Jón Margeir kom í mark á tímanum 2:00,52 mínútum og var tæpa sekúndu frá heims- og ólympíumetinu sem hann setti í úrslitasundinu á Ólympíumóti fatlaðra síðastliðið sumar.
Þetta er besti tími Jóns Margeirs á árinu en hann synti á tímanum 2:01,98 sekúndur á Íslandsmótinu um síðustu helgi.

Aníta Ósk Hrafnsdóttir bætti tíma sinn í 200 metra skriðsundi og var hálfa sekúndu frá lágmarki inn á HM. Þá voru Hjörtur Már Ingvarsson og Thelma Björnsdóttir nærri Íslandsmetum sínum.
Fyrr í dag setti Hjörtur Már Íslandsmet í 50 metra baksundi á tímanum 55,35 sekúndur. Þá setti Thelma Björg Íslandsmet bæði í undanrásum 200 metra skriðsunds og 400 metra skriðsunds.