmar í glænýrri seríu Bíó og sjónvarp 108 kílóum léttari: „Þessi tíu ár í grunnskóla voru eiginlega stanslaust einelti“ Lífið Fleiri fréttir „Maður er í elífu straffi sem tónlistarmaður, getur ekki gert neitt annað“ Óhræddir við raunverulegar tilfinningar Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira
„Hinn breski Mixmaster Morris spilar en hann er stórt nafn í þessum geira,“ segir Pan Thorarensen, einn skipuleggjenda raftónlistarhátíðarinnar Extreme Chill Festival – Undir Jökli, sem hefst á morgun og stendur fram á sunnudag á Hellissandi við Snæfellsjökul. Hátíðin er haldin í þriðja sinn í ár í félagsheimilinu Röst og utandyra með lifandi flutningi og plötusnúðum. „Við héldum fyrstu hátíðina árið 2010 en fengum hugmyndina árið 2008 þegar við feðgarnir í hljómsveitinni Stereo Hypnosis vorum við upptökur á plötunni Hypnogogia hér á Hellissandi,“ segir Pan sem spilar bæði með hljómsveit sinni og sem Beatmakin Troopa um helgina. Raftónlist er í aðalhlutverki á hátíðinni og er flakkað á milli ólíkra tegunda slíkrar tónlistar. „Þetta er öll flóran. Uppbyggingin verður róleg með listgjörningum og myndbandsverkum en um miðja nótt fer þetta út í hraðari tónlist og teknó,“ segir Pan og nefnir að á hátíðinni megi finna eitthvað fyrir alla. „Íslenska landsliðið í raftónlist verður hérna.“ Hann nefnir máli sínu til stuðnings tónlistarmenn á borð við Futuregrapher, Reptilicus, Bix, Captain Fufanu, Inferno 5, Samaris og Ruxpin. Tveir erlendir raftónlistarmenn heiðra hátíðina með nærveru sinni. Það er hinn fyrrnefndi og merki Mixmaster Morris ásamt hinum eistneska Kaido Kirikmae sem verður með eins konar tónlistargjörning. Hátíðin hefst á morgun með tónleikum í félagsheimilinu Röst kl. 19.30 þar sem fjölskrúðugir tónar verða fluttir yfir helgina. Miðasala fer fram á Midi.is og fer hver að verða síðastur að tryggja sér miða. - hþt
Tónlist Mest lesið Ekki mikið að gera í bransanum eftir líkamsárásina Lífið Ekki smart að amman skipti sér af getnaðinum Lífið Brunar um á tugmilljón króna glæsibifreið Lífið „Ég fæ það bara um leið og ég set hann inn“ Lífið Að Illuminati stjórni öllu milli himins og jarðar Lífið Þessi lönd komust áfram í úrslit Lífið Tekur nú eftir því hversu margir hafa farið í hárígræðslu Lífið Hera Björk mun kynna stigin Lífið Frumsýning: Ólafur Darri og Hera Hilmar í glænýrri seríu Bíó og sjónvarp 108 kílóum léttari: „Þessi tíu ár í grunnskóla voru eiginlega stanslaust einelti“ Lífið Fleiri fréttir „Maður er í elífu straffi sem tónlistarmaður, getur ekki gert neitt annað“ Óhræddir við raunverulegar tilfinningar Kaleo með tónleika á Íslandi í fyrsta sinn í áratug Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira