Metár í ferðaþjónustu Steingrímur J. Sigfússon skrifar 15. desember 2012 06:00 Nú liggur fyrir að árið 2012 verður algert metár í íslenskri ferðaþjónustu. Flest bendir til að fjöldi erlendra ferðamanna verði nálægt 670 þúsund á yfirstandandi ári. Það er heildarfjöldi til flugvalla og með farþegum frá Norrænu til Seyðisfjarðar. Þetta jafngildir 18,5% aukningu frá fyrra metárinu 2011 en þá nam fjöldinn 565 þúsund. Skýringar á þessari jákvæðu þróun eru fjölmargar en markaðsstarfið vegur þó þyngst. Kynning á Íslandi sem ferðamannalandi á erlendum mörkuðum hefur gengið vel. Þar hefur farið saman gott samstarf fyrirtækja í greininni og stjórnvalda, sem tók flugið með markaðsátakinu "Inspired by Iceland". Flestir eru einnig sammála um mikinn árangur af sameiginlegu átaki stjórnvalda og greinarinnar í vetrarferðamennskuátakinu "Ísland allt árið" sem stendur yfir um þessar mundir. Þetta staðfesta nýjar tölur frá nóvember sem sýna ótrúlega aukningu, eða 61% frá fyrra ári. Á árinu 2012 hefur ferðamönnum frá Bretlandi, Bandaríkjunum og Asíu fjölgað mest en minnst er aukningin frá Norðurlöndunum. Þetta er ánægjuleg þróun, hröð framvinda og breiðari grunnur er lagður með vaxandi fjölda ferðamanna hvaðanæva að.Skemmtiferðaskipin viðbót Til viðbótar hinni miklu fjölgun erlendra ferðamanna í gegnum flugvelli og með Norrænu kom metfjöldi erlendra skemmtiferðaskipa til landsins í ár. Um 100 þúsund erlendir gestir komu t.a.m. til Faxaflóahafna í sumar samanborið við 63 þúsund í fyrra. Það er 59% aukning! Helsta skýring er aukning í komu stærri skemmtiferðaskipa. Þessi aukning mælist ekki í opinberum tölum um fjölda erlendra ferðamanna, þar sem farþegarnir gista um borð í skipunum en ekki á hótelum og gistiheimilum. Jákvætt er einnig að skipin stoppa nú mörg lengur en áður, sum í 1-2 sólarhringa. Bókanir skemmtiferðaskipa til Íslands fyrir árið 2013 eru nú þegar miklar og enn eitt metið gæti verið í vændum þar.Innviðafjárfesting á teikniborðinu Að framansögðu er því ljóst að heildarferðamannafjöldi til landsins nálgast óðfluga 1 milljón talsins. Í fjárlagafrumvarpi fyrir árið 2013, eins og það stendur nú eftir 2. umræðu, er að finna margvíslegar aðgerðir til að styrkja innviði ferðaþjónustunnar svo hún geti staðið undir vaxandi umsvifum. Þar ber hæst 500 m.kr. framlag í framkvæmdasjóð ferðamála og 250 m.kr. framlag í þjóðgarða og friðlýst svæði. Með þessu verður kleift að gera stórátak til úrbóta á vinsælum stöðum þar sem álagið er gríðarlegt á háannatímanum auk þess að þróa nýja áfangastaði og dreifa þannig álaginu. Tilkoma Hörpunnar og væntanlegs hótels við hlið hennar mun skapa ný tækifæri innan greinarinnar, sérstaklega til að halda stórar ráðstefnur. Margvísleg verkefni í sóknaráætlunum ríkisstjórnarinnar fyrir einstaka landshluta styðja í reynd við og falla vel að áframhaldandi sókn í ferðamálum um allt land. Fjárfestingar í innviðum svo sem samgöngum á landsbyggðinni, stuðningur við skapandi greinar, aukin kynning og efling markaðsstarfs á sviði menningar, lista, handverks og hönnunar, allt styður það við þessa þróun. Frá fyrirtækjum í greininni berast nú einnig jákvæðar fréttir. Ákvörðun Icelandair um endurnýjun á flugflota sínum sýnir þetta svart á hvítu og hefur sú efling leiðarkerfisins sem félagið hefur þegar ráðist í skipt sköpum fyrir sókn íslenskrar ferðaþjónustu. Nýleg ákvörðun félagsins um myndarlegan sjóð til stuðnings nýjum ferðamannastöðum á Íslandi mun einnig styrkja innviði ferðaþjónustunnar til muna.Áframhaldandi vöxtur Flest bendir til áframhaldandi vaxtar á árinu 2013 þrátt fyrir að aðstæður á erlendum mörkuðum séu víða erfiðar. Framboð íslensku flugfélaganna á áfangastaði erlendis mun aukast og erlend flugfélög sem flogið hafa til Íslands ætla, það best er vitað, flest að halda áfram. Ísland er enn einna efst á listum margra helstu ferðamálatímarita. Ísland hefur aldrei í sögu sinni notið sambærilegarar athygli erlendis og nú. Margt og misgott kemur til. Hrunið 2008, náttúruhamfarir, erlendar stórmyndir teknar á Íslandi og nú í vaxandi mæli jákvæð umfjöllun um hvernig Ísland er að vinna sig út úr hruninu. Við höfum fengið gríðarlega kynningu og ókeypis auglýsingu út á allt þetta og fleira til og fylgjum því vel eftir sjálf með framsækinni kynningarstarfsemi. Á heildina litið er útlitið bjart fyrir ferðaþjónustuna og ástæða til að gleðjast yfir því hversu vel gengur. Vaxandi umsvif skapa auknar gjaldeyristekjur og bæta lífskjör í landinu. Ferðaþjónustan er orðin fullorðin og þarf að átta sig á því sjálf rétt eins og við hin. Viltu birta grein á Vísi? Sendu okkur póst. Senda grein Steingrímur J. Sigfússon Mest lesið Mamma er gulur góð einkunn? Díana Dögg Víglundsdóttir Skoðun Halldór 07.06.2025 Halldór Þegar þeir sem segjast þjóna þjóðinni ráðast á hana Ágústa Árnadóttir Skoðun Faglegt mat eða lukka? II. Viðurkenning og höfnun Bogi Ragnarsson Skoðun Engu slaufað Eydís Ásbjörnsdóttir Skoðun Krabbameinsfélagið í stafni í aðdraganda storms Halla Þorvaldsdóttir Skoðun 1 stk. ísl. ríkisborgararéttur - kr. 1,600 Róbert Björnsson Skoðun Gervigreind í vinnunni: Frá hamri til heilabús Björgmundur Guðmundsson Skoðun Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun Skoðun Skoðun Brottvísanir sem öllum var sama um Finnur Thorlacius Eiríksson skrifar Skoðun Mamma er gulur góð einkunn? Díana Dögg Víglundsdóttir skrifar Skoðun Gervigreind í vinnunni: Frá hamri til heilabús Björgmundur Guðmundsson skrifar Skoðun Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson skrifar Skoðun Engu slaufað Eydís Ásbjörnsdóttir skrifar Skoðun Faglegt mat eða lukka? II. Viðurkenning og höfnun Bogi Ragnarsson skrifar Skoðun Krabbameinsfélagið í stafni í aðdraganda storms Halla Þorvaldsdóttir skrifar Skoðun Lénsherratímabilið er hafið Einar G Harðarson skrifar Skoðun Þéttur eða þríklofinn Sjálfstæðisflokkur Sara Björg Sigurðardóttir skrifar Skoðun Bras og brall við gerð Brákarborgar Helgi Áss Grétarsson skrifar Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar Skoðun Auðlindarentan heim í hérað Arna Lára Jónsdóttir skrifar Skoðun Héraðsvötn og Kjalölduveitu í nýtingarflokk Jens Garðar Helgason,Ólafur Adolfsson skrifar Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar Skoðun Hvað kosta mannréttindi? Anna Lára Steindal skrifar Skoðun Faglegt mat eða lukka? I: Frá kennslustofu til stafbókar Bogi Ragnarsson skrifar Skoðun Hvers vegna ekki bókun 35? Hjörtur J. Guðmundsson skrifar Skoðun 1 stk. ísl. ríkisborgararéttur - kr. 1,600 Róbert Björnsson skrifar Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar Skoðun Setjum kraft í íslenskukennslu fullorðinna Anna Linda Sigurðardóttir skrifar Skoðun Áhrif veiðigjalda ná út fyrir atvinnugreinina Ásgerður Kristín Gylfadóttir skrifar Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar Skoðun RÚV - ljósritunarstofa ríkisins? Birgir Finnsson skrifar Skoðun Að vera hvítur og kristinn Guðbrandur Einarsson skrifar Skoðun Heilbrigðisþjónusta í heimabyggð – loksins orðin að veruleika Anton Guðmundsson skrifar Skoðun Komum heil heim eftir hvítasunnuhelgina Ágúst Mogensen skrifar Skoðun Leiðin til Parísar (bókstaflega) Ólafur St. Arnarsson skrifar Skoðun Ósnertanlegir eineltisseggir og óhæfir starfsmenn Diljá Mist Einarsdóttir skrifar Sjá meira
Nú liggur fyrir að árið 2012 verður algert metár í íslenskri ferðaþjónustu. Flest bendir til að fjöldi erlendra ferðamanna verði nálægt 670 þúsund á yfirstandandi ári. Það er heildarfjöldi til flugvalla og með farþegum frá Norrænu til Seyðisfjarðar. Þetta jafngildir 18,5% aukningu frá fyrra metárinu 2011 en þá nam fjöldinn 565 þúsund. Skýringar á þessari jákvæðu þróun eru fjölmargar en markaðsstarfið vegur þó þyngst. Kynning á Íslandi sem ferðamannalandi á erlendum mörkuðum hefur gengið vel. Þar hefur farið saman gott samstarf fyrirtækja í greininni og stjórnvalda, sem tók flugið með markaðsátakinu "Inspired by Iceland". Flestir eru einnig sammála um mikinn árangur af sameiginlegu átaki stjórnvalda og greinarinnar í vetrarferðamennskuátakinu "Ísland allt árið" sem stendur yfir um þessar mundir. Þetta staðfesta nýjar tölur frá nóvember sem sýna ótrúlega aukningu, eða 61% frá fyrra ári. Á árinu 2012 hefur ferðamönnum frá Bretlandi, Bandaríkjunum og Asíu fjölgað mest en minnst er aukningin frá Norðurlöndunum. Þetta er ánægjuleg þróun, hröð framvinda og breiðari grunnur er lagður með vaxandi fjölda ferðamanna hvaðanæva að.Skemmtiferðaskipin viðbót Til viðbótar hinni miklu fjölgun erlendra ferðamanna í gegnum flugvelli og með Norrænu kom metfjöldi erlendra skemmtiferðaskipa til landsins í ár. Um 100 þúsund erlendir gestir komu t.a.m. til Faxaflóahafna í sumar samanborið við 63 þúsund í fyrra. Það er 59% aukning! Helsta skýring er aukning í komu stærri skemmtiferðaskipa. Þessi aukning mælist ekki í opinberum tölum um fjölda erlendra ferðamanna, þar sem farþegarnir gista um borð í skipunum en ekki á hótelum og gistiheimilum. Jákvætt er einnig að skipin stoppa nú mörg lengur en áður, sum í 1-2 sólarhringa. Bókanir skemmtiferðaskipa til Íslands fyrir árið 2013 eru nú þegar miklar og enn eitt metið gæti verið í vændum þar.Innviðafjárfesting á teikniborðinu Að framansögðu er því ljóst að heildarferðamannafjöldi til landsins nálgast óðfluga 1 milljón talsins. Í fjárlagafrumvarpi fyrir árið 2013, eins og það stendur nú eftir 2. umræðu, er að finna margvíslegar aðgerðir til að styrkja innviði ferðaþjónustunnar svo hún geti staðið undir vaxandi umsvifum. Þar ber hæst 500 m.kr. framlag í framkvæmdasjóð ferðamála og 250 m.kr. framlag í þjóðgarða og friðlýst svæði. Með þessu verður kleift að gera stórátak til úrbóta á vinsælum stöðum þar sem álagið er gríðarlegt á háannatímanum auk þess að þróa nýja áfangastaði og dreifa þannig álaginu. Tilkoma Hörpunnar og væntanlegs hótels við hlið hennar mun skapa ný tækifæri innan greinarinnar, sérstaklega til að halda stórar ráðstefnur. Margvísleg verkefni í sóknaráætlunum ríkisstjórnarinnar fyrir einstaka landshluta styðja í reynd við og falla vel að áframhaldandi sókn í ferðamálum um allt land. Fjárfestingar í innviðum svo sem samgöngum á landsbyggðinni, stuðningur við skapandi greinar, aukin kynning og efling markaðsstarfs á sviði menningar, lista, handverks og hönnunar, allt styður það við þessa þróun. Frá fyrirtækjum í greininni berast nú einnig jákvæðar fréttir. Ákvörðun Icelandair um endurnýjun á flugflota sínum sýnir þetta svart á hvítu og hefur sú efling leiðarkerfisins sem félagið hefur þegar ráðist í skipt sköpum fyrir sókn íslenskrar ferðaþjónustu. Nýleg ákvörðun félagsins um myndarlegan sjóð til stuðnings nýjum ferðamannastöðum á Íslandi mun einnig styrkja innviði ferðaþjónustunnar til muna.Áframhaldandi vöxtur Flest bendir til áframhaldandi vaxtar á árinu 2013 þrátt fyrir að aðstæður á erlendum mörkuðum séu víða erfiðar. Framboð íslensku flugfélaganna á áfangastaði erlendis mun aukast og erlend flugfélög sem flogið hafa til Íslands ætla, það best er vitað, flest að halda áfram. Ísland er enn einna efst á listum margra helstu ferðamálatímarita. Ísland hefur aldrei í sögu sinni notið sambærilegarar athygli erlendis og nú. Margt og misgott kemur til. Hrunið 2008, náttúruhamfarir, erlendar stórmyndir teknar á Íslandi og nú í vaxandi mæli jákvæð umfjöllun um hvernig Ísland er að vinna sig út úr hruninu. Við höfum fengið gríðarlega kynningu og ókeypis auglýsingu út á allt þetta og fleira til og fylgjum því vel eftir sjálf með framsækinni kynningarstarfsemi. Á heildina litið er útlitið bjart fyrir ferðaþjónustuna og ástæða til að gleðjast yfir því hversu vel gengur. Vaxandi umsvif skapa auknar gjaldeyristekjur og bæta lífskjör í landinu. Ferðaþjónustan er orðin fullorðin og þarf að átta sig á því sjálf rétt eins og við hin.
Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson Skoðun
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun
Skoðun Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson skrifar
Skoðun Getur uppbyggilegur fréttaflutningur aukið velsæld í íslensku samfélagi? Ása Fríða Kjartansdóttir, Dóra Guðrún Guðmundsdóttir skrifar
Skoðun „Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir skrifar
Skoðun Ósk um sérbýli, garð og rólegt umhverfi dregur fólk frá höfuðborgarsvæðinu Margrét Þóra Sæmundsdóttir skrifar
Skoðun Eru borgir barnvænar? Þétting byggðar og staða barna í skipulagi Lára Ingimundardóttir skrifar
Skoðun Ný nálgun fyrir börn með fjölþættan vanda Guðmundur Ingi Þóroddsson,Guðbjörg Sveinsdóttir skrifar
Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar
Fagmennska, fræðileg þekking, samráð, samvinna, þarfir og vilji barna og ungmenna eru grundvallaratriði Árni Guðmundsson Skoðun
„Elska skaltu náunga þinn“ – gegn rasisma, hatri og sögufölsunum öfga hægrisins Guðrún Ósk Þórudóttir Skoðun