Tiger er í næstneðsta sæti

Svíinn Henrik Stenson var í banastuði á fyrsta hring Tour Championship sem hófst í gær. Slíkt hið sama er ekki hægt að segja um Tiger Woods.

Stenson lék á 64 höggum eða á sex höggum undir pari. Hann er með eins höggs forskot á Adam Scott.

Aðeins 30 kylfingar taka þátt í þessu lokamóti FedEx-bikarsins þar sem keppt er um háar peningaupphæðir. Sigurvegari FedEx-bikarsins fær 1,2 milljarða króna.

Tiger Woods lék á 73 höggum og er í 29. sæti af 30 keppendum.